ഏറ്റവും വലിയ വേദനകളില്‍ ഒന്നായാണ് മൈഗ്രേയ്ന്‍ കണക്കാക്കുന്നത്. മൈഗ്രേയ്ന്‍ വന്നാല്‍ ചിലര്‍ക്ക് തലയുടെ ഒരു വശത്ത് നല്ലപോലെ വേദന അനുഭവപ്പെടുന്നത് പോലെ തോന്നാം. അതുപോലെ തന്നെ, ഛര്‍ദ്ദിക്കാന്‍ വരാന്‍, മനംപുരട്ടല്‍, ശബ്ദം താങ്ങാന്‍ പറ്റാത്ത അവസ്ഥ, വെളിച്ചം അടിച്ചാല്‍ ബുദ്ധിമുട്ട്. എന്നിങ്ങനെ പലവിധത്തിലുള്ള ശാരീരിക ബുദ്ധിമുട്ടുകള്‍ ഇവര്‍ അനുഭവിക്കാം. ചിലര്‍ക്ക് കാഴ്ച്ചയില്‍ മങ്ങല്‍ പോലും വന്നെന്ന് വരാം. ഇത്തരം നിരവധി ബുദ്ധിമുട്ടുകള്‍ ഉണ്ടാക്കുന്ന മൈഗ്രേന്‍ ഒരു വ്യക്തിയുടെ ഒരു ദിവസം തന്നെ നശിപ്പിക്കാം. നിങ്ങളുടെ പങ്കാളിയ്ക്ക് ഇത്തരത്തില്‍ മൈഗ്രേയ്ന്‍ ഉണ്ടെങ്കില്‍ നിങ്ങള്‍ ശ്രദ്ധിക്കേണ്ട കുറച്ച് കാര്യങ്ങളുണ്ട്. അവ എന്തെല്ലാമെന്ന് നോക്കാം.
ശാന്തമായ അന്തരീക്ഷം
മൈഗ്രേയ്ന്‍ വന്നാല്‍ ഒരു ചെറിയ ശബ്ദം പോലും അവര്‍ക്ക് താങ്ങാന്‍ സാധിക്കില്ല. ശബ്ദങ്ങള്‍ അവരുടെ വേദനയും അസ്വസ്ഥതയും വര്‍ദ്ധിപ്പിക്കും. അതിനാല്‍, ശാന്തമായ അന്തരീക്ഷം അവര്‍ക്ക് ഒരുക്കി കൊടുക്കാന്‍ ശ്രദ്ധിക്കുക. പ്രത്യേകിച്ച് അവരുടെ ചെവിയിലേയ്ക്ക് ശബ്ദം എത്തുന്ന വിധത്തില്‍ ഒന്നും ചെയ്യരുത്. അവരുടെ റൂം അടച്ചിടാം. അതുപോലെ തന്നെ അവര്‍ കിടക്കുന്ന റൂമില്‍ അധികം ശല്യം ചെയ്യാന്‍ പോകരുത്. പ്രത്യേകിച്ച് കുട്ടികളെ ആ റൂമിലേയ്ക്ക് അധികം കടത്തി വിടാതിരിക്കാന്‍ ശ്രദ്ധിക്കുക. ടിവിയുടെ ശബ്ദം കുറച്ച് വെച്ച് കേള്‍ക്കാന്‍ ശ്രദ്ധിക്കുക. ഇങ്ങനെ അവരെ ശല്യം ചെയ്യാതെ അവര്‍ക്ക് വിശ്രമിക്കാനുള്ള ശാന്തമായ അന്തരീക്ഷം ഒരുക്കാം
വെളിച്ചം
മൈഗ്രേയ്ന്‍ വന്നാല്‍ ശബ്ദം പോലെ തന്നെ വെളിച്ചവും ഇവര്‍ക്ക് താങ്ങാന്‍ സാധിക്കുകയില്ല. ചെറിയ വെളിച്ചം പോലും ഇവര്‍ക്ക് അസ്വസ്ഥത ഉണ്ടാക്കും.അതിനാല്‍ നിങ്ങളുടെ പങ്കാളി മൈഗ്രേയ്ന്‍ വന്ന് ഇരിക്കുമ്പോള്‍ ജനാലയുടെ കര്‍ട്ടന്‍നീക്കി ഇടാവുന്നതാണ.് അതുപോലെ ഫോണ്‍ എന്നിവ അടുത്ത് നിന്നും മാറ്റുക. റൂമിലെ വെളിച്ചം അണയ്ക്കുക. വാതില്‍ പുറത്ത് നിന്നും വെളിച്ചംം കയറാത്ത വിധത്തില്‍ ചാരി ഇടാം. അതുപോലെ റൂമിന് ചുറ്റിലും വെളിച്ചം അധികം വരാതെ ശ്രദ്ധിക്കുക. ഇതെല്ലാം അവര്‍ക്ക് മൈഗ്രേയ്നില്‍ നിന്നും കുറച്ച് ആശ്വാസം ലഭിക്കാന്‍ സഹായിക്കുന്നതാണ്.
വിശ്രമം
മൈഗ്രേയ്ന്‍ വന്നാല്‍ നല്ലപോലെ വിശ്രമിക്കുക. അത് സ്ത്രീകളായാലും പുരുഷന്മാരായാലും വശ്രമിക്കേണ്ടത് അനിവാര്യമാണ്. നല്ലപോലെ ശരീരത്തിന് വിശ്രമം കൊടുത്താല്‍ മാത്രമാണ് അവരുടെ തലയില്‍ വരുന്ന സ്ട്രെസ്സ് കുറയ്ക്കാന്‍ സാധിക്കുക.
അതുപോലെ തന്നെ ടെന്‍ഷന്‍ കുറയ്ക്കാനും ഇത് വളരെയധികം സഹായിക്കുന്നു. അതുപോലെ തന്നെ ഇവര്‍ക്ക് നല്ല ഉറക്കം ലഭിക്കേണ്ടതും വളരെ അനിവാര്യമാണ്. നല്ല ഉറക്കം ലഭിച്ചാല്‍ മാത്രമാണ് ഫ്രീയായി ഇരിക്കാനും വേദനയില്‍ നിന്നും ആശ്വാസം നേടാനും സാധിക്കുക. അതുപോലെ തന്നെ മൈഗ്രേയ്ന്‍ ഉള്ള സമയത്ത് യാത്രകള്‍ ഒഴിവാക്കുന്നതാണ് നല്ലത്.
വെയില്‍ കൊള്ളുന്നത്
പുറത്തേയ്ക്ക് ഇറങ്ങിയാല്‍ കുട ചൂടുന്നത്, അല്ലെങ്കില്‍ മറ്റെന്തിങ്കിലും ഉപയോഗിച്ച് വെയിലില്‍ നിന്നും സംരക്ഷണം തേടുന്നത് നല്ലതാണ.് ഇത് മൈഗ്രേയ്ന്‍ വരുന്നത് കുറയ്ക്കാന്‍ സഹായിക്കും. അതുപോലെ തന്നെ കൂളിംഗ് ഗ്ലാസ്സ് ധരിക്കുന്നത് കണ്ണിലേയ്ക്ക് അമിതമായി ചൂട് തട്ടുന്നത് കുറയ്ക്കാനും അതിലൂടെ മൈഗ്രേയ്ന്‍ വരാതിരിക്കാനും സഹായിക്കും
ആഹാരം
നല്ലപോലെ വെള്ളം കുടിക്കാന് ശ്രദ്ധിക്കുക. ബോഡി ഡ്രൈയായി പോകാന്‍ അനുവദിക്കരുത്. അതുപോലെ തന്നെ നല്ല ഹെല്‍ത്തി ഫുഡ് കഴിക്കുന്നത് വളരെ നല്ലതാണ്. മധുരം ഉപ്പ്, എരിവ് എന്നിവ അടങ്ങിയ ആഹാരങ്ങള്‍ അമിതമായി കഴിക്കാതിരിക്കാനും ശ്രദ്ധിക്കുക. പഴം പച്ചക്കറികള്‍ കഴിക്കുന്നതും, മനസ്സ് ശാന്തമാക്കുന്നതും സ്ട്രെസ്സ് കുറയ്ക്കുന്നതുമായ ആഹാരങ്ങള്‍ കഴിക്കുന്നതും നല്ലതാണ്. അതുപോലെ തന്നെ വീട്ടില്‍ റിഫ്രഷിംഗ് ഫീല്‍ നല്‍കുന്ന മണം നിലനിര്‍ത്താം. കുത്തി കയറുന്ന മണങ്ങള്‍ തലവേദന വര്‍ദ്ധിപ്പിക്കും.
