കൊച്ചി : യുട്യൂബ് വിഡിയോകളും സിനിമയും മറ്റും കാണുന്നവരില് ഭൂരിപക്ഷവും ടിവിയിലെന്ന് റിപ്പോര്ട്ട്. മൊബൈല് ഫോണില് ഇവ കണ്ടിരുന്ന വലിയൊരു വിഭാഗം ടിവിയിലേക്കു മടങ്ങിവ രുന്നതായി യുട്യൂബിന്റെ വാര്ഷിക അനലറ്റിക്കല് റിപ്പോര്ട്ട് വ്യക്തമാക്കുന്നു. കടകളില് ടിവി സെറ്റുകളുടെ വില്പനയും കൂടിയിട്ടുണ്ട്. ക്രിക്കറ്റ് ലോകകപ്പ് വന്നതോടെ 20% വളര്ച്ചയാണ് ടി വില്പനയിലുണ്ടായത്.
വിഡിയോ കാഴ്ചക്കാരില് 90% ഏതാനും വര്ഷം മുന്പുവരെ ഫോണിലായിരുന്നു കണ്ടിരുന്നത്. അക്കാലത്ത് വിഡിയോകളുടെറസല്യൂഷനും നിലവാരവും കുറവായിരുന്നു. ടിവിയില് 7%-8% പേര് മാത്രമാണു വിഡിയോകള് കണ്ടത്. എന്നാല് പിന്നീട് ഉയര് ന്ന റസല്യൂഷനും വിഷ്വല് നില വാരവുമുള്ള വിഡിയോകള് വന്നതോടെ കാഴ്ച ടിവിയിലേക്കോവലിയ സ്ക്രീനുകളിലേക്കോ മാറി. മൊബൈലില് കാണുന്നവരുടെ എണ്ണം കുറയാന് തുടങ്ങി.
നിലവില് 68% പേര് മാത്രമേ മൊബൈലില് ഇവ കാണുന്നുള്ളൂ. ടിവിയില് കാണുന്നവരുടെ എണ്ണം 24.6% വരെ എത്തിയിട്ട് വീണ്ടും ഉയരുന്ന ട്രെന്ഡാണു കാണിക്കുന്നത്. ഇതു മനസ്സിലാക്കി യതോടെ യുട്യൂബ് ഉള്പ്പെടെ പ്രമുഖ വിഡിയോ കണ്ടന്റ് കമ്പനികളെല്ലാം 4കെ വിഡിയോകള് വേണമെന്നു നിഷ്കര്ഷി ക്കുന്നുണ്ട്. ഗൂഗിളിന്റെ ആന്ഡ്രോയ്ഡ് 17 പുറത്തിറങ്ങിയപ്പോള് വലിയ സ്ക്രീനിന് ഇണങ്ങുന്ന റസല്യൂഷനില് കൂടിആപ്പുകള് വേണമെന്നും നിര്ബന്ധമാക്കി.
ഡോള്ബി അറ്റ്മോസ് ശബ്ദനിലവാരം പാട്ടുകളിലും സംഗീത പരിപാടികളിലും ഏര്പ്പെടുത്തി ത്തുടങ്ങിയിട്ടുമുണ്ട്.ഒടിടിയില് സിനിമ കാണുന്ന അതേ ഡോള്ബി സൗണ്ടില് യു ട്യൂബ് സംഗീത വിഡിയോകള് കാണാം. ടിവിയിലെ പാട്ട് കുടുംബം ഒന്നാകെ കാണുന്നതിനാല് ചെറുപ്പക്കാരിലും പ്രായമായവരിലും ഒരുപോലെ പഴയതും പുതിയതുമായ പാട്ടുകള് ചെന്നെത്തുന്നു.
കംപ്യൂട്ടറില് വിഡിയോ കാണുന്നവര് 5.3%, ടാബില്കാണുന്നവര് 1.8% എന്നിങ്ങനെ ചുരുങ്ങി. യുട്യൂബ് കാണുന്നവരില് 25-34 പ്രായക്കാരാണു ഭൂരിപക്ഷം- 41% പേര്. 35 മുതല് 44 വരെ പ്രായ ക്കാര് 22%. 45-54 പ്രായക്കാര് 9%, ബാക്കി പ്രായക്കാരെല്ലാം ചേര്ന്നാലും കഷ്ട്ടിച്ച് 9% മാത്രം.
