നിങ്ങളുടെ വൃക്കയെ കൊല്ലുന്ന അഞ്ച് ഭക്ഷണങ്ങൾ

ശരീരത്തിൽ നിന്ന് മാലിന്യങ്ങളെ അരിച്ചു കളയുകയാണല്ലോ വൃക്കയുടെ ജോലി. എന്നാൽ വൃക്കയ്ക്ക് അതിന് കഴിയാതെ വന്നാലുള്ള സ്ഥിതി എന്താകുമെന്ന് ചിന്തിച്ചിട്ടുണ്ടോ? നമ്മുടെ ഭക്ഷണ രീതി വൃക്കയുടെ ആരോഗ്യത്തെ കാര്യമായി തന്നെ ബാധിക്കുമെന്ന് നമുക്ക് അറിയാം അല്ലേ? ഇക്കാലത്തെ ഭക്ഷണരീതിയും അതുമൂലമുണ്ടാകുന്ന അമിതവണ്ണവുമെല്ലാം വൃക്കരോഗങ്ങൾക്കിടയാക്കുന്ന വില്ലന്മാരാണ്. സമീകൃതഭക്ഷണം ശീലമാക്കുക. ഉപ്പ്, പഞ്ചസാര ഇവയുടെ അളവ് കുറയ്ക്കുക, എപ്പോഴും ആക്റ്റീവ് ആയിരിക്കുക, ആരോഗ്യകരമായ ശരീരഭാരം നിലനിർത്തുക, ധാരാളം വെള്ളം കുടിക്കുക, പുകവലി ഉപേക്ഷിക്കുക ഇവയെല്ലാം വൃക്കകളുടെ ആരോഗ്യത്തിന് അത്യാവശ്യമാണ്. ഭക്ഷണ ക്രമമാണ് വൃക്കയുടെ ആരോഗ്യം സംരക്ഷിക്കുന്ന മറ്റൊരു ഘടകം. ചില ഭക്ഷണങ്ങൾ അമിതമായി കഴിക്കുന്നത് വൃക്കയുടെ ആരോഗ്യം ക്ഷയിക്കാൻ കാരണമാകും. അവ ഏതെല്ലാമാണെന്ന് നോക്കിയാലോ?

1. വറുത്ത ഭക്ഷണങ്ങൾ, ഫാസ്റ്റ് ഫുഡുകൾ

എണ്ണമയമുള്ള വറുത്ത ഭക്ഷണങ്ങളിൽ അനാരോഗ്യകരമായ കൊഴുപ്പുകളും സോഡിയവും ഉപദ്രവകാരികളായ അഡിറ്റീവുകളും ധാരാളമായുണ്ട്. ഇവ പതിവായി കഴിക്കുന്നത് ശരീരഭാരം കൂട്ടുകയും ഉയർന്ന രക്തസമ്മർദത്തിനും കാരണമാകും. ഒപ്പം ഇത് വൃക്കകൾക്ക് ആയാസമുണ്ടാക്കുകയും വൃക്കകളുടെ ആരോഗ്യം നശിപ്പിക്കുകയും ചെയ്യും.

2. ഉപ്പ്

ഉപ്പ് കൂടുതലായാൽ വൃക്കകൾക്ക് കൂടുതൽ കഠിനമായി ജോലി ചെയ്യേണ്ടി വരും. ഇത് ഫ്ലൂയ്ഡ് റിറ്റൻഷനിലേക്കും ഉയർന്ന രക്തസമ്മർദത്തിലേക്കും നയിക്കും. പ്രോസസ് ചെയ്ത ഭക്ഷണങ്ങൾ, ചിപ്സ്, ഇൻസ്റ്റന്റ് ഭക്ഷണങ്ങൾ എന്നിവയിൽ സോഡിയം ധാരാളമുണ്ടാവും. ഇത് വൃക്കകളുടെ ആരോഗ്യം നശിപ്പിക്കും.

3. പാലുൽപ്പന്നങ്ങൾ

പാലുൽപ്പന്നങ്ങൾ അമിതമായി കഴിച്ചാൽ ഫോസ്ഫറസിന്റെയും കാത്സ്യത്തിന്റെയും അളവ് കൂടുകയും ഇത് വൃക്കയിൽ കല്ലിലേക്ക് നയിക്കുകയും ചെയ്യും. വൃക്കരോഗം ഉള്ളവർ അമിതമായി പാലുൽപ്പന്നങ്ങൾ ഉപയോഗിച്ചാൽ അത് വൃക്കകളെ കൂടുതൽ ദുർബലപ്പെടുത്തും.

4. കഫീൻ

കാപ്പി,ചായ,ഊർജപാനീയങ്ങൾ ഇവ അധികമായാൽ രക്തസമ്മർദം വർധിക്കാനും ശരീരത്തിൽ നിർജലീകരണം ഉണ്ടാകാനും കാരണമാകും. കഫീന്റെ അളവ് കൂടുന്നത് വൃക്കകൾക്ക് ക്രമേണ ആയാസമുണ്ടാക്കുകയും വൃക്കകളുടെ പ്രവർത്തനക്ഷമത കുറയുകയും ചെയ്യും.

5. പ്രോസസ് ചെയ്ത ഭക്ഷണങ്ങൾ

പായ്ക്കറ്റിൽ ലഭ്യമായ ലഘുഭക്ഷണങ്ങൾ, ടിന്നിൽ ലഭിക്കുന്ന സൂപ്പുകൾ, റെഡി ടു ഈറ്റ് ഭക്ഷണങ്ങൾ ഇവയിൽ സോഡിയവും പ്രിസർവേറ്റീവുകളും അഡിറ്റീവുകളും ധാരാളമായുണ്ട്. ഈ രാസവസ്തുക്കൾ വൃക്കകളുടെ ആരോഗ്യം നശിപ്പിക്കും.

6. റെഡ്മീറ്റ്

റെഡ് മീറ്റിൽ പ്രോട്ടീനും പ്യൂരിനും ധാരാളമുണ്ട്. ഇത് യൂറിക് ആസിഡിന്റെ അളവ് കൂട്ടുകയും വൃക്കകൾക്ക് ആയാസം ഉണ്ടാക്കുകയും ചെയ്യും. റെഡ് മീറ്റ് കൂടുതലായി കഴിക്കുന്നത് വൃക്കയിൽ കല്ല് വരാനുള്ള സാധ്യത കൂട്ടുകയും വൃക്കയുടെ പ്രവർത്തനം കുറഞ്ഞുവരുകയും ചെയ്യും.

7. മധുര പാനീയങ്ങൾ

സോഡ, മധുര പാനീയങ്ങൾ ഇവ പതിവായി കഴിക്കുന്നത് പഞ്ചസാരയും ഫോസ്ഫറസ് അഡിറ്റീവുകളും ധാരാളമായി ശരീരത്തിലെത്താൻ കാരണമാകും. ഇത് പൊണ്ണത്തടിക്കും ഇൻസുലിൻ റെസിസ്റ്റൻസിനും കാരണമാകും. വൃക്കരോഗസാധ്യതയുള്ളവരിൽ രോഗം വരാനും ഇത് കാരണമാകും.