മൂത്രാശയത്തിലെ അണുബാധ ഉണ്ടാക്കുന്നതു സാധാരണയായി ഇ കോളി എന്ന ബാക്ടീരിയ ആണ്. മനുഷ്യന്റെ കുടലിനുളളില് കാണുന്ന ഈ ബാക്ടീരിയ മലദ്വാരത്തിനു ചുറ്റും തമ്പടിക്കുകയും അവിടെ നിന്നു മൂത്രനാളിയിലേക്കു വ്യാപിച്ചു യൂറിനറി അണുബാധ ഉണ്ടാക്കുകയും ചെയ്യുന്നു
സ്ത്രീകളില് കൂടുന്നതിനു പിന്നില്
സ്ത്രീകളില് മൂത്രനാളിയുടെ നീളം വളരെ കുറവായതിനാലും മലദ്വാരവും മൂത്രനാളിയും തമ്മിലുളള അകലം കുറവായതുകൊണ്ടും രോഗാണുക്കള്ക്ക് എളുപ്പം മൂത്രനാളിയിലെത്തുവാന് സാധിക്കുന്നു സ്ത്രീകളിലും പുരുഷന്മാരിലും വ്യക്തിശുചിത്വം അണുബാധ തടയുന്നതിന് ഒരളവു വരെ പ്രയോജനകരമാണ്. സ്ത്രീകളില് മലശോധനയ്ക്കുശേഷം വൃത്തിയാക്കുന്നതു മുമ്പില് നിന്നും പുറകോട്ടാക്കിയാല് രോഗാണുക്കള് മൂത്രനാളിയിലേക്ക് എത്താതെ തടയാം. മൂത്രാശയ അണുബാധ ഉണ്ടാകുന്നതില് ബാക്ടീരിയയുടെ പ്രവര്ത്തനശോഷി ശരീരത്തിന്റെ പ്രതിരോധശേഷി എന്നിവയെ കൂടി ആശ്രയിച്ചിരിക്കും രോഗബാധ.
ആണ്കുട്ടികളിലും പുരുഷന്മാരിലും
ആണ്കുട്ടികളിലും പുരുഷന്മാരിലും ലിംഗത്തിലെ അഗ്രചര്മം പുറകോട്ടു മാറാത്ത അവസ്ഥയില് രോഗാണുക്കള് തൊലിക്കടിയില് പെരുകുകയും അവിടെ പഴുപ്പുണ്ടാകുകയും ചെയ്യാം. അതിനാല് മൂത്രമൊഴിച്ച ശേഷം അഗ്രചര്മം പുറകോട്ട് നീക്കി കഴുകി വൃത്തിയാക്കണം.
മൂത്രം പോകാന് യൂറിനറി കത്തീറ്റര് ഇട്ടിട്ടുളള രോഗികളില് പുറമെ നിന്നു രോഗാണുക്കള് മൂത്രസഞ്ചിയിലേക്ക് എളുപ്പം പ്രവേശിക്കും. മൂത്രനാളിയിലുളള തടസങ്ങളും മൂത്രത്തിലെ അണുബാധയ്ക്കു കാരണമാകും. ശരീരത്തിന്റെ പ്രതിരോധശേഷി കുറഞ്ഞിരിക്കുന്ന അവസ്ഥകളില് രക്തത്തിലൂടെയും രോഗാണുക്കള് വൃക്കയെ ബാധിക്കാം. ഇ കോളി അല്ലാതെയുളള ബാക്ടീരിയകളൈാണ് ഇങ്ങനെയുളള അണുബാധ ഉണ്ടാക്കുന്നത്.
വൃക്കതളെ ബാധിക്കുമ്പോള്
അണുബാധകള് പരിഹരിച്ചില്ലെങ്കില് വൃക്കകളെ ബാധിക്കുകയും തുടര്ന്ന് വൃക്കകള്ക്കു തകരാറുണ്ടാകാനുമിടയുണ്ട്. ഇതു രോഗിയുടെ പ്രായത്തെയും മൂത്രാശയത്തിലുളള മറ്റു തകരാറുകളെയും ആശ്രയിച്ചിരിക്കുന്നു. ചെറുപ്പക്കാരായ സ്ത്രീകളില് സാധാരണയായി കാണപ്പെടുന്ന മൂത്രസഞ്ചിയെ മാത്രം ബാധിക്കുന്ന അണുബാധ വൃക്കള്ക്കു തകരാറുണ്ടാക്കുന്നില്ല. എന്നാല് ഇവര്ക്കു വീണ്ടും അണുബാധ ഉണ്ടാകുവാനുളള സാധ്യതയേറെയാണ്. മുതിര്ന്നവരില് കാണുന്ന അത്ര സങ്കീര്ണമല്ലാത്ത വൃക്കരോഗം ശരിയായ അളവിലുളള ആന്റിബയോട്ടിക് ചികിത്സ കൊണ്ടു പൂര്ണമായി ഭേദപ്പെടും.
മൂത്രനാളിക്ക് നേരത്തെ തകരാറൊന്നുമില്ലാത്തവരില് ഉണ്ടാകുന്ന അണുബാധ മുതിര്ന്നവരില് സ്ഥിരമായ തകരാറുകള് ഉണ്ടാക്കാറില്ല. ഇവര്ക്കുണ്ടാകുന്ന വൃക്കപരാജയം
