തലച്ചോറിന്‍റെ ആരോഗ്യം സംരക്ഷിക്കാന്‍ വേണ്ട പോഷകങ്ങള്‍

ഓര്‍മ്മശക്തി കൂട്ടാനും തലച്ചോറിന്‍റെ ആരോഗ്യം സംരക്ഷിക്കാനും പോഷകങ്ങള്‍ അടങ്ങിയ ഭക്ഷണങ്ങള്‍ കഴിക്കേണ്ടത് പ്രധാനമാണ്. തലച്ചോറിന്‍റെ ആരോഗ്യം സംരക്ഷിക്കാന്‍ വേണ്ട പോഷകങ്ങള്‍ എന്തൊക്കെയാണെന്ന് നോക്കാം.

1. ഒമേഗ 3 ഫാറ്റി ആസിഡ്

ഒമേഗ 3 ഫാറ്റി ആസിഡ് അടങ്ങിയ ഭക്ഷണങ്ങള്‍ കഴിക്കുന്നത് ഓര്‍മ്മശക്തി കൂട്ടാനും തലച്ചോറിന്‍റെ ആരോഗ്യം സംരക്ഷിക്കാനും സഹായിക്കും. ഇതിനായി ഫാറ്റി ഫിഷ്, ചിയാ സീഡ്, ഫ്ലക്സ് സീഡ്, വാള്‍നട്സ് തുടങ്ങിയവ ഡയറ്റില്‍ ഉള്‍പ്പെടുത്തുക.

2. ബി വിറ്റാമിനുകള്‍

ബി വിറ്റാമിനുകളായ ബി6, ബി12, അതുപോലെ ഫോളേറ്റ് തുടങ്ങിയവയും തലച്ചോറിന്‍റെ ആരോഗ്യം സംരക്ഷിക്കാന്‍ സഹായിക്കും. ഇതിനായി ചീര പോലെയുള്ള ഇലക്കറികള്‍, പയറുവര്‍ഗങ്ങള്‍, ബീന്‍സ്, മുട്ട, പാലുല്‍പ്പന്നങ്ങള്‍ തുടങ്ങിയവ ഡയറ്റില്‍ ഉള്‍പ്പെടുത്താം.

3. ആന്‍റി ഓക്സിഡന്‍റുകള്‍

വിറ്റാമിന്‍ സി, ഇ തുടങ്ങിയ ആന്‍റി ഓക്സിഡന്‍റുകള്‍ അടങ്ങിയ ഭക്ഷണങ്ങള്‍ കഴിക്കുന്നതും തലച്ചോറിന് ഗുണം ചെയ്യും. ഇതിനായി ബെറി പഴങ്ങള്‍, സിട്രസ് പഴങ്ങള്‍, നട്സ്, പച്ചക്കറികള്‍, ഗ്രീന്‍ ടീ തുടങ്ങിയവ ഡയറ്റില്‍ ഉള്‍പ്പെടുത്താം.

4. വിറ്റാമിന്‍ കെ

ചീര, ബ്രൊക്കോളി, മുട്ട, പച്ചക്കറികള്‍ തുടങ്ങിയ വിറ്റാമിന്‍ കെ അടങ്ങിയ ഭക്ഷണങ്ങളും തലച്ചോറിന്‍റെ ആരോഗ്യം സംരക്ഷിക്കാന്‍ സഹായിക്കും.

5. മഗ്നീഷ്യം

നട്സ്, മത്തങ്ങാ വിത്ത്, മുഴു ധാന്യങ്ങള്‍, ഇലക്കറികള്‍ തുടങ്ങിയ മഗ്നീഷ്യം അടങ്ങിയ ഭക്ഷണങ്ങള്‍ കഴിക്കുന്നതും തലച്ചോറിന്‍റെ ആരോഗ്യം സംരക്ഷിക്കാന്‍ ഗുണം ചെയ്യും.

6. പ്രോട്ടീന്‍

തലച്ചോറിന്‍റെ ആരോഗ്യം സംരക്ഷിക്കാന്‍ പ്രോട്ടീന്‍ അടങ്ങിയ ഭക്ഷണങ്ങള്‍ കഴിക്കുന്നതും നല്ലതാണ്. ഇതിനായി ചിക്കന്‍, മുട്ട, പാല്‍ തുടങ്ങിയവ ഡയറ്റില്‍ ഉള്‍പ്പെടുത്താം.

7. ആരോഗ്യകരമായ കൊഴുപ്പ്

ഒലീവ് ഓയില്‍, നട്സ്, സീഡുകള്‍, അവക്കാഡോ, ഫാറ്റി ഫിഷ് തുടങ്ങിയ ആരോഗ്യകരമായ കൊഴുപ്പ് അടങ്ങിയ ഭക്ഷണങ്ങള്‍ കഴിക്കുന്നതും തലച്ചോറിന്‍റെ ആരോഗ്യം സംരക്ഷിക്കാന്‍ സഹായിക്കും.

8. നാരുകള്‍

നാരുകള്‍ അടങ്ങിയ ഭക്ഷണങ്ങള്‍, മുഴുധാന്യങ്ങള്‍ തുടങ്ങിയവയും തലച്ചോറിന് ഗുണം ചെയ്യും. ഇതിനായി ഓട്സ്, ബ്രൌണ്‍ റൈസ്, മില്ലറ്റ് തുടങ്ങിയവ കഴിക്കാം.