പാമ്പ് കടിയേറ്റയാളെ സമാധാനപ്പെടുത്തുക. പാമ്പ് കടിയേറ്റ ആളുടെ ശരീരം കൂടുതല്‍ അനക്കരുത്. സൗകര്യപ്രദമായി ഇരുത്തുക. ബോധം നഷ്ടപ്പെട്ടാല്‍ തറയില്‍ ചരിച്ചു കിടത്തുകയാണ് വേണ്ടത്. എത്രയും വേഗത്തില്‍ ആന്റിവെനം ലഭ്യമായിട്ടുളള ആശുപത്രിയില്‍ എത്തിക്കുകയും വേണം.
പാമ്പ് കടിയേറ്റ ആളുടെ ശരീരത്തിലെ മുറിവ് ബ്ലെയ്ഡ് / കത്തി ഇവ ഉപയോഗിച്ച് വലുതാക്കരുത്. മുറിവേറ്റ ഭാഗത്ത് അധികം മുറുക്കി കെട്ടാന്‍ പാടില്ല. വിഷം ഊറി എടുക്കാന്‍ ശ്രമിക്കരുത്. പാമ്പ് കടിയേറ്റ ഭാഗം ഉയര്‍ത്തി വയ്ക്കരുത്. കടിച്ച പാമ്പിനെ പിടിക്കാന്‍ സമയം കളയാതെ എത്രയും വേഗം ആശുപത്രിയില്‍ എത്തിക്കാന്‍ ശ്രമിക്കണം.