നമ്മളിൽ പലരും ഉറങ്ങുന്നതിന് മുൻപ് വെള്ളം കുടിക്കുന്നവരാണ് അല്ലെ. ഇത് ആരോഗ്യത്തിന് ഗുണമോ ദോഷമോ? എന്ന് ആലോചിച്ചിട്ടുണ്ടോ? ഉറങ്ങുന്നതിന് മുൻപ് വെള്ളം കുടിക്കുന്നതിന് ഗുണങ്ങൾ ഉള്ളത് പോലെ ദോഷങ്ങളുമുണ്ട്.
ഉറങ്ങാൻ പോകുന്നതിന് രണ്ട് മണിക്കൂർ മുൻപ് വെള്ളം കുടിച്ച് നിർത്തണം. ഇത് ശരീരത്തിൽ നിന്ന് രാത്രിയുള്ള ജലത്തിന്റെ പുറന്തള്ളൽ കുറയ്ക്കുന്നു. എന്നാൽ, നിങ്ങൾക്ക് വായ വരണ്ടതായി അനുഭവപ്പെടുകയോ, മരുന്നു കഴിക്കുകയോ വേണമെങ്കിൽ വെള്ളം കുടിക്കുന്നതിൽ പ്രശ്‌നമില്ല. ഉറക്കത്തിന് രണ്ട് മണിക്കൂർ മുൻപ് വരെ വെള്ളം കുടിക്കുന്നത് നല്ലതാണ്. ഇത് ശരീരത്തിലെ ജലാംശം നിലനിർത്താൻ സഹായിക്കുന്നു. ഇത് ദഹനപ്രക്രിയയ്ക്കും ഗുണം ചെയ്യും.
അത്പോലെ തന്നെ ഉറങ്ങുന്നതിന് മുൻപ് ചായ, മദ്യം, ജ്യൂസ് എന്നിവയൊന്നും ഉപയോഗിക്കാതിരിക്കുക. ശരീരത്തിൽ ജലത്തിന് പ്രാധാന്യമുണ്ടെങ്കിലും രാത്രിയിൽ വിശ്രമമാണ് പ്രധാനം. കിടക്കുന്നതിന് മുൻപ് വെള്ളം കുടിച്ചാൽ ഇടയ്ക്കിടെയുണ്ടാകുന്ന മൂത്രശങ്ക ഉറക്കത്തെ തടസപ്പെടുത്തുന്നു.
ചിലർക്ക് ഉറക്കത്തിൽ നിന്നും എഴുന്നേറ്റ് കഴിഞ്ഞാൽ പിന്നീട് നല്ലപോലെ ഉറങ്ങാൻ സാധിക്കാതെ വരാറുണ്ട്. ശരിയായ രീതിയിൽ ഉറക്കം ലഭിച്ചില്ലെങ്കിൽ അത് സ്‌ട്രെസ്സ് വർദ്ധിപ്പിക്കാനും അതുപോലെ തന്നെ രോഗപ്രതിരോധശേഷി കുറയ്ക്കാനും കാരണമാകുന്നുണ്ട്. ഇത് മാത്രമല്ല, പലവിധത്തിലുള്ള ചർമ്മ പ്രശ്‌നങ്ങളിലേയ്ക്കും ഇത് നയിക്കും. കണ്ണിന് ചുറ്റുമുള്ള കറുപ്പ്, ചർമ്മത്തിൽ പ്രായം തോന്നിപ്പിക്കാൽ, അമിതവണ്ണം എന്നിവയിലേയ്ക്കും ഉറക്കക്കുറവ് നയിക്കുന്നു.
ചിതലിനെയും പ്രാണികളെയും തുരത്താം: വിഷമില്ലാത്ത വീട്ടുവൈദ്യങ്ങളിതാ!
