സൃഷ്ടിപരമായ ആവശ്യങ്ങൾക്കായി രാത്രി ഉറങ്ങാതിരിക്കുക എന്നത് സുഖകരമായ ഒരു കാര്യമാണ്. എന്നാൽ യാഥാർഥ്യ ലോകത്ത് ജീവിക്കുന്ന നമ്മളിൽ ചിലർക്ക് രാത്രി ജോലി ചെയ്യേണ്ടത് അത്യാവശ്യമായിത്തീരുന്നു. കച്ചവടങ്ങളിൽ ഉപഭോക്തൃ ആവശ്യങ്ങൾ വർദ്ധിക്കുന്നതിനാൽ, രാത്രി സമയങ്ങളിൽ ജോലി ചെയ്യാൻ തയ്യാറുള്ള ജീവനക്കാരുടെ ആവശ്യകതയും അതുപോലെ വർദ്ധിക്കുന്നു. നിങ്ങൾ രാത്രി ഷിഫ്റ്റിൽ ജോലി ചെയ്യുവാൻ തുടങ്ങുമ്പോൾ നിങ്ങളുടെ ശരീരം വളരെയധികം മാറ്റങ്ങളിലൂടെ കടന്നുപോകുന്നു, അവയിൽ ചിലത് മോശമായവയിലേക്ക് തിരിയുകയും ചെയ്യുന്നു. ഇതിന്റെ അപാകതകൾ തിരിച്ചറിയുക എന്നത് ആദ്യപടിയാണ്, രണ്ടാമത്തേത് ഓരോ ഘട്ടത്തിൽ ഓരോ പ്രശ്‌നങ്ങൾ വീതം പരിഹരിക്കുക എന്നതാണ്.
രാത്രിയിൽ ജോലി ചെയ്യുന്നതിലും രാത്രി ഷിഫ്റ്റുകൾക്ക് പോകുന്നതിലും തെറ്റൊന്നുമില്ല. ഈ പറയുന്നത് കൊണ്ട് ഞങ്ങളെ തെറ്റിദ്ധരിക്കരുത്. എന്നാൽ ഇത് സ്വാഭാവികമായ കാര്യവുമല്ല. വിമർശിക്കാനല്ല, പകരം നിങ്ങളെ സഹായിക്കാനാണ് ഞങ്ങൾ ഇത് ഇവിടെ പറയുന്നത്. നിങ്ങൾ രാത്രി ഷിഫ്റ്റുകളിൽ ജോലിചെയ്യുമ്പോൾ എന്തുസംഭവിക്കുന്നുവെന്നും അത് എങ്ങനെ പരിഹരിക്കാമെന്നതിനെക്കുറിച്ചുള്ള ചില ആരോഗ്യപ്രദമായ മാർഗ്ഗങ്ങൾ നമുക്ക് ഇനി പരിശോധിക്കാം (തീർച്ചയായും നിങ്ങളുടെ ജോലി ഉപേക്ഷിക്കാതെ തന്നെ!).
Also read: ജോലിയും സ്വകാര്യ ജീവിതവും കൂട്ടിക്കുഴയ്ക്കല്ലേ…
രാത്രി ജോലിചെയ്യുമ്പോഴും നല്ല ഉറക്കം ലഭിക്കുവാനും, എങ്ങനെ ആരോഗ്യത്തോടെയിരിക്കാം എന്നതിനെക്കുറിച്ചും നമുക്ക് സംസാരിക്കാം.
- കൂടുതൽ പഴങ്ങളും പച്ചക്കറികളും കഴിക്കുക
പഴങ്ങളിലും പച്ചക്കറികളിലും ധാരാളം നാരുകൾ അടങ്ങിയിട്ടുണ്ട്, ഇത് മലബന്ധം തടയുകയും, വിശപ്പിനെ ശമിപ്പിക്കുകയും ചെയ്യുന്നു. കൂടാതെ, ആരോഗ്യകരമായ പല തരം കലോറിയും പോഷകങ്ങളും ഇത് നിങ്ങൾക്ക് നൽകുന്നു. ലഘുഭക്ഷണത്തിനായി, നിങ്ങൾക്ക് കുറച്ച് ഉണങ്ങിയ പരിപ്പുകൾ (നട്ട്സുകൾ), വിത്തുകൾ, കൊഴുപ്പ് കുറഞ്ഞ തൈര്, മാംസം എന്നിവ ഭക്ഷണത്തിൽ ഉൾപ്പെടുത്താം. ഇവ നിങ്ങളുടെ മനസ്സിനും ശരീരത്തിനും ആവശ്യമുള്ള ബി-കോംപ്ലക്സ് വിറ്റാമിനുകൾ നൽകുകയും, ഒപ്പം ജോലിസ്ഥലത്ത് മികച്ച രീതിയിൽ പ്രവർത്തിക്കാൻ നിങ്ങളെ സഹായിക്കുകയും ചെയ്യുന്നു.
- കഫീൻ എടുക്കരുത്
രാത്രി ജോലികളിൽ ഏർപ്പെടുന്നവർ ഉന്മേഷത്തോടെയിരിക്കാൻ ധാരാളമായി കാപ്പി കുടിക്കുന്നത് കാണാറുണ്ട്. എന്നാൽ കാഫീൻ അമിതമായി ശരീരത്തിലെത്തുന്നത് ദോഷകരമാണ്. കഫീൻ നിങ്ങൾക്ക് ഉന്മേഷവും ജാഗ്രതയും നൽകുന്നതും, എന്നാൽ അതേ സമയം തന്നെ ഇത് നിങ്ങളുടെ ആരോഗ്യത്തിന് ദീർഘകാലത്തേക്ക് ദോഷകരവുമായ കാര്യമാണ്. ജോലിസ്ഥലത്ത് നിങ്ങൾ നിരവധി കപ്പ് കാപ്പി കുടിക്കുകയാണെങ്കിൽ, അത് ദഹിക്കുന്നതിന് നിങ്ങളുടെ ശരീരം കൂടുതൽ കഠിനാധ്വാനം ചെയ്യേണ്ടിവരും. ഇത് നിങ്ങളുടെ അധിവൃക്ക ഗ്രന്ഥികളെ സമ്മർദ്ദത്തിൽ ആക്കുകയും, ഇത് ആദ്യത്തെ 5 മണിക്കൂറിൽ പകരുന്ന ഉന്മേഷം ആ സമയം കഴിയുമ്പോൾ കേട്ടടങ്ങുകയും, പിന്നീട് ഉറങ്ങാൻ പോലും ബുദ്ധിമുട്ട് അനുഭവപ്പെടുകയും ചെയ്യുന്നതാണ്.
- സൂര്യപ്രകാശം കൊള്ളുക
വീണ്ടും, നിങ്ങളുടെ ജോലി ഭാരം കുറഞ്ഞതാണെങ്കിലോ നിങ്ങളുടെ ജോലിയുടെ പങ്ക് പൂർത്തിയാക്കി നിങ്ങൾ ഓഫീസിൽ തന്നെ തുടരുകയാണെങ്കിലോ, സൂര്യപ്രകാശം എൽക്കുന്നതിനായി പുറത്ത് ഒരു ചെറിയ നടത്തത്തിന് പോകാൻ ശ്രമിക്കുക. നിങ്ങൾക്കുണ്ടായ സംശയം ശരിയാണ്. രാത്രിയിൽ എവിടെ സൂര്യ പ്രകാശം? അതിനാൽ വൈകുന്നേരങ്ങളിൽ ജോലിക്ക് പ്രവേശിക്കുന്നതിന് മുമ്പായോ, അല്ലെങ്കിൽ രാതി ജോലി കഴിഞ്ഞ് വീട്ടിലെത്തിയ ശേഷമോ സൂര്യപ്രകാശം ശരീരത്തിലേൽക്കാനായി പുറത്തിറങ്ങാൻ ശ്രദ്ധിക്കുക. അല്ലെങ്കിൽ ജോലി കഴിഞ്ഞാൽ കുറച്ച് സൂര്യപ്രകാശം കൊള്ളുവാൻ ശ്രമിക്കുക. ഇത് നിങ്ങളുടെ ശരീരത്തിന് ആവശ്യമായ വിറ്റാമിൻ ഡി നേടാനും പിന്നീട് ഉറങ്ങുവാൻ സഹായിക്കാനും ഉപകാരപ്പെടുന്നതാണ്.
Also read: തൊഴിലിടങ്ങളിലെ മാനസികാരോഗ്യം ഉറപ്പാക്കാൻ…
- ഹ്രസ്വ നേരത്തെ ഉറക്കം
നിങ്ങളുടെ ജോലി ഇത് അനുവദിക്കുകയാണെങ്കിൽ, നിങ്ങൾക്ക് ഒരു പവർ നാപ്പ് അഥവാ ഹൃസ്വ നേരത്തെ ഉറക്കം എടുക്കാവുന്നതാണ്. അതുവഴി രാത്രി മുഴുവൻ ജോലി ചെയ്യുന്നത് നിങ്ങളുടെ ഉൽ‌പാദനക്ഷമതയെ ഒട്ടും ബാധിക്കില്ല. നിങ്ങൾ വീട്ടിലെത്തുമ്പോൾ നന്നായി ഉറക്കം ലഭിക്കുന്നുവെന്ന് ഉറപ്പാക്കാനും ഇത് സഹായിക്കും. പവർ നാപ്പുകളിൽ നന്നായി പ്രവർത്തിക്കുന്ന മറ്റൊരു മാർഗ്ഗമാണ് പോളിഫാസിക് സ്ലീപ്പ് സൈക്കിളുകൾ. അവ പരിശോധിച്ച് നിങ്ങളുടെ ആരോഗ്യത്തെയും ആവശ്യങ്ങളെയും അടിസ്ഥാനമാക്കിയുള്ള സമയപ്പട്ടികകളിലൊന്ന് സ്വീകരിക്കാം.
- ഇലക്ട്രോണിക്സ് ഉപകരണങ്ങൾ ഉപയോഗിക്കരുത്
ജോലി ജോലിയാണ്, ഉറക്കം ഉറക്കമാണ്. ഇവ രണ്ടും കൂട്ടിക്കലർത്തരുത്. അതിൽ വീട്ടിലേക്ക് മടങ്ങിയതിന് ശേഷം ഉറക്കം കളഞ്ഞ് സഹപ്രവർത്തകരുമായി ചാറ്റുചെയ്യുകയോ, രസകരമായ പല തരത്തിലുള്ള വീഡിയോകൾ കാണുകയോ ചെയ്യുന്നത് ഉൾപ്പെടുന്നു. ഉറങ്ങാൻ പോകുന്നതിനുമുമ്പ് കുറഞ്ഞത് രണ്ട് മണിക്കൂർ മുമ്പെങ്കിലും നിങ്ങളുടെ ഇലക്ട്രോണിക്സ് ഉപകരണങ്ങൾ ഓഫ് ചെയ്ത് വയ്ക്കുക എന്ന ഒരു ചട്ടം വീട്ടിൽ ഉണ്ടാക്കുക, കുറഞ്ഞ പക്ഷം നിങ്ങളുടെ ആരോഗ്യം നിങ്ങളുടെ സ്വത്താണെന്ന് തിരിച്ചറിഞ്ഞാൽ ഇത്തരം ഇലക്ട്രോണിക് ഉപകരണങ്ങളുടെ അമിത ഉപയോഗം നിങ്ങൾക്ക് കുറയ്ക്കാൻ സാധിക്കും.
- ശ്രദ്ധ വ്യതിചലിക്കരുത്
ഇത് തുടർന്ന് ചെയ്യേണ്ട ഒരു കാര്യമാണ്. ഇതിനർത്ഥം, ടിവി കാണരുത്, ഉയർന്ന അളവിൽ ശബ്ദം വരുത്തുന്ന പശ്ചാത്തല സംഗീതം വയ്ക്കരുത് തുടങ്ങിയവയാണ്. നിങ്ങൾക്ക് ഒരു ഗൗരവ സ്വഭാവമുള്ള റൂംമേറ്റ് ഉണ്ടെങ്കിൽ, അയാൾക്ക് ബുദ്ധിമുട്ട് ഉണ്ടാവാതിരിക്കുവാൻ നിങ്ങൾ ഒരു ഇയർപ്ലഗ്ഗ് വാങ്ങി ഉപയോഗിക്കുന്ന കാര്യം പരിഗണിക്കുക. നിങ്ങൾക്ക് ഗുണനിലവാരമുള്ള ഉറക്കം ലഭിക്കുന്നു എന്ന് ഉറപ്പാക്കുന്നതിന്, തണുത്ത, ഇരുണ്ട, ശാന്തമായ അന്തരീക്ഷത്തിൽ ഉറങ്ങുവാൻ ആയിരിക്കും സാധാരണ ഗതിയിൽ നിങ്ങൾ ആഗ്രഹിക്കുക.
- ആശ്വാസം പകരുന്ന സംഗീതം കേൾക്കുക
സംഗീതത്തിന് മനസ്സിനെയും ശരീരത്തെയും സുഖപ്പെടുത്താനുള്ള അസാധാരണ കഴിവുണ്ട്. ശാസ്ത്രീയം അല്ലെങ്കിൽ ഇൻസ്ട്രുമെന്റൽ പിയാനോ പോലുള്ള ആശ്വാസം പകരുന്ന സംഗീതം കേൾക്കുന്നത് നിങ്ങളെ സുഖപ്രദമായി ഉറങ്ങുവാൻ സഹായിക്കും. നിങ്ങൾക്ക് വീട്ടിൽ നിശബ്ദത സഹിക്കുവാൻ കഴിയുന്നില്ലെങ്കിലോ, നിങ്ങളുടെ മനസ്സിനെ അലഞ്ഞുതിരിയുവാൻ വിടുന്നതിനായി ആഗ്രഹിക്കുന്നെങ്കിലോ, അതിനുള്ള ഏറ്റവും നല്ല ഒരു മാർഗമാണിത്.
- ഒരു മണിക്കൂർ നേരം വിശ്രമം എടുക്കുക
സംഗീതം കേൾക്കുന്നത് സഹായിക്കുന്നില്ലെങ്കിൽ, നിങ്ങളുടെ തിരക്കുകളിൽ നിന്ന് പിന്മാറാൻ ഒരു മണിക്കൂർ വിശ്രമം എടുക്കുക. നല്ല ഊഷ്മളമായ ഒരു കുളി കുളിക്കുകയോ, സമാധാനപരമായതോ ആശ്വാസം പകരുന്നതോ ആയിട്ടുള്ള പുസ്തകം വായിക്കാൻ കുറച്ച് മിനിറ്റ് ചെലവഴിക്കുകയോ ചെയ്യുക. ഡയറി എഴുത്ത് വഴി നിങ്ങളുടെ സർഗ്ഗാത്മകതയെ കുറച്ചുകൂടി പുറത്തേക്ക് കൊണ്ടുവരുവാനോ മിനുക്കി എടുക്കുവാനോ കഴിയും. ഇത് നിങ്ങളുടെ ചിന്തകളെ മനസ്സിൽ നിന്ന് കടലാസിലേക്ക് പകർത്തുവാനും സഹായിക്കുകയും, അതുവഴി ഇത് നിങ്ങളുടെ മനസ്സിനെ ശൂന്യമാക്കുന്നതിലൂടെ ഉറക്കം ലഭിക്കുന്നത് കൂടുതൽ എളുപ്പത്തിലാക്കുകയും ചെയ്യുന്നു.
- ധ്യാനിക്കുക
നിങ്ങളുടെ സാധാരണ ഉറക്ക സമയത്തിന് മുമ്പായി ഉറങ്ങുന്നതിന് ധ്യാനം സഹായിക്കുന്നു. വിവിധ ധ്യാന സംഗീതങ്ങളും മാർഗ്ഗനിർദ്ദേശങ്ങളും ലഭ്യമാണ്. ഇത് നിങ്ങളുടെ കൂടുതൽ സമയവും എടുക്കുന്നില്ല. സുഖപ്രദമായ വസ്ത്രത്തിൽ നിങ്ങൾ ശാന്തമായ ഒരു സ്ഥലത്ത് ഇരുന്നു, ആഴത്തിൽ ശ്വസിക്കുക, നിങ്ങളുടെ മനസ്സിനെ സ്വതന്ത്രമായി വിടുക. നിങ്ങളുടെ ശ്വാസത്തിൽ ശ്രദ്ധ കേന്ദ്രീകരിക്കുകയും , മറ്റൊന്നിനെ കുറിച്ചും ആലോചിക്കാതെ, ചിന്തകളെ സ്വതന്ത്രമായി ഒഴുക്കി വിടുകയും ചെയ്യുക. ദിവസത്തിൽ അഞ്ചോ പത്തോ മിനിറ്റ് ഇത് ചെയ്യുക. അതിലൂടെ, ഉറങ്ങുന്നത് വളരെ എളുപ്പമാണെന്ന് നിങ്ങൾക്ക് മനസ്സിലാക്കുവാൻ സാധിക്കും. കൂടാതെ, ഉറക്കസമയത്തിന് മുമ്പ് നിങ്ങളുടെ മനസ്സും ശരീരവും വിശ്രമിക്കുന്നതിനാൽ, ഇത് നിങ്ങൾക്ക് ഉയർന്ന നിലവാരമുള്ള ഉറക്കം സമ്മാനിക്കുന്നു.
- നിങ്ങളുടെ തൊഴിലുടമയുമായി സംസാരിക്കുക
മറ്റെല്ലാം പരാജയപ്പെടുകയും നിങ്ങൾക്ക് രാത്രിയിലെ ജോലികൾ ചെയ്യുവാൻ കഴിയില്ലെന്ന് കണ്ടെത്തുകയും ചെയ്താൽ, നിങ്ങളുടെ തൊഴിലുടമയുമായി തുറന്ന് സംസാരിക്കുവാൻ ശ്രമിക്കുക. പകരം, ഒരു പകൽ ഷിഫ്റ്റിനായി അദ്ദേഹത്തോട് ആവശ്യപ്പെടുക. ഞങ്ങളെ വിശ്വസിക്കൂ, ഇത് വളരെയധികം വ്യത്യാസങ്ങൾ സൃഷ്ടിക്കും. അത് സാരമാക്കേണ്ടതില്ല. ചില ആളുകൾ രാത്രി മൂങ്ങകളാണ്, മറ്റുള്ളവർ നേരത്തെ തന്നെ ഉറങ്ങുന്നവരാണ്. നിങ്ങൾ നിങ്ങളായി തന്നെ പെരുമാറുക, അതിലൂടെ നിങ്ങളുടെ ഉൽ‌പാദനക്ഷമത മെച്ചപ്പെടുമെന്ന് നിങ്ങൾക്ക് തന്നെ അറിയുവാൻ സാധിക്കുന്നു.
ഞങ്ങളുടെ ഭാഗത്തുനിന്ന് നിങ്ങൾക്കായി ഈ കാര്യത്തിൽ നൽകാവുന്ന എല്ലാ നുറുങ്ങുവിദ്യകളും ഇതൊക്കെയാണ്. ശ്രദ്ധിക്കേണ്ട പ്രധാന കാര്യം പോസിറ്റീവ് ആയിരിക്കുക, നിങ്ങൾ നിങ്ങളോട് തന്നെ സൗമ്യത പുലർത്തുക എന്നതാണ്. മാറുന്ന ശീലങ്ങൾക്ക് സമയമെടുക്കും. സ്ഥിരതയാണ് പ്രധാന ഘടകം. ഇതിനർത്ഥം എല്ലാ ദിവസവും ഒരേ സമയം ഭക്ഷണം കഴിക്കുക, ഒരേ സമയം ഉറങ്ങുക എന്നിവയൊക്കെയാണ്. അത് നിങ്ങളുടെ ജീവിതം വളരെയധികം എളുപ്പമാക്കുകയും രാത്രി ജോലികളിലെ ഭയാനതയും ബുദ്ധിമുട്ടുകളും കുറയ്ക്കുകയും ചെയ്യുന്നു.
രാത്രി ജോലി ചെയ്യുവാൻ തുടങ്ങുമ്പോൾ അക്ഷരാർത്ഥത്തിൽ സംഭവിക്കുന്നത് ഈ കാര്യങ്ങളൊക്കെയാണ്:
രാത്രി ജോലിയുടെ പാർശ്വഫലങ്ങൾ
നിങ്ങളുടെ ശരീരത്തിന് രാത്രിയിൽ ഉറങ്ങാനും പകൽസമയത്ത് ഉണർന്നിരിക്കാനുമുള്ള ഒരു സ്വാഭാവിക പ്രവണതയുണ്ട്. ഈ സ്വാഭാവിക ഉറക്കരീതിയെ നിങ്ങൾ കുഴപ്പത്തിലാക്കുമ്പോൾ, നിങ്ങളുടെ ജൈവഘടികാരം ഒരു പരിധിവരെ നഷ്ടപ്പെടുന്നു. വാസ്തവത്തിൽ, ഇത് വളരെ പ്രധാനമാണ്, കാരണം ഇത് ശരീരത്തിൽ നിന്ന് വിഷവസ്തുക്കളെ പുറന്തള്ളുന്നതിനും ആന്തരിക രോഗശാന്തിയെ പ്രോത്സാഹിപ്പിക്കുന്നതിനും മറ്റ് ശാരീരിക പ്രക്രിയകൾ കാര്യക്ഷമമായി പ്രവർത്തിപ്പിക്കുന്നതിനും അക്ഷരാർത്ഥത്തിൽ ഉത്തരവാദിയാണ്.
നിങ്ങൾ വൈകി ജോലിചെയ്യാൻ തുടങ്ങുമ്പോൾ നിങ്ങളുടെ ജൈവഘടികാരം അത്ര നല്ല നിലയിൽ അല്ലാത്തതിനാൽ, നിങ്ങളുടെ ശരീരം സമ്മർദ്ദം എടുക്കുന്നു. ഇത് ഉയർന്ന രക്തസമ്മർദ്ദം, രക്തത്തിലെ പഞ്ചസാരയുടെ അളവ് വർദ്ധിപ്പിക്കൽ, ശരീരത്തിൽ “മോശം” കൊളസ്ട്രോളിന്റെ വർദ്ധന എന്നിവയുടെ രൂപത്തിൽ വിവർത്തനം ചെയ്യുപ്പെടുന്നു.
സ്ത്രീകളിൽ സ്തനാർബുദത്തിനുള്ള സാധ്യത കൂടുന്നു
ഇത് എന്തുകൊണ്ടെന്ന് ഗവേഷകർക്ക് കൃത്യമായി പറയുവാൻ കഴിയുന്നില്ല. പക്ഷേ സ്ത്രീകൾ രാത്രി ജോലി ചെയ്യുന്നതും സ്തനാർബുദം വരാനുള്ള സാധ്യതയും തമ്മിലുള്ള ഒരു ബന്ധം അവർ കണ്ടെത്തിയിട്ടുണ്ട്. ആഴ്ചയിൽ ഒരിക്കൽ ജോലി രാത്രിയിൽ ചെയ്യുന്നവർക്കും ഇത് ബാധകമാണ്.
നിങ്ങൾക്ക് ഒട്ടും വ്യായാമം ലഭിക്കുകയില്ല എന്നതാണ് മറ്റൊരു പ്രധാന കാര്യം. അതിനെക്കുറിച്ച് ചിന്തിക്കുക. രാത്രിയിൽ നിങ്ങൾ ജോലിചെയ്യുന്നു, രാവിലെ നിങ്ങൾ വീട്ടിലേക്ക് മടങ്ങുമ്പോൾ, നിങ്ങൾക്ക് എന്താണ് വേണ്ടത്? കുറച്ച് മണിക്കൂർ ഉറക്കം. ഇതിനിടയിൽ വ്യായാമത്തിന് സമയം ലഭിക്കുകയില്ല.
മോശം ഭക്ഷണക്രമവും അമിതവണ്ണവും
വർദ്ധിച്ച കോർട്ടിസോളിന്റെ അളവ് അർത്ഥമാക്കുന്നത്, രാത്രി ജോലി ചെയ്യുമ്പോൾ നിങ്ങൾ സ്വാഭാവിക ഭക്ഷണ രീതികളിലേക്ക് പോകുന്നതിനു പകരം സംസ്കരിച്ചതും ആരോഗ്യത്തിന് ഹാനികരവുമായ ഹോട്ടൽ ഭക്ഷണങ്ങൾ അമിതമായി കഴിക്കുവാൻ സാധ്യതയുണ്ട് എന്നാണ്. രാത്രി സമയം ജോലി ചെയ്യുന്ന ആളുകൾക്ക് അമിതവണ്ണം, ഹൃദ്രോഗം, മോശപ്പെട്ട ഹൃദയാരോഗ്യം എന്നിവയുടെ നിരക്ക് വളരെ കൂടുതലാണ് എന്നാണ് കണക്കുകൾ സൂചിപ്പിക്കുന്നത്. ആർക്കും അവരെ കുറ്റപ്പെടുത്താൻ കഴിയില്ല. കാരണം അത് അവരുടെ ജീവിതമാണ്.
ഉറക്കക്കുറവ്
നിങ്ങൾക്ക് ഒരു ദിവസം ഏഴ് മുതൽ എട്ട് മണിക്കൂർ നേരം വരെ ഉറക്കം ആവശ്യമാണ്. അല്ലെങ്കിൽ നിങ്ങൾക്ക് വളരെ യാഥാസ്ഥിതിക മനോഭാവം ആണെങ്കിൽ കുറഞ്ഞത് 6.5 മണിക്കൂറെങ്കിലും ഉറക്കം വേണ്ടതാണ്. ജോലിസ്ഥലത്തെ സമ്മർദ്ദത്തോടൊപ്പം, ഇണക്കമില്ലാത്ത മണിക്കൂറുകളും ഗുണനിലവാരമില്ലാത്ത ഉറക്കത്തിലേക്ക് നിങ്ങളെ കൊണ്ടെത്തിക്കുന്നു.
ഏഴ് മണിക്കൂർ ഉറങ്ങാൻ നിങ്ങൾ ആഗ്രഹിക്കുന്നുണ്ട് എങ്കിലും, രാത്രി ഷിഫ്റ്റുകളിൽ ജോലി ചെയ്യുന്നതിലൂടെ നമുക്ക് നാലോ അഞ്ചോ മണിക്കൂർ വരെ സമയം മാത്രമേ ഉറങ്ങാനായി യഥാർത്ഥത്തിൽ ലഭിക്കൂ എന്നതാണ് വാസ്തവം. വിട്ടുമാറാത്ത ഉറക്കക്കുറവ്, മോശം പ്രകടനം എന്നിവയെക്കുറിച്ച് നാഷണൽ സ്ലീപ്പ് ഫൗണ്ടേഷൻ നടത്തിയ ഒരു സർവേയുണ്ട്. അത് വ്യക്തമാക്കുന്നതും ഇതേ കാര്യം തന്നെയാണ്.
ടൈപ്പ് 2 പ്രമേഹത്തിന്റെ അപകടസാധ്യതയിലേക്ക്
നിങ്ങളുടെ ഹോർമോണുകളും മെറ്റബോളിസവും പരസ്പരം ബന്ധപ്പെട്ടിരിക്കുന്നു. ലെപ്റ്റിൻ ഇതിലൊന്നാണ്. നിങ്ങളുടെ ഭാരം, രക്തത്തിലെ പഞ്ചസാരയുടെ അളവ്, ഇൻസുലിൻ സംവേദനക്ഷമത എന്നിവ കൈകാര്യം ചെയ്യുന്നതിൽ ലെപ്റ്റിൻ ഒരു പങ്കു വഹിക്കുന്നു. നിങ്ങൾ രാത്രി ഷിഫ്റ്റുകളിൽ പ്രവർത്തിക്കുമ്പോൾ, നിങ്ങളുടെ മെറ്റബോളിസം താറുമാറാകുകയും, ഇത് ചില പ്രധാന ഹോർമോണുകളുടെ ഉൽപാദനത്തിലും നിയന്ത്രണത്തിലും ഇടപെടുന്ന അവസ്ഥ ഉണ്ടാകുകയും ചെയ്യുന്നു.
നിങ്ങളുടെ രക്തത്തിലെ പഞ്ചസാരയുടെ അളവ് ഉയർത്തുകയും ഇൻസുലിൻ റിസപ്റ്ററുകൾ പ്രവർത്തിക്കാതിരിക്കുകയും ചെയ്യുമ്പോൾ, ടൈപ്പ് 2 ഭാവിയിൽ പ്രമേഹം വരാനുള്ള സാധ്യത വളരെ ഉയർന്നതാകുന്നു. എൻ‌ഡോക്രൈൻ സൊസൈറ്റി ഈ വിഷയത്തിൽ ഒരു പഠനം പോലും നടത്തുകയുണ്ടായി.
വിറ്റാമിൻ ഡിയുടെ അഭാവം
വിറ്റാമിൻ ഡി സൂര്യപ്രകാശത്തിലുള്ള വിറ്റാമിനാണ്. ചർമ്മത്തെ സൂര്യന്റെ രശ്മികൾ കൊള്ളിക്കുമ്പോൾ നിങ്ങൾക്ക് ഇത് ലഭിക്കും. നിങ്ങൾ ഇരുട്ടിലായിരിക്കുകയും, വെളിയിൽ സമയം ചെലവഴിക്കാതിരിക്കുകയും ചെയ്യുമ്പോൾ, നിങ്ങളുടെ ആർ‌ഡി‌എ (ശുപാർശ ചെയ്യപ്പെടുന്ന ഭക്ഷണ അലവൻസ്) ലഭിക്കാതിരിക്കുവാൻ സാധ്യതയുണ്ട്. സപ്ലിമെന്റുകൾ സഹായിക്കുന്നു എങ്കിലും, പക്ഷേ സ്വാഭാവിക രീതിയിൽ വിറ്റാമിൻ ഡി ലഭിക്കുന്നതിനെക്കാൾ നല്ലത് ഒന്നും തന്നെയില്ല. വിറ്റാമിൻ ഡിയുടെ അഭാവം വിഷാദം, അസ്ഥി ആരോഗ്യം, പ്രോസ്റ്റേറ്റ് കാൻസർ, വൻകുടൽ കാൻസർ, ഹൃദ്രോഗം എന്നിവയുമായി ബന്ധപ്പെട്ടിരിക്കുന്നു.