വേനല്ക്കാലം എത്തിയതോടെ ചൂടിനെ അതിജീവിക്കാനുള്ള പരിശ്രമത്തിലാണ് ആളുകള്. പുറത്തേക്കിറങ്ങുമ്പോഴുള്ള കനത്ത വെയിലേറ്റ് വാടാതിരിക്കാന് ചില മുന്കരുതലുകള് സ്വീകരിക്കേണ്ടതുണ്ട്.
വെള്ളം മുഖ്യം
ആരോഗ്യത്തിന്റെ അടിസ്ഥാനം തന്നെ ജലമാണ്. വേനല്ക്കാലത്ത് ശരീരം വിയര്ക്കുന്നതിലൂടെ ജലാംശം വലിയ തോതില് നഷ്ടപ്പെടാന് സാധ്യതയുള്ളതു കൊണ്ട് പതിവായി കുടിക്കുന്നതിന്റെ അളവു അല്പം കൂട്ടേണ്ടി വരും. നിര്ജ്ജലീകരണം സംഭവിക്കാതെ ശ്രദ്ധിക്കുകയാണ് പ്രധാനം.
ജലാംശം ധാരാളം അടങ്ങിയ പഴങ്ങളിലൂടെയും ശരീരത്തിലുണ്ടാകുന്ന നിര്ജ്ജലീകരണം കുറയ്ക്കാന് സാധിക്കും. മറ്റൊന്ന്, അണുബാധയുടെ സാധ്യത കണക്കിലെടുത്ത് തിളപ്പിച്ചാറിയ വെള്ളം മാത്രം കുടിക്കുന്നതാണ് സുരക്ഷിതം.
ഡയറ്റിലും വേണം ശ്രദ്ധ
ചൂടുകാലവസ്ഥയില് ജലാംശം അടങ്ങിയ സൂപ്പ്, കഞ്ഞി പോലുള്ളവ ഡയറ്റില് ഉള്പ്പെടുത്തുന്നത് നല്ലതാണ്. മാത്രമല്ല, സ്പൈസി ആയതും അമിതമായി കൊഴുപ്പ് അടങ്ങിയതുമായ ഭക്ഷണം ഒഴിവാക്കുന്നതാണ് നല്ലത്.
ചര്മസംരക്ഷണം
വേനല്ക്കാലത്ത് ഏറ്റവും വലിയ വെല്ലുവിളി ചര്മസംരക്ഷണമാണ്. പുറത്തിറങ്ങുമ്പോള് സണ്സ്ക്രീന് ഒഴിവാക്കരുത്, മുഖത്ത് മാത്രമല്ല കൈ-കാലുകളിലും സണ്സ്ക്രീന് പുരട്ടണം. വേനല്ക്കാലത്ത് ഷൂ ഒഴിക്കുന്നതാണ് നല്ലത്.
വസ്ത്രവും കുടയും
വേനല്ക്കാലത്ത് അയഞ്ഞ കോട്ടണ് വസ്ത്രങ്ങളാണ് എപ്പോഴും അനുയോജ്യം. ഇത് വായുസഞ്ചാരം ഉറപ്പാക്കും. ജീന്സ് പോലുള്ള വസ്ത്രങ്ങള് പരിമിധപ്പെടുത്താം. മാത്രമല്ല, പുറത്തിറങ്ങുമ്പോള് കുട കരുതാനും മറക്കരുത്.
വേനല്ചൂടില് മുഖം വാടാതിരിക്കാന്
വെയിലത്ത് പോയി വന്നാലുടന് തണുത്ത കട്ടത്തൈര്, കക്കരി, തണ്ണിമത്തന് എന്നിവ മിക്സിയില് അടിച്ചെടുത്തതോ, കറ്റാര് വാഴയോ മുഖത്ത് തേച്ചു പിടിപ്പിച്ചശേഷം 10 മിനിറ്റ് കഴിഞ്ഞ് കഴുകി കളയാം. ചര്മത്തിലെ ടാന് മാറാനും ചര്മം ആരോഗ്യത്തോടെയിരിക്കാനും സഹായിക്കും.
സണ് സ്ക്രീന് ലോഷന് ഇടുമ്പോള്
പുറത്തിറങ്ങുന്നതിന് അരമണിക്കൂര് മുന്പെങ്കിലും സണ്സ്ക്രീന് പുരട്ടണം. ലോഷന് ചര്മം വലിച്ചെടുത്തതിനു ശേഷം മാത്രം വെയിലത്തേക്കിറങ്ങുക.
