നമ്മുടെ അടുക്കളയിൽ സാധാരണയായി കാണുന്ന ഒന്നാണ് സവാള. ആന്റിഓക്സിഡന്റുകൾ നിറഞ്ഞ സവാള ആരോഗ്യത്തിന് വളരെ നല്ലതാണ്. പലരും പ്ലേറ്റിലെ ഭംഗി കൂട്ടാൻ പല വിധത്തിൽ സവാള അരിഞ്ഞ് വയ്ക്കാറുണ്ട്. ബീഫ് ഫ്രെെയ്ക്കും ഫിഷ് ഫ്രെെയ്ക്കും ചിക്കൻ ഫ്രെെയ്ക്കും ഒപ്പം സവാള കഴിക്കുന്ന സ്വഭാവവും ഉണ്ട്. സവാളയിൽ ഉയർന്ന അളവിൽ ജലാംശം അടങ്ങിയിട്ടുണ്ട്. അതിനാൽ തന്നെ ഇത്തരത്തിൽ പച്ചയ്ക്ക് സവാള കഴിക്കുന്നത് ശരീരത്തിന് വളരെ നല്ലതാണ്.
പച്ച സവാള കഴിക്കുന്നത് പഞ്ചസാരയുടെ അളവ് നിയന്ത്രിക്കാൻ ശരീരത്തെ സഹായിക്കുന്നുവെന്ന് വിദഗ്ധർ പറയുന്നു. ഹൃദയാരോഗ്യത്തിനും രക്തചംക്രമണം മെച്ചപ്പെടുത്താനും പച്ച സവാള കഴിക്കുന്നത് വളരെ നല്ലതാണ്. ഇതിൽ അടങ്ങിയിരിക്കുന്ന പ്രീബയോട്ടിക് ഫെെബറുകൾ ഉദരത്തിലെ നല്ല ബാക്ടീരിയകളുടെ എണ്ണം വർദ്ധിപ്പിക്കുകയും ദഹനം സുഗമമാക്കുകയും ചെയ്യുന്നു. ഇത് ശരീരഭാരം കുറയ്ക്കുന്നതിന് സഹായിക്കുന്നു.
കൊളസ്ട്രോളുള്ളവർക്കും സവാള കഴിക്കാം. വയറിലെ കൊഴുപ്പ് നീക്കം ചെയ്യാൻ ഇതിൽ അടങ്ങിയിരിക്കുന്ന ഘടകങ്ങൾ സഹായിക്കുന്നു. കൂടാതെ വിറ്റാമിൻ സിയുടെ കലവറയാണ് സവാളയും ചെറിയുള്ളിയും. പ്രതിരോധശക്തി കൂട്ടാൻ ഇവ ഭക്ഷണത്തിൽ ഉൾപ്പെടുത്തുക. ബീഫ് ഫ്രെെയ്ക്കും ചിക്കൻ ഫ്രെെയ്ക്കും ഒപ്പം സവാള ചേർക്കുന്നത് രുചി കൂട്ടാൻ മാത്രമല്ല. മറിച്ച് എണ്ണയടക്കമുള്ള ചേരുവകളുടെ പാർശ്വഫലങ്ങൾ കുറയ്ക്കാനും സഹായിക്കും. കാരണം സവാളയ്ക്ക് കൊഴുപ്പ് വലിച്ചെടുക്കാനുള്ള കഴിവുണ്ട്.
