1) കഴുത്ത് വേദനയും പുറം വേദനയുമായി ബന്ധപ്പെട്ട ആർക്കെങ്കിലും ബുദ്ധിമുട്ടുകൾ ഉണ്ടെങ്കിൽ അത് കേവലം അസ്ഥി സംബന്ധമായ തേയ്മാനമോ ഡിസ്ക് പ്രശ്നങ്ങളോ തന്നെ ആവണമെന്നില്ല..
അത് ആ രോഗസമൂഹത്തിലെ ഒരു ഘടകം മാത്രമായി കാണണം.
മസിലുകളിലേക്കുള്ള നീർക്കെട്ട് ആണ് ഇത്തരം രോഗാവസ്ഥകളിലെ പ്രധാന ഘടകം.
നീർക്കെട്ടും ദീർഘകാലമായി തുടരുന്ന ടെൻഷനും ഒരുമിക്കുമ്പോഴാണ് ഫൈബ്രോമയോജിയ പോലെയുള്ള കഷ്ടപ്പെടുത്തുന്ന വ്യാധികൾ ഉണ്ടാകുന്നത്.
ഇങ്ങനെയുള്ള എല്ലാ അസുഖങ്ങൾക്കും പുറകിൽ സമയം തെറ്റിയ കുളിയും തെറ്റായ എണ്ണകളും തന്നെയായിരിക്കും
പ്രധാന കാരണം.
അതുകൊണ്ടുതന്നെ ഇത്തരം രോഗങ്ങൾ വരാതിരിക്കാനും വന്നവർക്കും രാവിലെ കുളി സമയം എട്ടുമണിക്ക് മുമ്പായി ക്രമപ്പെടുത്തുക.
വൈകുന്നേരം തലകുളിക്കാതിരിക്കുക.
ശരീരം മാത്രം കുളിക്കാം.
പോരാത്തതിന് കുളിച്ച ശേഷം തലയിൽ എണ്ണ തേക്കുന്ന ശീലം ഉള്ളവർ അത് പൂർണമായി ഒഴിവാക്കുക.
കറ്റാർവാഴ കഞ്ഞുണ്ണി മൈലാഞ്ചി ചെമ്പരത്തി നീലയമരി നെല്ലിക്ക തുടങ്ങിയ തണുപ്പൻ മരുന്നുകൾ ഇട്ടു കാച്ചിയ എണ്ണ നീർക്കെട്ടിനെ ആകർഷിച്ചുവരുത്തും..
അതുകൊണ്ട് തുളസിയില മാത്രം ഇട്ടു കാച്ചിയ എണ്ണകളോ അല്ലെങ്കിൽ കരിഞ്ചീരകം ഇട്ടു കാച്ചിയ എണ്ണകളോ തലയ്ക്കു തേക്കുന്നതാണ് നല്ലത്..
വൈദ്യ നിർദ്ദേശപ്രകാരം തേക്കാവുന്ന ധാരാളം എണ്ണകൾ വേറെയും ഉണ്ട്. എണ്ണകൾ സ്വയം ഉല്പാദിപ്പിച്ച് പരീക്ഷിക്കുന്ന വീട്ടിലെ പരീക്ഷണശാലകൾ
ഒഴിവാക്കുന്നതോടെ നീർക്കെട്ടും കുറയും.
ഇതെല്ലാം ഉണ്ടാക്കുന്ന തലനീരിറക്കത്തിൽ (sinusitis )
നിന്നാണ് കഴുത്ത് വേദനകൾ തുടങ്ങുന്നത്.
2) കൈവിരലിലോ കാൽവിരൽലോ ഒക്കെ ചെറിയ രീതിയിൽ വേദനകളും നീർക്കെട്ടും തുടങ്ങുമ്പോൾ തന്നെ
സന്ധിവാതത്തിന്റെ തുടക്കമായി കണ്ട് ആയുർവേദ ചികിത്സ തുടങ്ങണം. എത്രയും പെട്ടെന്ന് തുടങ്ങുമ്പോൾ എത്രയും പെട്ടെന്ന് തന്നെ രോഗവും അവസാനിക്കും.
3) ഒരുപാട് എരിവും പുളിയും അച്ചാറും തൈരും മസാലകളും അടങ്ങുന്ന ഭക്ഷണങ്ങൾ പൊതുവേ inflammation കൂട്ടും എന്നുള്ളത് കൊണ്ട് തന്നെ,
ഈ രീതിയിലുള്ള അസുഖങ്ങൾ ഉള്ളവർ അത് പൂർണമായി കുറക്കുകയോ അല്ലെങ്കിൽ ക്രമപ്പെടുത്തുകയോ ചെയ്തു കുമ്പളങ്ങ വെള്ളരിക്ക പടവലങ്ങ പോലെയുള്ള പച്ചക്കറിയും പഴവർഗങ്ങളും അടങ്ങുന്ന എളുപ്പത്തിൽ ദഹിക്കുന്ന ആഹാരങ്ങളിലേക്ക് മാറണം..
നാടൻ ഭക്ഷണങ്ങളാണ് ഏറ്റവും നല്ലത്.
ദഹന പ്രശ്നങ്ങൾ കൂടിയാണ് നീർക്കെട്ട് കൂട്ടുന്നത്.
4) ഇതുകൂടാതെ ആന്തരിക അവയവങ്ങളുമായി ബന്ധപ്പെട്ട നീര് വീക്കങ്ങളെക്കുറിച്ചും എഴുതിയിരുന്നു.
ആമാശയ കലകളിൽ നീർവീക്കത്തെ ഉണ്ടാക്കുന്ന gastritis പോലെയുള്ള രോഗാവസ്ഥകൾ വരുമ്പോൾ അത് ആഹാരത്തിലും ഔഷധത്തിലും ശ്രദ്ധിച്ച് മാറ്റിയെടുക്കണം.
Chronic Cystitis എന്ന് വിളിക്കുന്ന ഇടയ്ക്കിടെ വന്നു പോയിക്കൊണ്ടിരിക്കുന്ന മൂത്രാശയ അണുബാധകൾ സാരമില്ല എന്ന് കരുതി അവഗണിക്കുന്നതിന് പകരം പൂർണ്ണമായി ആയുർവേദ മരുന്നുകൾ ഉപയോഗപ്പെടുത്തി ചികിത്സിച്ചു മാറ്റണം.
ദീർഘകാല അണുബാധകൾ കൊണ്ടുണ്ടാകുന്ന നീർ വീക്കങ്ങൾക്ക് ദീർഘകാലം ചികിത്സ വേണം.
ചികിത്സ ഒന്നും വേണ്ട എന്ന് കരുതി അവഗണിക്കുമ്പോൾ അത് ഭാവിയിൽ ഗുരുതരമായ രോഗങ്ങളിലേക്ക് തിരിയാം.
5) ഭൂതകാല അനുഭവങ്ങളോട് സംഘർഷത്തിൽ ആവുന്ന മനസ്സും പേറീ ദുരിതം അനുഭവിക്കുന്നവർ
നിർവീക്കത്തിന്റെ പതാക വാഹകരാണ്..
അവരെ മനസ്സിന്റെ പലതരം ട്രോമകളിൽ നിന്നും,
അവരുതന്നെ സങ്കൽപ്പ ബലത്തിൽ സൃഷ്ടിച്ചെടുത്ത ദുരിതാനുഭവങ്ങളിൽ നിന്നും മോചിപ്പിക്കാൻ
ആയുർവേദത്തിൽ തന്നെ പറയുന്ന ബുദ്ധിയുംbധൈര്യവും ആത്മാദി വിജ്ഞാനവും അനിവാര്യമാണ്.
പല ഓട്ടോ ഇമ്മ്യൂൺ സന്ധിവാതങ്ങൾക്കും തൈറോയ്ഡ് പ്രശ്നങ്ങൾക്കും ഒക്കെ കാരണം ഇതേ മനസ്സ് തന്നെയാണ്.
മനസ്സ് നമുക്ക് തന്നെ അനുകൂലമാകുമ്പോൾ നീർക്കെട്ടും കുറയും.
മനസ്സിനെ അറിയുന്ന വൈദ്യൻ ഇവിടെ നിർണായകമാണ്.
6) പതിവായി വൈകുന്നേരം സ്വല്പം ഇഞ്ചിയും നാരങ്ങ പിഴിഞ്ഞതും ഉപ്പും ഇട്ട് വെള്ളത്തിൽ കുളിക്കുന്നത് ദേഹമാസകരമുള്ള നീർക്കെട്ടിന് താൽക്കാലിക സമാധാനം ഉണ്ടാക്കും.
വയർ എരിച്ചിൽ ഒന്നും ഇല്ലാത്തവർക്ക്,
ഇഞ്ചി ഇട്ട് തിളപ്പിച്ചാറിയ വെള്ളം കുടിക്കുന്നത് പൊതുവെ നീർക്കെട്ട് കുറയ്ക്കാൻ നല്ലതാണ്..
അതുപോലെ ചെറൂള ഞെരിഞ്ഞിൽ വയൽചുള്ളി എന്നിവ സമം വാങ്ങി കഴുകി ഉണക്കി,
ഒന്ന് ചതച്ചെടുത്ത്
ഒരു സ്പൂൺ രണ്ട് ലിറ്റർ വെള്ളം തിളപ്പിച്ച്
ആറിയശേഷം പലവട്ടം കുടിക്കുന്നത് നല്ലതായിരിക്കും.
ഇങ്ങനെയൊക്കെയാണെങ്കിലും
ഓരോ നീർക്കെട്ടും അതുണ്ടാകാനുള്ള കാരണവും അതുണ്ടാക്കുന്ന അനുബന്ധ രോഗാവസ്ഥകളും വളരെ വ്യത്യസ്തവും സങ്കീർണവും ആണ്
എന്നതുകൊണ്ട് തന്നെ
ഓരോ രോഗാവസ്ഥകൾക്കും ശരിയായ വൈദ്യ നിർദ്ദേശവും ചികിത്സയും അനിവാര്യമാണ്..
