ഷൂബൈറ്റ് ഒഴിവാക്കാനും ദുര്ഗന്ധം കുറയ്ക്കാനുമൊക്കെ ഷൂസിനൊപ്പം നമ്മള് സോക്സ് ധരിക്കാറുണ്ട്. നമ്മുടെ ചര്മവുമായി നേരിട്ട് സമ്പര്ക്കം പുലര്ത്തുന്നവയാണ് സോക്സുകള്. അതുകൊണ്ട് തന്നെ ഓരോ തവണ ഉപയോഗിക്കുമ്പോഴും സോക്സ് കഴുകി വേണം ഉപയോഗിക്കാന്.
ഒന്നിലേറെ തവണ കഴുകാത്ത സോക്സ് ധരിക്കുമ്പോള് സ്റ്റാഫൈലോകോക്കസ് ഓറിയസ്, ആസ്പര്ജില്ലസ് സ്പീഷീസുകള് പോലുള്ള ദോഷകരമായ വിവിധതരം ബാക്ടീരിയകളും ഫംഗസുകളും പെരുകാനും ആരോഗ്യപ്രശ്നങ്ങള് ഉണ്ടാക്കാനും കാരണമാകും. ചൂടും ഈര്പ്പവും നിറഞ്ഞ അന്തരീക്ഷത്തില് ഇത്തരം സൂക്ഷ്മാണുക്കള് വേഗത്തില് വളരാന് സാധ്യതയുണ്ട്.
കഴുകാത്ത സോക്സുകളില് വിയര്പ്പ് അടിഞ്ഞു കൂടി, ബാക്ടീരിയകളും ഫംഗസുകളും പെരുകാനുള്ള സാധ്യതയുണ്ട്.
കാലുകളില് ചൊറിച്ചില്, തൊലി പൊളിഞ്ഞു പോകുക, വേദനാജനകമായ കുമിളകള് എന്നിവ ഉണ്ടാകും.
ദീര്ഘനേരത്തെ ഉപയോഗം ചര്മത്തിലും കാല്വിരലുകള്ക്കും കേടുപാടുകള് വരുത്തും.
കാലിലെ മുറിവുകള് വഷളാക്കാനും ഗുരുതരമായ അണുബാധയുണ്ടാകാനും സാധ്യത.
