പപ്പായ എല്ലാവര്ക്കും ഇഷ്ടമല്ലെങ്കിലും അതില് അടങ്ങിയ ആരോ?ഗ്യ?ഗുണങ്ങളെ അവഗണിക്കാനാകില്ല. ചര്മ സംരക്ഷണം മുതല് പ്രതിരോധശേഷി മെച്ചപ്പെടുത്തുന്നതിന് വരെ പപ്പായ ബെസ്റ്റാണ്. പപ്പായ കഴിക്കുമ്പോള് കുരുകളഞ്ഞ ശേഷം കഴിക്കുകയാണെല്ലോ പതിവ്. എന്നാല് ഇനി മുതല് ആ ശീലം ഒഴിവാക്കാം, കാരണം പപ്പായയെന്ന പോലെ ആരോഗ്യഗുണങ്ങള് അടങ്ങിയതാണ് പപ്പായയുടെ കുരുവുമെന്ന് പഠനങ്ങള് പറയുന്നു.
പപ്പായയുടെ കുരുവില് അടങ്ങിയ ബെന്സൈല് ഐസോതിയോസയനേറ്റ് എന്ന സംയുക്തത്തിന് ആന്റി-ബാക്ടീരിയല് ഗുണങ്ങളുണ്ട്. ഇത് ഇ.കോളി, സാല്മണെല്ല, സ്റ്റഫിലോകോക്കസ് തുടങ്ങിയ ഹാനീകരമായ ബാക്ടീരിയകളെ നശിപ്പിക്കാന് സഹായിക്കുമെന്ന് ലാബ് പഠനങ്ങള് തെളിയിച്ചിട്ടുണ്ട്. കൂടാതെ പപ്പായയുടെ കുരു ഉണങ്ങിയത് തേനില് ചാലിച്ചു കഴിക്കുന്നത് കുടലിലെ പരാന്നജീവികളെ നശിപ്പിക്കാന് സഹായിക്കുമെന്ന് വിദഗ്ധര് പറയുന്നു.
വിറ്റാമിന് സി പോലെ ആന്റി-ഓക്സിഡന്റ് ഗുണങ്ങളും പപ്പായയുടെ കുരുവില് അടങ്ങിയിട്ടുണ്ട്. പപ്പൈയ്ന് പോലുള്ള രസങ്ങള് അടങ്ങിയ പപ്പായയുടെ കുരുക്കള് പ്രോട്ടീനെ വിഘടിപ്പിക്കാന് സഹായിക്കും. അതുപോലെ, അമീബയ്ക്കെതിരെയും പപ്പായയുടെ കുരുവിന്റെ സത്ത് പ്രവര്ത്തിക്കുമെന്ന് പഠനങ്ങള് തെളിയിക്കുന്നു.
കൊളസ്ട്രോളിനെയും രക്തത്തിലെ പഞ്ചസാരയെയും സ്വാധീനിക്കാനും ഇതിന് സാധിക്കും. ടോട്ടല് കൊളസ്ട്രോള്, ട്രൈഗ്ലിസറൈഡുകള്, രക്തത്തിലെ പഞ്ചസാരയുടെ തോത് എന്നിവ കുറയ്ക്കാന് പപ്പായ വിത്തിന് സാധിക്കുമെന്ന് എലികളില് നടത്തിയ പഠനത്തില് കണ്ടെത്തിയിട്ടുണ്ട്. പപ്പായയുടെ കുരുവില് അടങ്ങിയിരിക്കുന്ന ഐസോത്തിയോസയനേറ്റ് പോലുള്ള ഘടകങ്ങള് അര്ബുദ കോശങ്ങളുടെ വളര്ച്ച തടയാന് സഹായിക്കുമെന്നും പഠനങ്ങള് പറയുന്നു. സ്തനാര്ബുദം, പ്രോസ്റ്റേറ്റ് കാന്സര് തുടങ്ങിയവ തടയുന്നതില് ഇവയ്ക്ക് വലിയ പങ്കുണ്ട്.
