ചർമ്മ സംരക്ഷണം എന്നത് ഇന്ന് പെൺകുട്ടികൾക്ക് മാത്രമുള്ള ഒന്നല്ല. ജോലി സ്ഥലത്തെ സമ്മർദ്ദം, അന്തരീക്ഷ മലിനീകരണം, കഠിനമായ വെയിൽ എന്നിവയെല്ലാം പുരുഷന്മാരുടെ ചർമ്മത്തെയും ബാധിക്കുന്നുണ്ട്. എന്നാൽ പലരും ഇതിന് മടിക്കുന്നത് വലിയ ചിലവും സമയവും വേണ്ടിവരുമെന്ന് പേടിച്ചാണ്. എന്നാൽ ദിവസവും വെറും 10 മിനിറ്റിൽ താഴെ സമയം ഉപയോഗിച്ച് എങ്ങനെ ആരോഗ്യകരമായ ചർമ്മം നിലനിർത്താം എന്ന് നോക്കാം.
പുരുഷന്മാരുടെ ചർമ്മം സ്ത്രീകളുടേതിനേക്കാൾ 25% കനം കൂടുതലാണ്. ടെസ്റ്റോസ്റ്റിറോൺ എന്ന ഹോർമോണിന്റെ സാന്നിധ്യം കാരണം ചർമ്മം കൂടുതൽ എണ്ണമയമുള്ളതാകാൻ സാധ്യതയുണ്ട്. അതുകൊണ്ട് തന്നെ നിങ്ങളുടെ ചർമ്മത്തിന് അനുയോജ്യമായ ഉൽപ്പന്നങ്ങൾ തിരഞ്ഞെടുക്കുക എന്നതാണ് ഒന്നാമത്തെ കാര്യം.
1. ക്ലെൻസിംങ്
മുഖം കഴുകുന്നതാണ് ഏറ്റവും പ്രധാനപ്പെട്ട ഘട്ടം. സോപ്പ് ഉപയോഗിക്കുമ്പോൾ ചർമ്മത്തിലെ സ്വാഭാവികമായ എണ്ണമയം നഷ്ടപ്പെടുകയും ചർമ്മം വരളുകയും ചെയ്യുന്നു. പകരം നിങ്ങളുടെ സ്കിൻ ടൈപ്പിന് അനുയോജ്യമായ ഒരു ഫേസ് വാഷ് ഉപയോഗിക്കുക.
3. സൺസ്ക്രീൻ
മിക്ക പുരുഷന്മാരും സൺസ്ക്രീൻ ഉപയോഗിക്കുന്നതിൽ മടി കാണിക്കാറുണ്ട്. എന്നാൽ സൂര്യപ്രകാശത്തിലെ യുവി കിരണങ്ങളാണ് ചർമ്മത്തിൽ നേരത്തെ തന്നെ ചുളിവുകൾ വീഴ്ത്തുന്നതും കരിവാളിപ്പിക്കുന്നതും. വെയിലത്ത് ഇറങ്ങുന്നതിന് 20 മിനിറ്റ് മുൻപെങ്കിലും സൺസ്ക്രീൻ പുരട്ടണം. ഇത് ചർമ്മത്തിന്റെ നിറം മങ്ങാതെ കാത്തുസൂക്ഷിക്കും.
4. ശരിയായ ഷേവിംഗ് രീതി
ഷേവിംഗ് ചർമ്മത്തിൽ ചെറിയ മുറിവുകൾ ഉണ്ടാക്കാം. ഷേവ് ചെയ്യുന്നതിന് മുൻപ് മുഖം ചെറുചൂടുവെള്ളത്തിൽ കഴുകുന്നത് രോമകൂപങ്ങൾ മൃദുവാക്കാൻ സഹായിക്കും. ഷേവിംഗിന് ശേഷം ആൽക്കഹോൾ ഇല്ലാത്ത ആഫ്റ്റർ ഷേവ് ലോഷനുകൾ ഉപയോഗിക്കുക. ഇത് ചർമ്മത്തിലെ അസ്വസ്ഥതകൾ കുറയ്ക്കും.
5. ആന്തരികാരോഗ്യം
പുറമെ പുരട്ടുന്ന ക്രീമുകൾ പോലെ തന്നെ പ്രധാനമാണ് നമ്മുടെ ഭക്ഷണരീതിയും
- വെള്ളം: ദിവസവും 3-4 ലിറ്റർ വെള്ളം കുടിക്കുന്നത് ചർമ്മത്തിന് സ്വാഭാവികമായ തിളക്കം നൽകും.
- ഭക്ഷണം: പഴങ്ങളും പച്ചക്കറികളും ആഹാരത്തിൽ ഉൾപ്പെടുത്തുക. ഇതിലെ ആന്റി ഓക്സിഡന്റുകൾ ചർമ്മത്തെ യുവത്വത്തോടെ നിലനിർത്തും.
- ഉറക്കം: രാത്രിയിലെ 7-8 മണിക്കൂർ ഉറക്കം നിങ്ങളുടെ കണ്ണിന് താഴെയുള്ള കറുപ്പ് നിറം മാറ്റാൻ സഹായിക്കും.
ചുരുക്കത്തിൽ, ചർമ്മ സംരക്ഷണം എന്നത് ഒരു ആഡംബരമല്ല, മറിച്ച് ആരോഗ്യമാണ്. ലളിതമായ ഈ 3-സ്റ്റെപ് രീതി തുടർച്ചയായി രണ്ടാഴ്ച പരീക്ഷിച്ചു നോക്കൂ. വ്യത്യാസം നിങ്ങൾക്കും മറ്റുള്ളവർക്കും പെട്ടെന്ന് തിരിച്ചറിയാം.
