കണ്ണിനടിയിലെ കറുപ്പിനെയും മുഖത്തെ കരുവാളിപ്പും അകറ്റുമെന്ന് അവകാശപ്പെടുന്ന പലതരത്തിലുള്ള ക്രീമുകള് ഇന്ന് വിപണിയില് ലഭ്യമാണ്. എന്നാല് ഇത്തരത്തിലുള്ള ക്രീമുകളേക്കാള് ഉപകാരപ്രദമായ പ്രകൃതിദത്തമായ പ്രതിവിധിയാണ് തൈര്. മുഖത്തെ എല്ലാ പ്രശ്നങ്ങള്ക്കും പരിഹാരമായി ഉപയോഗിക്കാവുന്ന ഒന്നാണ് വീടുകളില് സുലഭമായി കണ്ടുവരുന്ന ഈ വിഭവം . വരണ്ട ചര്മ്മക്കാര്ക്ക് അടക്കം എല്ലാ തരത്തിലുമുള്ല ചര്മ്മമുള്ളവര്ക്കും പാര്ശ്വഫലങ്ങള് ഭയക്കാതെ ഉപയോഗിക്കാം എന്നതാണ് തൈരിനെ മുഖസംരക്ഷണത്തില് വേറിട്ട് നിര്ത്തുന്നത്. മുഖം മിനുക്കാനും കരുവാളിപ്പുകളും പാടുകളും മാറ്റാനുമായി
തൈരിനെ എങ്ങനെ ഉപയോഗിക്കാം
തൈരും റോസ് വാട്ടറും
തൈര് പനിനീരുമായി കലര്ത്തിയ ശേഷം മുഖത്ത് പുരട്ടുക. 15 മിനിറ്റിന് ശേഷം ഈ മാസ്ക് ചെറുചൂടുള്ള വെള്ളത്തില് കഴുകി കളയാവുന്നതാണ്. അതിന് ശേഷം മുഖത്ത് മോസ്ചറൈസര് പുരട്ടാനും ശ്രദ്ധിക്കുക
തൈരും ഒലിവ് ഓയിലും
മൂന്ന് സ്പൂണ് തൈരും അതിനോടൊപ്പം ഒരു സ്പൂണ് ഒലിവ് ഓയിലും ചേര്ത്ത് പേസ്റ്റ് രൂപത്തിലാക്കുക. ഈ പേസ്റ്റ് മുഖത്ത് നന്നായി തേച്ച് പിടിപ്പിച്ച്കൊണ്ട് മസാജ് ചെയ്യുക. 15-20 മിനിറ്റിന് ശേഷം കഴുകിക്കളയുക. മുഖത്തെ ചുളിവുകള് മാറ്റി പ്രായം കുറച്ചു കാണിക്കുന്ന ഒരു ഡീഏജിംഗ് ഫേസ് പാക്കാണ് ഇത്.
മുട്ടയും കടലമാവും
ഒരു മുട്ടയുടെ വെള്ള, ഒരു ടീസ്പൂണ് കടലമാവ്, ഒരു ചെറിയ പഴം, രണ്ട് ടീസ്പൂണ് തൈര് എന്നിവ നന്നായി കൂട്ടിച്ചേര്ത്ത് മിശ്രിതമാക്കി മാറ്റുക. ഇങ്ങനെ തയ്യാറാക്കിയ ഫേസ്പാക്ക് ദിവസവും ഉപയോഗിക്കാവുന്നതാണ്. മുഖത്തെ സ്വാഭാവിക നിറം വീണ്ടെടുക്കാനും തിളക്കം വര്ദ്ധിപ്പിക്കാനും ഇത് ഏറെ സഹായകരമാണ്.
