പല രോഗങ്ങളുടേയും ആദ്യ ലക്ഷണം ശരീരത്തില്‍ തന്നെയാണ് പ്രത്യക്ഷപ്പെടുക. നാം ചിലപ്പോള്‍ അവഗണിയ്ക്കും, ചിലപ്പോള്‍ നമുക്കിതു തിരിച്ചറിയാതെ പോകും. ശരീരത്തിലെ ചെറിയ മാറ്റങ്ങള്‍ പോലും തിരിച്ചറിഞ്ഞു ചികിത്സ നേടിയാല്‍ പല രോഗങ്ങള്‍ക്കും മാറും എന്നത് സത്യം . . ജീവിതം തന്നെ തിരിച്ചു പിടിയ്ക്കുകയും ചെയ്യാം. കാലിലെ നീരു പലരേയും അലട്ടുന്ന പ്രശ്‌നമാണ്. ചിലര്‍ക്ക് രാവിലെ എഴുന്നേല്‍ക്കുമ്പോള്‍ കാലില്‍ നീരുണ്ടാകും. ഇത്തരം നീര് ചിലപ്പോള്‍ നിസാരമാകുമെങ്കിലും ചിലപ്പോള്‍ ഇത് ഗുരുതര രോഗങ്ങളുടെ സൂചന കൂടിയാകാറുമുണ്ട്.
അമിത വണ്ണം, വേണ്ടത്ര വ്യായാമക്കുറവ് എന്നിവയും ഇതിനു കാരണമാകാറുണ്ടെങ്കിലും ചിലപ്പോഴിത് ഗുരുതര രോഗങ്ങളുടെ സൂചന കൂടിയാകാം. കാലില്‍ പലപ്പോഴും നീരു വരുന്നത് പ്രധാനമായും രണ്ടു കാരണങ്ങളാലാണ് എഡിമ അതായത് കാലില്‍ ദ്രാവകം വന്നടിയുന്ന അവസ്ഥയാണ് ഒന്ന്. കാലിലെ രക്തക്കുഴലുകള്‍ക്ക് അവയ്ക്കുള്‍ക്കൊള്ളാന്‍ കഴിയുന്നതിനേക്കാള്‍ കൂടുതല്‍ ഫ്‌ളൂയിഡ് അടിഞ്ഞു കൂടുമ്പോഴാണ് ഇതുണ്ടാകുന്നത്. കാല് ഏറെ സമയം തൂക്കിയിടുമ്പോള്‍ ഇതുണ്ടാകാറുണ്ട്.
കാലിലെ ടിഷ്യൂ വീര്‍ക്കുമ്പോഴാണ് ഇന്‍ഫ്‌ളമേഷന്‍ കാരണം കാലില്‍ നീരു പോലെയുള്ള അവസ്ഥയുണ്ടാകുന്നത്. ഇത് സാധാരണ എല്ലൊടിയുമ്പോഴോ മസില്‍ ഉളക്കുമ്പോഴോ എല്ലാം ഉണ്ടാകാറുമുണ്ട്. എന്നാല്‍ ഇതും പലപ്പോഴും പല രോഗങ്ങളുടേയും ലക്ഷണം കൂടിയാണ്.
ഹൃദയത്തിനുണ്ടാകുന്ന പ്രശ്‌നങ്ങളുടെ ലക്ഷണം ലക്ഷണം കൂടിയാണ് എഡിമ അഥവാ ദ്രാവകം അടിഞ്ഞു കൂടുന്നത് ഹൃദയത്തിന് വേണ്ട രീതിയില്‍ രക്തം പമ്പു ചെയ്യാന്‍ ആവാത്ത അവസ്ഥയില്‍ കാലില്‍ ദ്രാവകം അടിഞ്ഞു കൂടുന്ന കണ്‍ജെസ്റ്റീവ് ഹാര്‍ട്ട് ഫെയിലിയര്‍ എന്ന അവസ്ഥ.ഇതിനൊപ്പം ചുമ, ക്ഷീണം ശ്വാസമെടുക്കാന്‍ ബുദ്ധിമുട്ട്, തുടങ്ങിയ ലക്ഷണങ്ങളുമുണ്ടാകാം.
ഗര്‍ഭിണികളുടെ കാലില്‍ നീരു വരുന്നത് സാധാരണയാണ്. പ്രത്യേകിച്ചും ഗര്‍ഭത്തിന്റെ അവസാന മൂന്നു മാസങ്ങളില്‍, അതായത് കുഞ്ഞു വളര്‍ച്ച പൂര്‍ത്തിയാകാറാകുമ്പോള്‍ കുഞ്ഞിന്റെ തൂക്കം കാരണം കൂടുതല്‍ മര്‍ദം കാലിലെ ഞരമ്പുകളിലുണ്ടാകും. ഇത് സര്‍കുലേഷന് തടസമുണ്ടാക്കും. ദ്രാവകം കെട്ടിക്കിടക്കും. നീരായി വരികയും ചെയ്യും. എന്നാല്‍ ഇതിനൊപ്പം ശ്വാസം മുട്ടലും അനുഭവപ്പെട്ടാല്‍ ഇത് പെരിപാര്‍ട്ടം കാര്‍ഡിയോ മയോപ്പതി എന്ന അവസ്ഥയാകാം. ഗര്‍ഭകാലത്തുണ്ടാകുന്ന ഹാര്‍ട്ട് ഫെയിലിയര്‍ എന്ന അവസ്ഥയാണിത്.
കാലിലുണ്ടാകുന്ന വീര്‍മതയ്ക്കു മറ്റൊരു കാരണമാണ് ഡീപ് വെയിന്‍ ത്രോംബോസിസ്, ത്രോംബോഫ്‌ളെബിറ്റിസ് എന്ന അവസ്ഥ. ത്രോംബോസിസ് കാലിലെ ഞരമ്പുകളില്‍ രക്തം കട്ട പിടിയ്ക്കും. ഇത് ലംഗ്‌സിലേയ്ക്കു കടക്കും. ഇത് പള്‍മൊണറി എംബോളിസം എന്ന അവസ്ഥയുണ്ടാക്കും. ഇത് മരണകാരണം വരെയാകാം. ത്രോംബോഫ്‌ളെബിറ്റിസ് എന്ന അവസ്ഥ കാരണമാണു നീരെങ്കില്‍ ചര്‍മത്തോടു ചേര്‍ന്ന ഭാഗത്ത്, പ്രധാനമായും കാല്‍വണ്ണയിലെ മസിലുകളില്‍ നീരുണ്ടാകും.
ഞരമ്പുകള്‍ തടിച്ചു വീര്‍ക്കുന്നതും കാലില്‍ നീരുമെല്ലാം വെരിക്കോസ് വെയിനുകള്‍കാലിലുണ്ടാക്കുന്ന മറ്റൊരു അവസ്ഥയാണ്. ഏറെ നേരം ഇരുന്നാലോ നിന്നാലോ കാല് വേദന, ചര്‍മം വരണ്ടതാകുക, മുറിവുകള്‍ ചര്‍മത്തിന് നിറ വ്യത്യാസം, എന്നിവയെല്ലാം ഇതിന്റെ ലക്ഷണങ്ങളാണ്. കാലിലെ വെയിനുകളിലെ വാല്‍വുകള്‍ രക്തം ഹൃദയത്തിലേയ്ക്കു പമ്പു ചെയ്യാതിരിയ്ക്കുമ്പോഴാണ് കാലില്‍ ഇത്തരം പ്രശ്‌നങ്ങളുണ്ടാകുന്നത്.
എന്നാല്‍ കാലില്‍ ദ്രാവകമല്ലാതെ നീരായി പ്രത്യക്ഷപ്പെടുന്നതിന് ഒരു പ്രധാന കാരണം സന്ധിവാതമാണ്. പ്രത്യേകിച്ചും സന്ധികളില്‍. വാതത്തിന്റെ തന്നെ പല വിഭാഗങ്ങളിലും ഈ ലക്ഷണം കണ്ടു വരുന്നു.കൈ കാല് മുട്ടുകളിലെ നീരാണ് ഇതിന് പ്രധാന കാരണമായി വരുന്നത്. കൈ കാലുകള്‍ ഒടിയുമ്പോഴും മറ്റും ഈ ഭാഗങ്ങളില്‍ നീരുണ്ടാകും. ഇതിനു പുറമേ മസില്‍ ഉളുക്ക്, എല്ലിനുണ്ടാകുന്ന മുറിവ് എന്നിവയെല്ലാം കാലില്‍ നീരിന്റെ രൂപത്തില്‍ പ്രത്യക്ഷപ്പെടാവുന്നവയാണ്. തൈറോയ്ഡ് പോലെയുള്ള രോഗങ്ങളുടെ ലക്ഷണമായും , പ്രത്യേകിച്ചും തൈറോയ്ഡ് അസന്തുലിതാവസ്ഥയുണ്ടാകുമ്പോള്‍മറ്റു കാരണങ്ങള്‍ കൊണ്ടല്ലാതെയുണ്ടാകുന്ന നീരിന് കാരണം ഇതാകാം.
കാലിലെ ഇത്തരം വീക്കത്തിന് സെല്ലുലൈറ്റിസ് എന്ന അവസ്ഥയും കാരണമാകും. അതായത് ഇന്‍ഫ്‌ളമേഷന്‍. സ്‌ട്രെപ്‌റ്റോകോക്കസ് , സ്‌റ്റെഫാലോകോക്കസ് ബാക്ടീരിയകള്‍ ചര്‍മത്തിലുണ്ടാകുന്ന ഏതെങ്കിലും മുറിവിലൂടെ ശരീരത്തില്‍ പ്രവേശിച്ചാല്‍ കാലില്‍ നീരായി ലക്ഷണം കാണാം . ഇതിനൊപ്പം
ചൂട്, ചര്‍മം വല്ലാതെ മൃദുവാകുക, വേദന, പനി, ചുവന്ന പാടുകള്‍, തുടങ്ങിയവ മറ്റു ലക്ഷണങ്ങളായി പ്രത്യക്ഷപ്പെടുന്നു.