ഇന്‍ വിട്രോ ഫെര്‍ട്ടിലൈസേഷന്‍ (IVF) എന്നത് പല ദമ്പതികളും ഇന്ന് തിരഞ്ഞെടുക്കുന്ന ഒരു ചികിത്സാരീതിയാണ്. വളരെയധികം ശ്രദ്ധയും സമയവും ആവശ്യമുള്ള ചികിത്സയാണിത്. സ്ത്രീകളിലും പുരുഷന്‍മാരിലും ഉണ്ടാവുന്ന വന്ധ്യത മുതല്‍ പലപ്പോഴും ഇത്തരം ചികിത്സയിലേക്ക് ദമ്പതികളെ എത്തിക്കുന്നു. ശ്രദ്ധാപൂര്‍വ്വം കൈകാര്യം ചെയ്യേണ്ട സങ്കീര്‍ണ്ണമായ പ്രക്രിയയാണ് ഐവിഎഫ്.
ലബോറട്ടറിയില്‍ ബീജം ഉപയോഗിച്ച് അണ്ഡം ബീജസങ്കലനം ചെയ്യുകയും തുടര്‍ന്ന് സ്ത്രീയുടെ ഗര്‍ഭാശയത്തില്‍ ഭ്രൂണം സ്ഥാപിക്കുകയും ചെയ്യുന്ന രീതിയാണ് ഇന്‍-വിട്രോ ഫെര്‍ട്ടിലൈസേഷനില്‍ ചെയ്യുന്നത്. എന്നാല്‍ ഇത്തരത്തില്‍ ഐവിഎഫ് ചെയ്തു ഉണ്ടാകുന്ന കുട്ടികള്‍ ആരോഗ്യമുള്ളവരായിരിക്കില്ലെന്നും അണുബാധ പോലുള്ളത് പെട്ടെന്ന് ബാധിക്കാമെന്നും എന്നും തരത്തില്‍ പല മിഥ്യാധാരണകളും നിലനില്‍ക്കുന്നുണ്ട്.
എന്നാല്‍ അത്തരം വിശ്വാസം തികച്ചും തെറ്റാണെന്ന് ആരോഗ്യ വിദഗ്ധര്‍ വ്യക്തമാക്കുന്നു. ഐവിഎഫ് ചികിത്സ പ്രകൃതിവിരുദ്ധമാണെന്നും ഇങ്ങനെ ഉണ്ടാകുന്ന കുട്ടികള്‍ക്ക് പെട്ടെന്ന് രോഗങ്ങള്‍ പിടിപ്പെടാനുള്ള സാധ്യത കൂടുതലാണെന്നും ഇപ്പോഴും തെറ്റിദ്ധരിക്കുന്ന ആളുകളുണ്ട്. ഐവിഎഫ് ചികിത്സയിലൂടെ ഉണ്ടാകുന്ന കുട്ടികള്‍ മാസം തികയാതെ ഉണ്ടാകാനോ ജനനസമയം ഭാരക്കുറവുണ്ടാകാനും ഗര്‍ഭകാല സമയത്ത് വലിപ്പം കുറഞ്ഞിരിക്കാനും സാധ്യതയുണ്ടെന്ന് ചില പഠനങ്ങള്‍ സൂചിപ്പിക്കുന്നു. എന്നാല്‍ ഇരട്ടകള്‍ അല്ലെങ്കില്‍ രണ്ടില്‍ കൂടുതല്‍ കുട്ടികള്‍ പോലുള്ള ഒന്നിലധികം ഗര്‍ഭധാരണം, അമ്മയുടെ പ്രായം കൂടുതലായത് അല്ലെങ്കില്‍ ഐവിഎഫ് അല്ലാത്ത വന്ധ്യത തുടങ്ങിയ സാഹചര്യങ്ങളുമായാണ് അത്തരം അപകടസാധ്യതകള്‍ ബന്ധപ്പെട്ടിരിക്കുന്നതെന്ന് ആരോഗ്യ വിദഗ്ധര്‍ പറയുന്നു. ജനന സമയത്ത് ഭാരക്കുറവുള്ള കുഞ്ഞുങ്ങള്‍ക്ക് പിന്നീട് ജീവിതത്തില്‍ കാര്യമായ അസുഖങ്ങള്‍ ഉണ്ടാകണമെന്നുമില്ല.
ഐവിഎഫ് കുഞ്ഞുങ്ങളുടെ ആരോഗ്യം നിര്‍ണയിക്കുന്ന ഘടകം
പ്രധാനമായും മാതാപിതാക്കളുടെ ആരോ?ഗ്യം, ഭ്രൂണത്തിന്റെ ഗുണനിലവാരം, ചികിത്സ നല്‍കുന്ന ഫെര്‍ട്ടിലിറ്റി ക്ലിനിക്കിന്റെ വൈദഗ്ദ്ധ്യം തുടങ്ങിയ ഘടകങ്ങളെ ആശ്രയിച്ചാണ് അത്തരം അപകടസാധ്യതകള്‍ നിര്‍ണയിക്കുക. ഐവിഎഫ് സാങ്കേതികവിദ്യയുടെ വളര്‍ച്ചയ്‌ക്കൊപ്പം സിംഗിള്‍ എംബ്രിയോ ട്രാന്‍സ്ഫര്‍, ഫ്രീസിംഗ് ടെക്‌നോളജി, മെച്ചപ്പെട്ട എംബ്രിയോ ടെസ്റ്റിങ് എന്നിവയിലൂടെ ഗണ്യമായി കുറഞ്ഞു.
കുഞ്ഞുങ്ങളുടെ ജനനം സുരക്ഷിതമാക്കാന്‍
ഒന്നിലധികം ഭ്രൂണങ്ങള്‍ക്ക് പകരം ഒറ്റ ഭ്രൂണ കൈമാറ്റം തിരഞ്ഞെടുക്കുക.
ഭ്രൂണങ്ങള്‍ ഇംപ്ലാന്റ് ചെയ്യുന്നതിന് മുമ്പ് പ്രീഇംപ്ലാന്റേഷന്‍ ജനിതക പരിശോധന (PGT) നടത്താവുന്നതാണ്. ഇത് ക്രോമസോം അസാധാരണത്വങ്ങളില്ലാത്ത ഭ്രൂണങ്ങളെ തിരിച്ചറിയാനും തിരഞ്ഞെടുക്കാനും സഹായിക്കും, ഇത് ജനന വൈകല്യങ്ങളുടെ സാധ്യത കുറയ്ക്കും.
ഗര്‍ഭധാരണത്തിനു മുമ്പും ശേഷവും അമ്മയുടെ ആരോഗ്യം മികച്ചതാണെന്ന് ഉറപ്പാക്കുക.
ദമ്പതികള്‍ക്ക് അവരുടെ പ്രത്യേക സാഹചര്യങ്ങളെ അടിസ്ഥാനമാക്കി അറിവുള്ള തീരുമാനങ്ങള്‍ എടുക്കാന്‍ കഴിയുന്നതിന് കൗണ്‍സിലിംഗ് ആവശ്യമാണ്. ഗര്‍ഭകാലത്ത് പതിവായി നിരീക്ഷിക്കുന്നതും തുടര്‍നടപടികള്‍ സ്വീകരിക്കുന്നതും അമ്മയ്ക്കും വികസ്വര ഗര്ഭപിണ്ഡത്തിനും പൂര്‍ണ്ണ കാലയളവ് നീണ്ടുനില്‍ക്കാന്‍ സഹായിക്കും.
 എന്നത് പല ദമ്പതികളും ഇന്ന് തിരഞ്ഞെടുക്കുന്ന ഒരു ചികിത്സാരീതിയാണ്. വളരെയധികം ശ്രദ്ധയും സമയവും ആവശ്യമുള്ള ചികിത്സയാണിത്.){kind=link}