ഓരോ ദിവസം കഴിയുന്തോറും മലൈക അറോറയുടെ പ്രായം കുറഞ്ഞു വരികയാണെന്ന് ആരാധകര്‍. ബോളിവുഡില്‍ അഴകുകൊണ്ടും ഫിറ്റ്‌നസ് കൊണ്ടും എന്നും മുന്‍പന്തിയില്‍ തന്നെയാണ് താരം. തീവ്രമായ വര്‍ക്ക്ഔട്ടുകളും മികച്ച ഡയറ്റ് പ്ലാനുകളുമായി താരത്തിന്റെ ഫിറ്റ്‌നസിന് പിന്നില്‍.
ജമ്പിങ് ജാക്കുകള്‍, ഗ്ലൂട്ട് കിക്കുകള്‍, റോപ്പ് സ്‌കിപ്പിങ്, നീ-ടാപ്പിങ് എന്നിങ്ങനെ നാല് വ്യായാമ രീതികളാണ് താരം പരിശീലിക്കുന്നത്. ആരോഗ്യത്തിനും സൗന്ദര്യത്തിനും പോസ്ച്ചര്‍ മെച്ചപ്പെടുത്തുന്നതിനും സഹായിക്കുന്ന വ്യായാമങ്ങളെ കുറിച്ച് കൂടുതല്‍ അറിയാം.
ജമ്പിങ് ജാക്ക്
ക്ലാസിക് കാര്‍ഡിയോ വ്യായാമമാണിത്. ഇത് ഹൃദയമിടിപ്പ് വര്‍ധിപ്പിക്കുകയും മുഴുവന്‍ ശരീരത്തെ ഉണര്‍ത്തുകയും ചെയ്യുന്നു. കൂടാതെ കലോറി പെട്ടെന്ന് കുറയ്ക്കാനുള്ള മികച്ച മാര്‍?ഗം കൂടിയാണിത്. മാത്രമല്ല, പേശിക്കള്‍ നല്ലൊരു വാം-അപ്പ് നല്‍കാനും ഇത് സഹായിക്കും.
ജമ്പിങ് ജാക്ക് പരിശീലിക്കുന്നത് തോളുകള്‍, കോര്‍, ഗ്ലൂട്ടുകള്‍, ഹിപ് ഫ്‌ലെക്‌സറുകള്‍, ഹൃദയം, ശ്വാസകോശം എന്നിവയെ ലക്ഷ്യം വച്ചുള്ള ഒരു ഫുള്‍ ബോഡി പ്ലയോമെട്രിക് വ്യായാമമാണ്. അവ മെറ്റബോളിസം വര്‍ധിപ്പിക്കുകയും, കലോറി കത്തിക്കാന്‍ സഹായിക്കുകയും ചെയ്യുന്നു. ഹൈ ഇന്റന്‍സിറ്റി വ്യായാമമായ ജമ്പിങ് ജാക്ക്‌സ് വഴക്കം മെച്ചപ്പെടുത്താനും നല്ലതാണ്.
ഗ്ലൂട്ട് കിക്കുകള്‍
ഇത് ഗ്ലൂട്ട് പേശികളെയും ഹാംസ്ട്രിങ്ങുകളെയും ലക്ഷ്യം വെച്ചുള്ളതാണ്. അതോടൊപ്പം വഴക്കവും സ്ഥിരതയും മെച്ചപ്പെടുത്തുന്നു. ഇവ ശരീരത്തിന്റെ താഴെ ഭാ?ഗത്തിന്റെ ശക്തിയും സ്ഥിരതയും വര്‍ധിപ്പിക്കുന്നു. ശക്തമായ ഗ്ലൂട്ടുകള്‍ നടത്തം, പടികള്‍ കയറുന്നതിന് തുടങ്ങിയ ദൈനംദിന ജോലികള്‍ എളുപ്പമാക്കുന്നു. പതിവായി ഗ്ലൂട്ട് കിക്കുകള്‍ ചെയ്യുന്നത് ദുര്‍ബലമായതോ നിഷ്‌ക്രിയമായതോ ആയ ഗ്ലൂട്ട് പേശികള്‍ മൂലമുണ്ടാകുന്ന താഴ്ന്ന പുറം, കാല്‍മുട്ട് വേദന പോലുള്ള സാധാരണ പ്രശ്‌നങ്ങള്‍ തടയാന്‍ സഹായിക്കും.
റോപ്പിങ് (എയര്‍ ജമ്പ് റോപ്പ്)
ഇത് ഏകോപനം, സ്റ്റാമിന, ഹൃദയധമനികളുടെ ശക്തി എന്നിവ വര്‍ധിപ്പിക്കുകയും കാലുകളും തോളുകളും ടോണ്‍ ചെയ്യുകയും ചെയ്യുന്നു. മികച്ച കാര്‍ഡിയോ വ്യായാമമായ റോപ്പിങ് കലോറി കത്തിക്കുന്നതിനൊപ്പം ഹൃദ്രോ?ഗ സാധ്യത കുറയ്ക്കാനും സഹായിക്കുന്നു. ചലനങ്ങളെ കൂടുതല്‍ ചടുലവും കൃത്യവുമാക്കുന്നു. ഇത് അസ്ഥികളെ ശക്തിപ്പെടുത്തുന്നതിനും ഫിറ്റ്‌നസ് ലെവലുകള്‍ വര്‍ധിപ്പിക്കുന്നതിനും ദീര്‍ഘകാല മസ്‌കുലോസ്‌കലെറ്റല്‍ ആരോഗ്യത്തിനും സഹായിക്കുന്നു. പോസ്ചര്‍ മെച്ചപ്പെടുത്താനും നല്ലതാണ്.
നീ-ടാപ്പുകള്‍
നീ-ടാപ്പിങ് കോര്‍, ക്വാഡ്‌സ്, ഗ്ലൂട്ടുകള്‍ എന്നിവയെ സജീവമാക്കാന്‍ സഹായിക്കുന്നു. ഇത് ചുവടുകള്‍ ചടുലവും കാല്‍മുട്ടുകള്‍ക്ക് ബലവും കൂട്ടും. ഹൃദയമിടിപ്പ് വര്‍ധിപ്പിക്കുന്നതിനൊപ്പം ക്വാഡ്‌സ്, ഹാംസ്ട്രിംഗുകള്‍, കാള്‍വ്‌സ്, ഗ്ലൂട്ടുകള്‍, ഹിപ് ഫ്‌ലെക്‌സറുകള്‍ തുടങ്ങിയ ശരീര പേശികളെ ഇത് സജീവമാക്കുന്നു. ഇത് ശരീരത്തിന്റെ ഏകോപനം, ബാലന്‍സ് എന്നിവ വര്‍ധിപ്പിക്കുന്നു.
