പനി, ജലദോഷം പോലുള്ള സീസണൽ അസുഖങ്ങൾ വ്യാപകമാകുന്ന സമയത്ത് ശരീരത്തിന്റെ പ്രതിരോധശേഷി കൂട്ടുന്നത് ഏറെ പ്രധാനമാണ്. അടുക്കളയിൽ എളുപ്പത്തിൽ ലഭിക്കുന്ന കറുവപ്പട്ടയും തേനും ചേർന്നാൽ ശരീരത്തിന് ഗുണകരമായ ഒരു സ്വാഭാവിക ഔഷധമാകുമെന്ന് ആരോഗ്യ വിദഗ്ധർ പറയുന്നു.
പ്രതിരോധശേഷി വർദ്ധിപ്പിക്കുന്നു
കറുവപ്പട്ടക്കും തേനിക്കും ആന്റിമൈക്രോബയൽ, ആന്റി–ഇൻഫ്ലമേറ്ററി ഗുണങ്ങളുണ്ട്. ഇവ ചേർന്ന് ശരീരത്തിന്റെ പ്രതിരോധ സംവിധാനം ശക്തിപ്പെടുത്താനും അണുബാധകളെ പ്രതിരോധിക്കാനും സഹായിക്കുന്നു.
തൊണ്ടവേദനയ്ക്കും ജലദോഷത്തിനും ആശ്വാസം
കറുവപ്പട്ടയിലെ ആന്റിഓക്സിഡന്റുകൾ തൊണ്ടയിലെ വീക്കം കുറയ്ക്കുന്നു. തേൻ പനി, ജലദോഷം എന്നിവയുമായി ബന്ധപ്പെട്ട അസ്വസ്ഥതകൾ കുറയ്ക്കാൻ സ്വാഭാവിക ശമനൗഷധമായി പ്രവർത്തിക്കുന്നു.
ദഹനവും കുടൽ ആരോഗ്യവും മെച്ചപ്പെടുത്തുന്നു
കറുവപ്പട്ടയും തേനും ഉള്ള ആന്റിബാക്ടീരിയൽ ഗുണങ്ങൾ കുടലിലെ നല്ല ബാക്ടീരിയകളുടെ വളർച്ചയ്ക്ക് സഹായകരമാണ്. ഇത് ദഹനപ്രശ്നങ്ങൾ കുറയ്ക്കുകയും ശരീരത്തെ രോഗങ്ങളിൽ നിന്ന് സംരക്ഷിക്കാനും സഹായിക്കുകയും ചെയ്യുന്നു.
ഹൃദയാരോഗ്യം സംരക്ഷിക്കുന്നു
രക്തത്തിലെ ചീത്ത കൊളസ്ട്രോളും ട്രൈഗ്ലിസറൈഡുകളും കുറയ്ക്കാൻ ഈ മിശ്രിതം സഹായിക്കുമെന്ന് പഠനങ്ങൾ സൂചിപ്പിക്കുന്നു. ഇതിലൂടെ ഹൃദ്രോഗ സാധ്യത കുറയ്ക്കാനാകും.
തലച്ചോറിന്റെ ആരോഗ്യം
തേനിൽ അടങ്ങിയിരിക്കുന്ന പോളിഫെനോളുകൾ ഓർമ്മശക്തി വർദ്ധിപ്പിക്കാനും തലച്ചോറിന്റെ ആരോഗ്യം സംരക്ഷിക്കാനും സഹായിക്കുമെന്ന് ആരോഗ്യ വിദഗ്ധർ പറയുന്നു. അൽഷിമേഴ്സ് പോലുള്ള രോഗങ്ങളുടെ സാധ്യത കുറയ്ക്കാനും ഇതിന് പങ്കുണ്ടാകാം.
സീസണൽ അസുഖങ്ങളിൽ നിന്ന് രക്ഷ നേടാൻ ആരോഗ്യകരമായ ഭക്ഷണശീലങ്ങൾ പാലിക്കണമെന്ന് വിദഗ്ധർ നിർദ്ദേശിക്കുന്നു.
