മുടി നരയ്ക്കുമ്പോൾ പ്രായവും സമ്മർദ്ദവും കാരണമെന്നു നമ്മൾ പലപ്പോഴും കരുതാറുണ്ട്. എന്നാൽ ഇനി നരമുടിയെ വെറും സൗന്ദര്യപ്രശ്നമായി കാണേണ്ടതില്ല. ജപ്പാനിൽ നടത്തിയ ഒരു പുതിയ പഠനം പ്രകാരം, നരമുടി ശരീരത്തെ കാൻസറിൽ നിന്ന് സംരക്ഷിക്കുന്ന ഒരു ജൈവ പ്രതിരോധ സംവിധാനത്തിന്റെ ഭാഗമാണ്. അതായത്, നിങ്ങളുടെ ശരീരം കാൻസറിനെതിരെ പോരാടുന്നതിന്റെ ലക്ഷണമാകാം മുടിനര.
നരമുടി എങ്ങനെ കാൻസറിനെ തടയുന്നു?
‘നേച്ചർ ബയോളജി’ ജേണലിൽ പ്രസിദ്ധീകരിച്ച പഠനം പറയുന്നത്, പരിസ്ഥിതി ഘടകങ്ങൾ മൂലം കോശങ്ങൾക്ക് ഡിഎൻഎ കേടുപാടുകൾ സംഭവിക്കുമ്പോൾ, അത് പ്രായമാകലിനും കാൻസർക്കും കാരണമാകാം.
മെലനോയിഡ് സ്റ്റെം സെല്ലുകളുടെ പങ്ക്
മുടിക്ക് നിറം നൽകുന്ന മെലനോയിഡ് സ്റ്റെം സെല്ലുകൾ ഈ പ്രതിരോധത്തിൽ പ്രധാന പങ്ക് വഹിക്കുന്നു. ട്യൂമർ ഉണ്ടാകുന്നത് തടയാൻ വേണ്ടി, ഈ കോശങ്ങൾ സ്വയം പ്രവർത്തനരഹിതമാകുന്നു. ഇതാണ് മുടി നരയുന്നതിനും കാൻസർ തടയുന്നതിനും പിന്നിലെ ബന്ധം.
മെലനോമ കാൻസർ
ചർമ്മത്തിനും മുടിയ്ക്കും നിറം നൽകുന്ന മെലാനിൻ നിർമ്മിക്കുന്ന കോശങ്ങളിൽ നിന്നാണ് മെലനോമ കാൻസർ ഉണ്ടാകുന്നത്. ഈ കാൻസറെയാണ് ഗവേഷണം പ്രധാനമായി പരിശോധിച്ചത്.
എലികളിൽ നടത്തിയ പരീക്ഷണം
എലികളിൽ പരീക്ഷണം നടത്തുമ്പോൾ ഗവേഷകർ കണ്ടത്, ഡിഎൻഎയുടെ രണ്ട് ഭാഗങ്ങളും വേർപെടുന്ന ഗുരുതരമായ കേടുപാട് സംഭവിച്ചാൽ, ആ കോശങ്ങൾ വീണ്ടും മടങ്ങിയെത്താനാവാതെ നശിക്കുന്നു. ഇതിന്റെ ഫലമായാണ് രോമങ്ങൾ നരയ്ക്കുന്നത്.
ചുരുക്കത്തിൽ:
ഡിഎൻഎ കേടായ കോശങ്ങൾ കാൻസറായി മാറുന്നതിന് പകരം സ്വയം നശിക്കുന്നതാണ് നരമുടിയുടെ കാരണം. ഈ പ്രക്രിയ ശരീരത്തെ മെലനോമ പോലുള്ള കാൻസറിൽ നിന്ന് സംരക്ഷിക്കുന്നു.
