പ്രതിരോധശേഷി വർദ്ധിപ്പിക്കുന്ന ചില ഭക്ഷണങ്ങളും ഔഷധസസ്യങ്ങളും മഴക്കാല രോഗങ്ങളുടെ സാധ്യത ഗണ്യമായി കുറയ്ക്കാൻ സഹായിക്കുന്നു. പ്രതിരോധശേഷി വർദ്ധിപ്പിക്കുന്നതിന് സഹായിക്കുന്ന ഭക്ഷണങ്ങളെ നോക്കാം.
സിട്രസ് പഴങ്ങൾ
സിട്രസ് പഴങ്ങൾ വെളുത്ത രക്താണുക്കളുടെ ഉത്പാദനം വർദ്ധിപ്പിക്കുകയും രോഗകാരികളെ ചെറുക്കാനുള്ള ശരീരത്തിന്റെ കഴിവ് വർദ്ധിപ്പിക്കുകയും ചെയ്യുന്നു. ദിവസവും ഒരു നെല്ലിക്ക കഴിക്കുകയോ സിട്രസ് ജ്യൂസുകൾ കുടിക്കുകയോ ചെയ്യുന്നത് പ്രതിരോധശേഷി ശക്തിപ്പെടുത്തുന്നു.
തേൻ
തേനിൽ ആൻറി ബാക്ടീരിയൽ, വീക്കം തടയുന്ന ഗുണങ്ങൾ അടങ്ങിയിട്ടുണ്ട്. ഇത് തൊണ്ടവേദന ശമിപ്പിക്കുകയും ഊർജ്ജം വർദ്ധിപ്പിക്കുകയും രോഗപ്രതിരോധ ശേഷി വർദ്ധിപ്പിക്കുകയും ചെയ്യുന്നു. ഒരു ടീസ്പൂൺ തേൻ ചെറുചൂടുള്ള വെള്ളത്തിലോ നാരങ്ങയിലോ ചേർത്ത് കഴിക്കുന്നത് ശരീരത്തിലെ വിഷാംശം നീക്കം ചെയ്യാനും അണുബാധകൾ തടയാനും സഹായിക്കുന്നു.
മുരിങ്ങ
മുരിങ്ങയിൽ ഇരുമ്പ്, കാൽസ്യം, വിറ്റാമിൻ എ, സി എന്നിവയാൽ സമ്പന്നമായ ഇവയെല്ലാം രോഗപ്രതിരോധ പ്രവർത്തനത്തിന് അത്യാവശ്യമാണ്. ഇതിന്റെ ആന്റി-ഇൻഫ്ലമേറ്ററി, ആന്റിമൈക്രോബയൽ ഗുണങ്ങൾ പ്രതിരോധശേഷി വർദ്ധിപ്പിക്കുന്നു.
നട്സ്
വിറ്റാമിൻ ഇ, ഒമേഗ-3, സിങ്ക് എന്നിവയാൽ സമ്പുഷ്ടമായ നട്സ് ഓക്‌സിഡേറ്റീവ് സമ്മർദ്ദത്തെയും വീക്കത്തെയും ചെറുക്കുന്നതിലൂടെ രോഗപ്രതിരോധ പ്രവർത്തനത്തെ പിന്തുണയ്ക്കുന്നു. ദിവസവും ഒരു ചെറിയ പിടി നട്‌സും വിത്തുകളും കഴിക്കുന്നത് ശരീരത്തിന്റെ സ്വാഭാവിക പ്രതിരോധം വർദ്ധിപ്പിക്കുന്നതിന് സഹായിക്കും.
തുളസി
തുളസിക്ക് ശക്തമായ ആന്റി വൈറൽ, ആന്റി ബാക്ടീരിയൽ, ആന്റിഫംഗൽ ഗുണങ്ങളുണ്ട്. ഇത് രക്തത്തെ ശുദ്ധീകരിക്കാൻ സഹായിക്കുകയും മഴക്കാലത്ത് സാധാരണയായി കാണപ്പെടുന്ന ശ്വസന അണുബാധകളിൽ നിന്ന് ശരീരത്തിന്റെ പ്രതിരോധം വർദ്ധിപ്പിക്കുകയും ചെയ്യുന്നു. ദിവസവും തുളസി ചായ കുടിക്കുകയോ കുറച്ച് ഇലകൾ ചവയ്ക്കുകയോ ചെയ്യുന്നത് രോഗപ്രതിരോധ ശേഷി ശക്തിപ്പെടുത്താനും തൊണ്ടയിലെ അണുബാധ, ചുമ, ജലദോഷം എന്നിവ അകറ്റി നിർത്താനും സഹായിക്കും.
ഇഞ്ചി
ഇഞ്ചി പതിവായി കഴിക്കുന്നത് തൊണ്ടവേദന, ഓക്കാനം, ശ്വാസകോശ സംബന്ധമായ അണുബാധകൾ എന്നിവ തടയാൻ സഹായകരമാണ്. ഇഞ്ചിയിട്ട് തിളപ്പിച്ച വെള്ളം കുടിക്കുന്നത് രോഗപ്രതിരോധ ആരോഗ്യം വർദ്ധിപ്പിക്കാനും സഹായിക്കുന്നു.
