ആരോഗ്യത്തിന് ഏറെ ഗുണം നല്‍കുന്ന ഒന്നാണ് ഏത്തപ്പഴം അഥവാ നേന്ത്രപ്പഴം. പോഷകങ്ങള്‍ ഏറെയടങ്ങിയ ഒന്നാണ് ഇത്. കാല്‍സ്യം, അയേണ്‍, കാര്‍ബോഹൈഡ്രറ്റുകള്‍, മാംഗനീസ്, വൈറ്റമിന്‍ എ, സി, ബി തുടങ്ങിയ ശരീരത്തിന് ആവശ്യമായ എല്ലാ പോഷകങ്ങളും ഇതിലുണ്ട്.ഇതിലെ വൈററമിന്‍ ബി6, വൈറ്റമിന്‍ ബി 1 എന്നിവയെല്ലാം അടങ്ങിയിട്ടുണ്ട്. പുഴുങ്ങിയ പഴം നല്ലൊന്നാന്തരം കാര്‍ബോഹൈഡ്രേറ്റ് സമ്പുഷ്ടമാണ്. ഇതിനാല്‍ ഊര്‍ജം ലഭ്യമാക്കുന്ന ഒന്ന് കൂടിയാണ് ഇത്.
രാവിലെ കഴിയ്ക്കുന്ന പ്രാതല്‍ ആരോഗ്യത്തിന് ഏറെ ഗുണം നല്‍കുന്ന ഒന്നാണ്. ഇതിനാല്‍ ഏറ്റവും പോഷകസമൃദ്ധമായിരിയ്ക്കണം ഇത്. ഇതിനാല്‍ ഏത്തപ്പഴം പ്രാതലിന് കഴിയ്ക്കുന്നത് ഏറെ ഗുണകരമാണ്. എന്നാല്‍ ഇതിന്റെ ഗുണങ്ങള്‍ ശരിയായ രീതിയില്‍ ലഭിയ്ക്കാന്‍ ഇത് കഴിയ്ക്കുന്ന രീതിയും ഏറെ പ്രധാനമാണ്. ഇതെക്കുറിച്ചറിയൂ. ഇതില്‍ വൈറ്റമിന്‍ സി ധാരാളമുണ്ട്, അയേണ്‍, പ്രോട്ടീന്‍ സമ്പുഷ്ടവുമാണ്. സാധാരണ പഴത്തിന് 100 ഗ്രാമിന് 87 ഗ്രാം ഊര്‍ജമെങ്കില്‍ നേന്ത്രപ്പഴത്തില്‍ ഇത് 122ന് അടുത്തു വരും. ഇതില്‍ പൊട്ടാസ്യവും മഗ്‌നീഷ്യവുമെല്ലാം ധാരാളമുണ്ട്. ഊര്‍ജം ലഭിയ്ക്കാന്‍, ബിപി കുറയ്ക്കാന്‍ ഊര്‍ജം അത്യാവശ്യവുമാണ്. മഗ്‌നീഷ്യം ഹൃദയത്തിനും തലച്ചോറിനുമെല്ലാം അത്യാവശ്യമാണ്. എല്ലുകളുടേയും മസിലുകളുടേയും ആരോഗ്യത്തിനും മഗ്‌നീഷ്യം അത്യാവശ്യമാണ്.
ഇത് ഏതെങ്കിലും പ്രോട്ടീന്‍ ഭക്ഷണവുമായി ചേര്‍ത്ത് കഴിയ്ക്കുന്നതാണ് നല്ലത്. ഉദാഹരണത്തിന് മുട്ടയും ഏത്തപ്പഴവും പ്രാതലില്‍ കഴിയ്ക്കാം. വെജിറ്റേറിയനാണെങ്കില്‍ ചെറുപയര്‍ പുഴുങ്ങിയതും നേന്ത്രപ്പഴവും കഴിയ്ക്കാം. അല്‍പം നെയ്യും ചേര്‍ത്ത് കഴിച്ചാല്‍ കൂടുതല്‍ നല്ലതാണ്. രാവിലെ കഴിയ്ക്കാവുന്ന മികച്ചൊരു ഭക്ഷണമാണ് ഇത്. ഊര്‍ജം ലഭിയ്ക്കാനും വിശപ്പ് മാറാനുമെല്ലാം ഇതേറെ നല്ലതാണ്. ഇത് മികച്ചൊരു മോണിംഗ് ഭക്ഷണമാണ്. കുട്ടികള്‍ക്ക് നെയ്യും ഏത്തപ്പഴവും ചേര്‍ത്ത കോമ്പിനേഷന്‍ ഏറെ നല്ലതാണ്. വേണമെങ്കില്‍ അല്‍പം നെയ്യ് കൂടി ചേര്‍ക്കാം. പഴുത്തപഴം തേങ്ങാപ്പാലില്‍ വേവിച്ച് കുട്ടികള്‍ക്ക് നല്‍കുന്നതും ഏറെ നല്ലതാണ്.
തലച്ചോറിന് ഹാപ്പി ഹോര്‍മോണ്‍ ഉല്‍പാദനത്തിന് സഹായിക്കുന്ന ഒന്നാണ് ഏത്തപ്പഴം. ഇതിനാല്‍ രാവിലെ ഇത് കഴിയ്ക്കുന്നത് ഏറെ ഗുണകരമാണ്. ഇത് ചര്‍മത്തിനും മുടിയ്ക്കുമെല്ലാം നല്ലതാണ്. ഇതിലെ കാര്‍ബോഹൈഡ്രേറ്റുകള്‍ റെസിസ്റ്റിന്റ് സ്റ്റാര്‍ച്ച് രൂപത്തിലാണ്. ഇത് ആമാശത്തില്‍ അല്ല, കുടലിലാണ് ദഹിയ്ക്കുന്നത്. ഇതിനാല്‍ ഇത് രക്തത്തില്‍ ഷുഗര്‍ ലെവല്‍ വര്‍ദ്ധിപ്പിയ്ക്കുന്നില്ല. ഇതിന്റെ ഗ്ലൈസമിക് ഇന്‍ഡെക്സ് കുറവുമാണ്. അധികം പഴുക്കാത്തതില്‍ ഇത് കൂടുതല്‍ കുറവാണ്. പ്രമേഹരോഗികള്‍ക്ക് അധികം പഴുക്കാത്തത്, അതായത് ഇടത്തരം പഴുത്തത് നല്ലതാണ്.
ശരീരത്തിലെ ഫംഗല്‍ രോഗങ്ങള്‍ മാറാന്‍, അലര്‍ജിയ്ക്ക് പരിഹാരമായി, മൂത്രത്തില്‍ പഴുപ്പ്, രോഗപ്രതിരോധശേഷി നല്‍കാന്‍ എല്ലാം നേന്ത്രപ്പഴം നല്ലതാണ്. കാരണം തൈരിനെപ്പോലെ തന്നെ ഇത് പ്രോബയോട്ടിംഗ് ഗുണങ്ങള്‍ ഏറെ നല്ലതാണ്. ഇത് പുഴുങ്ങിക്കഴിയ്ക്കുമ്പോള്‍ ഇതിലെ നാരുകള്‍ കൂടുതല്‍ ഗുണകരമായി ശരീരത്തിന് ഉപയോഗിയ്ക്കാന്‍ സാധിയ്ക്കും. ഇത് തൊലിയോടെ വേവിയ്ക്കുമ്പോള്‍ ഫൈബറുകള്‍ തൊലിയിലെ വരെ കൂടുതല്‍ ഇളകി പഴത്തിന് ലഭിയ്ക്കും. ഏത് രോഗികള്‍ക്കും ആറ് മാസം കഴിഞ്ഞ കുഞ്ഞുങ്ങള്‍ക്ക് മുതല്‍ വാര്‍ധക്യമായവര്‍ക്ക് വരെ കഴിയ്ക്കാവുന്ന സൂപ്പര്‍ മോണിംഗ് ഫുഡാണ് ഏത്തപ്പഴം.
