ചര്മ്മ സംരക്ഷണത്തിന് വില കൂടിയ സൗന്ദര്യ വസ്തുക്കള് ഉപയോ?ഗിക്കുന്നവരാണ് നമ്മളില് അധികവും. വരണ്ട ചര്മ്മം, സെന്സിറ്റീവ് ചര്മ്മം, എണ്ണമയമുള്ള ചര്മ്മം അങ്ങനെ പലര്ക്കും പല തരത്തിലുള്ള ചര്മ്മം ആയിരിക്കും ഉണ്ടാവുക. ഇതില് എണ്ണമയമുള്ള ചര്മ്മക്കാര്ക്ക് ഇത് മൂലം നിരവധി ചര്മ്മ പ്രശ്നങ്ങള് ഉണ്ടാകുന്നുണ്ട്. മുഖക്കുരു തുടങ്ങിയ പ്രശ്നങ്ങള് ഇത്തരക്കാരെ അലട്ടുന്നുണ്ടാകാം. ഈ പ്രശ്നങ്ങള് മാറുന്നതിനായി പല സൗന്ദര്യവര്ധക വസ്തുക്കളും ഉപയോഗിക്കുന്നവരാണ് മിക്ക ആളുകളും. മുഖക്കുരു, മുഖത്തെ കരുവാളിപ്പ് പോലുള്ള ചര്മ്മപ്രശ്നങ്ങള് അകറ്റുന്നതിന് വീട്ടില് ഉപയോഗിക്കാവുന്ന ഫേസ് പാക്കുകള് പരിചയപ്പെടാം
ഒന്ന്
എണ്ണമയമുള്ള ചര്മ്മമുള്ളവര്ക്ക് ഈ ഫേസ് പായ്ക്ക് ഏറ്റവും അനുയോജ്യമാണ്. ഈ ഫേസ് പായ്ക്ക് നിങ്ങളുടെ ചര്മ്മത്തിന്റെ പിഎച്ച് നില സന്തുലിതമാക്കാനും ചര്മ്മത്തെ തണുപ്പിക്കാനും അധിക എണ്ണ നീക്കം ചെയ്യാനും സഹായിക്കും. രണ്ട് ടീസ്പൂണ് മുള്ട്ടാണി മിട്ടി, ഒരു സ്പൂണ് ചന്ദനപ്പൊടി, മഞ്ഞള് എന്നിവയുമായി യോജിപ്പിക്കണം. മിനുസമാര്ന്ന പേസ്റ്റ് ഉണ്ടാക്കാന് നാരങ്ങ നീര് ഉപയോഗിക്കുക. ഈ ഹെര്ബല് ഫേസ് മാസ്ക് 15 മിനുട്ട് മുഖത്ത് പുരട്ടുക. ആഴ്ചയില് 3-5 തവണ ഈ പാക്ക് പരീക്ഷിക്കാവുന്നതാണ്.
രണ്ട്
പ്രകൃതിദത്തമായ ചര്മ്മസംരക്ഷണ ചേരുവകളില് ഒന്നാണ് കറ്റാര്വാഴ. സൗന്ദര്യവര്ദ്ധക വസ്തുക്കളിലും ഇത് ഉപയോഗിക്കുന്നു. ഇത് തല്ക്ഷണം സണ് ടാന്, സൂര്യപ്രകാശം മൂലമുണ്ടാകുന്ന ഇരുണ്ട പാടുകള് എന്നിവ നീക്കം ചെയ്യുന്നു. കറ്റാര്വാഴ ജെല്ലും അര സ്പൂണ് മഞ്ഞളു യോജിപ്പിക്കുക. ശേഷം ഇത് മുഖത്തും കഴുത്തിലുമായി പുരട്ടുക. 15 മിനുട്ട് കഴിഞ്ഞ് തണുത്ത വെള്ളത്തില് മുഖം കഴുകുക. ആഴ്ചയില് രണ്ടോ മൂന്നോ തവണ ഈ പാക്ക് ഇടാവുന്നതാണ്.
