ഷാംപൂവും കണ്ടീഷണറും ഉപയോഗിക്കുന്നതിന് എന്തെങ്കിലും കണക്കുണ്ടോ കണ്ടീഷണര് ഉപയോഗിക്കുമ്പോള് ശിരോചര്മത്തില് പുരട്ടിയാല് മുടി കൊഴിയുമോ അങ്ങനെ തുടങ്ങിയ തലമുടിയില് ഷാംപൂ ചെയ്യുന്നതിന് മുന്പ് പലര്ക്കും പല സംശയങ്ങളാണ്. നമ്മുടെ സ്കാല്പ്പില് പറ്റിപിടിച്ച പൊടിയും വിയര്പ്പും അഴുക്കുമൊക്കെ വൃത്തിയാക്കാനാണ് ഷാംപൂ ഉപയോഗിക്കുന്നത്. ആഴ്ചയില് രണ്ട് തവണയെങ്കിലും സ്കാല്പ്പും തലമുടയും ഷാംപൂ വാഷ് ചെയ്യുന്നത് നല്ലതാണ്.
കഠിനമായ കെമിക്കലുകള് അടങ്ങിയ ഷാംപൂവിനെക്കാള് തീവ്രത കുറഞ്ഞ ഷാം ഉപയോഗിക്കുന്നതാണ് എപ്പോഴും നല്ലത്. അതുപോലെ ശ്രദ്ധിക്കേണ്ട മറ്റൊരു കാര്യം ഷാംപൂ ഉപയോഗമാണ്. ഷാംപൂ ഒരിക്കലും വരണ്ട മുടിയില് പുരട്ടരുത്. ഷാംപൂ ഉപയോഗിക്കുന്നതിന് മുന്പ് മുടി നന്നായി വെള്ളമൊഴിച്ച് കഴുകിയ ശേഷം. മഗ്ഗില് അല്പം വെള്ളത്തില് ഒരു ടീസ്പൂണ് അളവില് ഷാംപൂ ചേര്ത്ത് നേര്പ്പിച്ച ശേഷം സ്കാല്പ്പ് നല്ലതു പോലെ മസാജ് ചെയ്തു കഴുകാം. മസാജ് ചെയ്യുന്നത് ശിരോചര്മം വൃത്തിയാകാനും തലയിലെ രക്തയോട്ടം മെച്ചപ്പെടുത്താനും സഹായിക്കും.
ഡ്രൈ ഷാംപൂ, ഹെയര് സ്പ്രേ തുടങ്ങിയ ഉല്പന്നങ്ങള് അധികമായി ഉപയോഗിച്ച ദിവസങ്ങളില് ഡബിള് ഷാംപൂയിങ് ആവശ്യമായി വരാം. അതായത് രണ്ടു വട്ടം ഷാംപൂ പുരട്ടി കഴുകണം. ഷാംപൂ ചെയ്യുമ്പോള് ചെയ്യുന്ന മറ്റൊരു അബദ്ധം, മുടി ആവശ്യത്തിന് വെള്ളം ഉപയോ?ഗിച്ച് കഴുകാത്തതാണ്. ഇത് ഷാംപുവിന്റെ അംശം സ്കാല്പ്പില് അവശേഷിക്കാനും അത് താരന് പോലുള്ളവയ്ക്ക് കാരണമാകുകയും ചെയ്യും. അതു കൊണ്ട് ഷാംപൂ ചെയ്യുമ്പോള് മുടി നല്ലതു പോലെ വെള്ളമൊഴിച്ച് ഷാംപൂ മുഴുവനും കഴുകിക്കളഞ്ഞുവെന്ന് ഉറപ്പാക്കണം.
