പലരും നേരിടുന്ന വലിയ ബുദ്ധിമുട്ടാണ് ദഹന പ്രശ്‌നം. ആനാരോഗ്യകരമായ ഭക്ഷണങ്ങളും കൃത്യ സമയത്ത് ഭക്ഷണം കഴിക്കാക്കതും ദഹന സംബന്ധമായ പ്രശ്‌നങ്ങള്‍ക്ക് കാരണമാകാറുണ്ട്.
ദഹന പ്രക്രിയയില്‍ എന്തെങ്കിലും പ്രശ്‌നങ്ങള്‍ ഉണ്ടാകുമ്പോള്‍ വായുകോപം, വയര്‍ വീക്കം, ദഹനക്കേട്, വയറുവേദന, വയറിളക്കം, മറ്റ് വയര്‍ സംബന്ധമായ പ്രശ്‌നങ്ങള്‍ തുടങ്ങിയ ലക്ഷണങ്ങളെ ഞങ്ങള്‍ അഭിമുഖീകരിക്കേണ്ടി വന്നേക്കാം.
ചില ഭക്ഷണങ്ങള്‍ കഴിച്ചാല്‍ നമുക്ക് ദഹന പ്രശ്‌നങ്ങള്‍ ഒരുപരിധിവരെ ഒഴിവാക്കാന്‍ സാധിക്കും. അതില്‍ പ്രധാനമാണ് ഉലുവ. രാവിലെ നിങ്ങളുടെ വയറ് ശരിയായി പ്രവര്‍ത്തിക്കുന്നില്ലെന്ന് തോന്നുന്നുവെങ്കില്‍ ഉലുവ ഇലയിട്ട അല്ലെങ്കില്‍ ഉലുവയിട്ട വെള്ളം കുടിക്കാം.
ദഹനം മികച്ചതാക്കാന്‍ ഉലുവ നിങ്ങളെ സഹായിക്കും. വയറുവേദന അടക്കമുള്ള പല തരത്തിലുമുള്ള പ്രശ്‌നങ്ങള്‍ ഇല്ലാതാക്കാനും ഉലുവ വളരെയധികം സഹായിക്കും. അസിഡിറ്റി ഇല്ലാതാക്കാന്‍ ഉലുവ തന്നെയാണ് ബെസ്റ്റ്. ഭക്ഷണത്തില്‍ ഉലുവ ഉള്‍പ്പെടുത്തുന്നത് വഴി ദഹന പ്രശ്‌നങ്ങള്‍ ഒരു പരിധി വരെ ഒഴിവാക്കാന്‍ സാധിക്കും.
ദിവസവും ഒരു പിടി നട്‌സ് കഴിക്കുന്നത് വിവിധ ദഹനപ്രശ്‌നങ്ങള്‍ അകറ്റുന്നതിന് സഹായിക്കുന്നു.
ബദാം, വാല്‍നട്ട് എന്നിവയില്‍ മറ്റ് നട്‌സുകളെ അപേക്ഷിച്ച് നാരുകള്‍ കൂടുതലാണ്. മലബന്ധം ഒഴിവാക്കാന്‍ മികച്ച ഭക്ഷണമാണ് നട്‌സ്.
തണ്ണിമത്തനില്‍ ജലാംശം കൂടുതലുള്ളതും തയാമിന്‍ അടങ്ങിയതുമായ ഒരു പഴമാണ്. മലബന്ധ പ്രശ്‌നം തടയാന്‍ തണ്ണിമത്തന്‍ ജ്യൂസായോ അല്ലാതെയോ കഴിക്കാം.
ദഹന സംബന്ധമായ പ്രശ്‌നങ്ങള്‍ അകറ്റാനും ഏലയ്ക്കയ്ക്ക് കഴിയും. ഏലയ്ക്കയ്ക്ക് വളരെ പ്രത്യേകമായ സ്വാദും സൗരഭ്യവാസനയുമുണ്ട്.
ദഹനത്തിന് ഫലപ്രദമായ എന്‍സൈമുകളുടെ പ്രകാശനം സജീവമാക്കുന്നതിന് ഈ സുഗന്ധം ശരീരത്തെ സഹായിക്കുന്നു, പ്രത്യേകിച്ചും കനത്ത ഭക്ഷണത്തിന് ശേഷം ഇത് കഴിക്കുമ്പോള്‍. ഏലയ്ക്കയിലെ രാസവസ്തു കുടലിലേക്ക് ഭക്ഷണത്തെ എത്തിക്കുന്നത് പ്രോത്സാഹിപ്പിക്കാന്‍ സഹായിക്കുന്നു. മാത്രമല്ല, മലബന്ധം, ദഹനക്കേട്, വായുകോപം തുടങ്ങിയ വയറുമായി ബന്ധപ്പെട്ട പ്രശ്‌നങ്ങള്‍ പരിഹരിക്കുന്നതിനും ഇത് ഗുണം ചെയ്യും
.
ദഹനാരോഗ്യത്തിന് ഇഞ്ചി ഏറെ നല്ലതാണ്. വേദന ഒഴിവാക്കുന്ന രാസ സംയുക്തങ്ങള്‍, ദഹനഗുണങ്ങള്‍, പ്രതിരോധശേഷി വര്‍ദ്ധിപ്പിക്കുന്ന കഴിവ് എന്നിവ ഇഞ്ചിക്കുണ്ട്.ഇവയെല്ലാം നിങ്ങളുടെ രോഗപ്രതിരോധവ്യവസ്ഥയെ കഠിനമായ ജലദോഷത്തില്‍ നിന്നും ചുമയില്‍ നിന്നും സംരക്ഷിക്കുന്നു; അതിനാല്‍ ഇത് ഇന്ത്യന്‍ കറികള്‍, ചായകള്‍, വറുത്ത ഭക്ഷണങ്ങള്‍ എന്നിവയില്‍ ശൈത്യകാലത്ത് ഉപയോഗിക്കുന്ന ഒരു പ്രധാന ചേരുവയാണ്.
ഇഞ്ചി ചെറുതായി അരിഞ്ഞ് നിങ്ങളുടെ ഭക്ഷണത്തില്‍ ചേര്‍ക്കാം. അതല്ലെങ്കില്‍ ഇഞ്ചി ചേര്‍ത്ത ചായ കുടിക്കുന്നതും ദഹന പ്രശ്‌നങ്ങള്‍ അകറ്റാന്‍ സഹായിക്കുന്ന മികച്ച പ്രതിവിധിയാണ്.
കുരുമുളക്
കുരുമുളകും ദഹന സംബന്ധമായ പ്രശ്‌നങ്ങള്‍ക്ക് ഏറെ നല്ലതാണ്. കുരുമുളകില്‍ ദഹന പ്രക്രിയയെ ലഘൂകരിക്കുന്ന ആമാശയത്തിലെ എന്‍സൈമുകളുടെ ഉത്തേജനം പ്രോത്സാഹിപ്പിക്കുന്ന സംയുക്ത പൈപ്പറിന്‍ അടങ്ങിയിട്ടുണ്ട്. ഇത് നമ്മള്‍ കഴിക്കുന്ന ഭക്ഷണത്തില്‍ നിന്ന് പ്രോട്ടീനുകള്‍ ആഗിരണം ചെയ്യുന്നതിന് സഹായകരമാണ്.
ജീരകം
ജീരകം കഴിക്കുന്നത് വായു കോപം, വയര്‍ വീക്കം, കോച്ചിപ്പിടുത്തം എന്നിവയില്‍ നിന്ന് ആശ്വാസം നേടാന്‍ സഹായിക്കുന്നു. കൂടാതെ മനംപുരട്ടല്‍ കുറയ്ക്കുകയും ആസിഡ് റിഫ്‌ലക്‌സുകളെ ശമിപ്പിക്കുന്നതും വഴി ലസീക ഗ്രന്ഥിക്ക് മികച്ച സഹായമായിട്ടും ഇവ അറിയപ്പെടുന്നു.
അവ പ്രകൃതിദത്തമായി ഞരമ്പുവലിച്ചില്‍ ലഘൂകരിക്കുവാന്‍ സഹായിക്കുന്ന ഔഷധം കൂടിയാണ്. അതിനാല്‍ വയറുവേദന അകറ്റുവാന്‍ ഇവ ഫലപ്രദമായ ഒറ്റമൂലിയാണ്.കൂടാതെ, വയറിലെ പ്രശ്‌നങ്ങള്‍, അമിത ഭക്ഷണം എന്നിവ മൂലമുണ്ടാകുന്ന വയറുവേദന കുറയ്ക്കുന്നതിന് ഇത് എളുപ്പത്തില്‍ ഉപയോഗിക്കാവുന്ന ഉത്തമ പരിഹാരമാണ്.
