ഇതിനൊരു പ്രധാന കാരണം നമ്മുടെ മാറുന്ന ഭക്ഷണരീതികളും അനാരോഗ്യകരമായ ജീവിതശൈലിയുമാണ്. നാം ദിനവും കഴിക്കുന്ന ചില ഭക്ഷണങ്ങൾ ബീജത്തിന്റെ ആരോഗ്യത്തെ (sperm health) ദോഷകരമായി ബാധിക്കുകയും അവയെ ദുർബലമാക്കുകയും ചെയ്യുമ്പോൾ, മറ്റു ചില ഭക്ഷണങ്ങൾ അവയ്ക്ക് കരുത്തേകുകയും ഗുണനിലവാരം വർദ്ധിപ്പിക്കുകയും ചെയ്യുന്നു.
ബീജത്തിന്റെ ആരോഗ്യത്തെ നിർണ്ണയിക്കുന്ന ഭക്ഷണങ്ങൾ: ബീജത്തിന്റെ ഗുണനിലവാരം കുറയ്ക്കുന്ന ഭക്ഷണങ്ങൾ ഏതൊക്കെയെന്നും വർധിപ്പിക്കുന്ന ഭക്ഷണങ്ങൾ ഏതൊക്കെയെന്നും താഴെ വിവരിക്കുന്നു.
ബീജത്തിന്റെ ആരോഗ്യത്തെ കുറയ്ക്കുന്ന ഭക്ഷണങ്ങൾ
സംസ്കരിച്ച മാംസം (ഉദാഹരണത്തിന് ബേക്കൺ, സോസേജ് എന്നിവ). ഇവ ബീജങ്ങളുടെ എണ്ണത്തെയും ഗുണനിലവാരത്തെയും കുറയ്ക്കുന്നു.
സോഡ. ഇവ ബീജങ്ങളുടെ ചലനശേഷിയെ കുറയ്ക്കുന്നു.
എണ്ണയിൽ വറുത്ത ഭക്ഷണങ്ങൾ. ഇവയിലുള്ള ട്രാൻസ് ഫാറ്റ് പ്രത്യുൽപ്പാദനശേഷിയെ ഇല്ലാതാക്കുന്നു.
മദ്യം. ഇവ ടെസ്റ്റോസ്റ്റിറോണിന്റെ അളവ് കുറയ്ക്കുകയും ബീജത്തിന്റെ ഉത്പാദനത്തെ ബാധിക്കുകയും ചെയ്യുന്നു.
ബീജത്തിന്റെ ആരോഗ്യത്തെ വർധിപ്പിക്കുന്ന ഭക്ഷണങ്ങൾ
വാൽനട്ട്. ഇതിലുള്ള ഒമേഗ-3 ഫാറ്റി ആസിഡ് ബീജത്തിന്റെ എണ്ണം, ആകൃതി, ചലനശേഷി എന്നിവ വർധിപ്പിക്കുന്നു.
ബ്ലൂബെറി. ഇതിലുള്ള ആന്റി ഓക്സിഡന്റ് ഡിഎൻഎയ്ക്ക് ഉണ്ടാകുന്ന തകരാറുകൾ പരിഹരിക്കുന്നു.
ചീര. ഇതിലുള്ള ഫോളിക് ആസിഡ് നല്ല ബീജങ്ങളുടെ ഉത്പാദനത്തിന് സഹായിക്കുന്നു.
മത്തങ്ങ വിത്ത്. ഇതിലുള്ള സിങ്ക് പ്രത്യുൽപ്പാദനത്തിന് അത്യാവശ്യമായ ഹോർമോണുകൾ ഉൽപ്പാദിപ്പിക്കുന്നതിനും ബീജങ്ങളുടെ എണ്ണം കൂട്ടുന്നതിനും സഹായിക്കുന്നു.
ബീജത്തെ ദുർബലമാക്കുന്ന ഭക്ഷണങ്ങൾ ഒഴിവാക്കി അതിനു കരുത്തേകുന്ന ഭക്ഷണങ്ങൾ ശീലമാക്കാം.
