പതിവായി വിഭവങ്ങള്‍ കഴിക്കുന്നവരാണോ നിങ്ങള്‍? എങ്കില്‍ സൂക്ഷിക്കണം. ചിക്കന്‍ (Chicken) ദിവസവും കഴിക്കുന്നത് ശരീരത്തില്‍ കൊഴുപ്പും പഞ്ചസാരയും കൂടാന്‍ കാരണമാകാം. പ്രോട്ടീന്റെ മികച്ച ഉറവിടമായ കോഴിയിറച്ചി ഫിറ്റ്‌നസ് ഫ്രീക്കുകളുടെയും ആരോ?ഗ്യസംരക്ഷകരുടെയും ഡയറ്റിന്റെ പ്രധാനഭാഗമാണ്. എന്നാല്‍ അധികമായാല്‍ ഇത് ശരീരത്തില്‍ കൊഴുപ്പും കലോറിയും കൂട്ടാന്‍ കാരണമാകുമെന്നാണ് പഠനങ്ങള്‍ ചൂണ്ടിക്കാണിക്കുന്നത്.
ഒഹായോ സ്റ്റേറ്റ് സര്‍വകലാശാല നടത്തിയ ഒരു പഠനത്തില്‍ കോഴിയിറച്ചി ദിവസവും കഴിക്കുന്നത് ഹൃദ്രോഗം, കാന്‍സര്‍, പ്രമേഹ സാധ്യത വര്‍ധിപ്പിക്കുമെന്ന് വ്യക്തമാക്കുന്നു. പൂരിത കൊഴുപ്പ് കുറഞ്ഞ ഭക്ഷണമായാണ് ചിക്കനെ കരുതുന്നത്. എന്നാല്‍ അതില്‍ ചെറിയ തോതില്‍ പൂരിത കൊഴുപ്പ് അടങ്ങിയിട്ടുണ്ട്. ഇത് പതിവായി കഴിക്കുന്നത് ആരോഗ്യത്തിന് ദോഷമാണെന്നും ന്യൂട്രിയന്റ്‌സ് ജേണലില്‍ പ്രസിദ്ധീകരിച്ച പഠനത്തില്‍ പറയുന്നു.
നാഷണല്‍ ഹെല്‍ത്ത് ആന്‍ഡ് ന്യൂട്രീഷന്‍ എക്‌സാമിനേഷന്‍ സര്‍വേയില്‍ 19 വയസ്സിന് മുകളിലുള്ള 36,378 ആളുകളുടെ ഡാറ്റ വിശകലനം ചെയ്താണ് പഠനം നടത്തിയത്. പൂരിത കൊഴുപ്പ് ഒരു ദിവസത്തെ കലോറിയുടെ കുറഞ്ഞത് 12 ശതമാനം ആണെന്ന് പഠനത്തില്‍ വ്യക്തമാക്കുന്നു. കൂടാതെ പഞ്ചസാരയുടെ ഉപഭോഗം 14 ശതമാനം മുതല്‍ 16 ശതമാനം വരെ കലോറിയാണ്.
മാത്രമല്ല, ചീസ്, പിസ്സ, ഐസ്‌ക്രീം, മുട്ട എന്നിവയാണ് ശരീരത്തില്‍ പൂരിത കൊഴുപ്പ് പ്രധാനമായും സംഭാവന ചെയ്യുന്ന ഭക്ഷണങ്ങളെന്ന് പഠനം പറയുന്നു. ക്രീമിന് പകരമായി ഉപയോഗിക്കുന്ന കോള്‍ഡ് കട്ട്, ഉരുളക്കിഴങ്ങ് ചിപ്‌സ്, പാല്‍ തുടങ്ങിയവയിലും പുരിത കൊഴുപ്പിന്റെ അളവു കൂടുതലാണ്. കൂടാതെ ശീതളപാനീയങ്ങള്‍, ചായ, ഫ്രൂട്ട് ഡ്രിങ്കുകള്‍, കേക്കുകള്‍ തുടങ്ങിയവ ശരീരത്തിലെ കലോറിയും രക്തത്തിലെ പഞ്ചസാരയുടെ അളവും കൂട്ടുന്നു.തക്കാളി ചേര്‍ക്കുന്ന മസാലകള്‍, എനര്‍ജി ഡ്രിങ്കുകള്‍, യീസ്റ്റ് ബ്രെഡുകള്‍ എന്നിവയും ശരീരത്തില്‍ കലോറി വര്‍ധിപ്പിക്കുമെന്ന് പഠനം പറയുന്നു.
 ദിവസവും കഴിക്കുന്നത് ശരീരത്തില്‍ കൊഴുപ്പും പഞ്ചസാരയും കൂടാന്‍ കാരണമാകാം){kind=link}