ലോകത്ത് പ്രതിവര്‍ഷം റോഡ് അപകടങ്ങളില്‍ മരണമടയുന്നവര്‍ ഏകദേശം 11.9 ലക്ഷം. പരുക്കേല്‍ക്കുന്നവരുടെ സംഖ്യ 2 മുതല്‍ 5 കോടി വരെ. ലോകത്തെ 92% റോഡ് അപ കട മരണങ്ങളും അവികസിത-വികസ്വര രാജ്യങ്ങളിളാണ് എന്നതാണ് ഏറെ ആശങ്ക.. 5 – 29 പ്രായമുള്ളവരുടെ മരണങ്ങളില്‍ മുഖ്യകാരണം റോഡ് അപകടങ്ങളാണ്.. മരിക്കുന്നവരില്‍ മൂന്നില്‍ രണ്ട് പേര്‍ 18 – 59 പ്രായക്കാരാണ്. മരണസാധ്യത പുരുഷന്മാരില്‍ മൂന്നിരട്ടി കൂടുതലാണ്.മരണമടയുന്നവരില്‍ പകുതിയിലേറെയും വഴിയാത്ര ക്കാരും ഇരുചക്രവാഹന സഞ്ചാരികളുമാണ്.
റോഡ് അപകടങ്ങള്‍ക്ക് മുഖ്യകാരണങ്ങള്‍
. അമിതവേഗം. (സുര’ക്ഷിത വേഗത്തിനപ്പുറം 1% വേഗം വര്‍ധിക്കുന്നത് അപകടസാധ്യത 4% വരെ കൂട്ടുന്നു)
. ലഹരി ഉപയോഗം (മദ്യം, ലഹരിമ രുന്ന് തുടങ്ങിയവ ഉപയോഗിച്ചുള്ള ഡ്രൈവിങ്)
. ഹെല്‍മറ്റ്, സീറ്റ് ബെല്‍റ്റ് തുടങ്ങിയവ ഉപയോഗിക്കാത്തത് (ഹെല്‍മറ്റ് ഉപയോഗിക്കുന്നത് അപകടങ്ങളില്‍ തലച്ചോറിനു പരുക്കേല്‍ക്കാനുള്ള സാധ്യത 74% വരെയും സീറ്റ് ബെല്‍റ്റ് :ഉപയോഗിക്കുന്നതു മര ണസാധ്യത 50% വരെയും കുറയ്ക്കും)
. ശ്രദ്ധ മാറുന്നത് (മൊബൈല്‍ ഫോണ്‍ ഉപയോഗമാണ് ഇതില്‍ ഏറെ വില്ലനാകുന്നത്. ഫോണ്‍ ഉപയോഗിച്ചു വാഹനമോടിക്കുന്നയാള്‍: അങ്ങനെ ചെയ്യാത്ത ഡ്രൈവറെ ക്കാള്‍ അപകടത്തില്‍പ്പെടാനുള്ള സാധ്യത 4 ഇരട്ടി)
സുരക്ഷിതമല്ലാത്ത ഗതാഗത സൗകര്യങ്ങള്‍ (റോഡ് നിര്‍മാണത്തിലെ അപര്യാപ്തതകളും കാല്‍ നടക്കാര്‍, സൈക്കിള്‍ യാത്രക്കാര്‍ തുടങ്ങിയവര്‍ക്കു പ്രത്യേക പാത ഇല്ലാത്തതും )
. സുരക്ഷിതമല്ലാത്ത വാഹനങ്ങള്‍ (സുരക്ഷാസംബന്ധമായി പൂര്‍ണതയില്ലാതെ നിര്‍മിക്കുന്ന വാഹനങ്ങള്‍ )
- അപകടാനന്തര രക്ഷാപ്രവര്‍ത്തനത്തിലെ അപാകതകള്‍ (അപകടത്തില്‍പ്പെട്ടവരെ കൃത്യമായും ശാസ്ത്രീയമായും ചികിത്സിക്കാനുള്ള
സൗകര്യങ്ങള്‍, സാഹചര്യങ്ങള്‍ എന്നിവയുടെ അപര്യാപ്തത)
- ഗതാഗതനിയമങ്ങള്‍ നടപ്പാക്കുന്നതിലെ പോരായ്മകള്‍ (വേഗം,സുരക്ഷ തുടങ്ങിയവയില്‍ ഗതാഗതനിയമങ്ങള്‍ കര്‍ശനമായി നടപ്പാക്കാത്തത്).
