മാറിയ ജീവിതശൈലിയും ഭക്ഷണക്രമവും കാരണം ചെറുപ്പക്കാര്ക്കിടയിലും കൊളസ്ട്രോള് ബാധിതരുടെ എണ്ണം വര്ധിച്ചു. രക്തത്തിലെ കൊളസ്ട്രോള് വര്ധിക്കുന്നതോടെ രക്തക്കുഴലുകളില് ബ്ലോക്ക് ഉണ്ടാകാനും ഹൃദയാഘാതം പോലുള്ള ആരോഗ്യസങ്കീര്ണതകളിലേക്ക് നയിക്കാനും കാരണമാകുന്നു. ഭക്ഷണക്കാര്യത്തില് ചില മുന്കരുതലുകള് സ്വീകരിക്കുന്നത് രക്തത്തിലെ കൊളസ്ട്രോളിന്റെ അളവു നിയന്ത്രിക്കാന് സഹായിക്കും.
കൊളസ്ട്രോള് നിയന്ത്രിക്കാന് ഏറ്റവും മികച്ച സൂപ്പര്ഫുഡ് ആയി കണക്കാക്കുന്ന ഒന്നാണ് ഓട്സ്. ഓട്സ് കൊളസ്ട്രോള് കുറയ്ക്കുമെന്ന് പറയുമ്പോഴും പലര്ക്കും ഓട്സ് എങ്ങനെയാണ് ശരിയായ രീതിയില് കഴിക്കേണ്ടതെന്ന് ഇപ്പോഴും സംശയമാണ്. മാംഗ്നീസ്, ഫോസ്ഫറസ്, മഗ്നീഷ്യം തുടങ്ങിയ ധാതുക്കളും ആന്റിഓക്സിഡന്റുകളും വിറ്റാമിനുകളും അടങ്ങിയതാണ് ഓട്സ്. ഓട്സിലെ ഏറ്റവും പ്രധാനപ്പെട്ട ഘടകം ബീറ്റ-ഗ്ലൂക്കന് എന്ന ലയിക്കുന്ന നാരുകളാണ്. ഇത് രക്തത്തിലെ ചീത്ത കൊളസ്ട്രോള് ഒഴിവാക്കാനും പഞ്ചസാരയുടെ അളവു നിയന്ത്രിക്കാനും സഹായിക്കുമെന്ന് വിദ?ഗ്ധര് പറയുന്നു.
ഓട്സ് പാകം ചെയ്യുമ്പോള് ശ്രദ്ധിക്കേണ്ട കാര്യങ്ങള്
പെട്ടെന്ന് വേവുന്ന തരത്തിലുള്ള ഇന്സ്റ്റന്റ് ഓട്സ് നിങ്ങള് കരുതുന്ന ഫലം നല്കില്ല. ആരോഗ്യത്തിന് നല്ലത് സ്റ്റീല്കട്ട് ഓട്സോ റോള്ഡ് ഓട്സോ ഉപയോ?ഗിക്കുന്നതാണ്. ഇതിലാണ് നാരുകള് അടങ്ങിയിട്ടുള്ളത്. ഓട്സ് പാകം ചെയ്യുമ്പോള് മധുരത്തിന് വേണ്ടി അല്പം പഞ്ചസാരയോ ചോക്ലേറ്റ് സിറപ്പോ ചേര്ക്കാമെന്ന് കരുതുന്നത് ആരോഗ്യത്തിന് ദോഷം ചെയ്യും. പകരം പ്രകൃതിദത്ത മധുരം അടങ്ങിയ ആപ്പിള് അല്ലെങ്കില് ഓറഞ്ച് പോലുള്ള പഴങ്ങള് ചേര്ക്കാം.
ഓട്സിനൊപ്പം പ്രോട്ടീനും ആരോ?ഗ്യകരമായ കൊഴുപ്പും ചേര്ക്കുന്നത് വിശപ്പ് നിയന്ത്രിക്കാനും ഊജ്ജം നിലനിര്ത്താനും സഹായിക്കും. അതുകൊണ്ട് ഓട്സ് പാകം ചെയ്യുമ്പോള് ഒരുപിടി നട്സ് ഉള്പ്പെടുത്തുന്നത് ഹൃദയാരോ?ഗ്യത്തിന് നല്ലതാണ്. ഓട്സ് പാലിനൊപ്പം പാകം ചെയ്യുന്നതിനേക്കാള്, തൈര് അല്ലെങ്കില് പഴങ്ങള് ചേര്ത്ത് കഴിക്കുന്നത് കൂടുതല് പോഷകപ്രദമാണ്.
ഓട്സ് എപ്പോള് കഴിക്കണം
ഓട്സ് കഴിക്കാന് ഏറ്റവും അനുയോജ്യമായ സമയം രാവിലെ പ്രഭാതഭക്ഷണമായിട്ടാണ്. നാരുകള് ധാരാളം അടങ്ങിയതിനാല് ഇത് ദിവസം മുഴുവന് ഊര്ജ്ജം നല്കാനും, ശരീരഭാരം കുറയ്ക്കാനും സഹായിക്കുന്നു. രാത്രിയില് ലഘുഭക്ഷണമായി കഴിക്കുന്നതും ദഹനത്തിന് നല്ലതാണ്. പ്രമേഹമുള്ളവര്ക്ക് രാവിലെ കഴിക്കുന്നത് പഞ്ചസാരയുടെ അളവ് നിയന്ത്രിക്കാന് സഹായിക്കും.
