ചിലര്‍ ഉറക്കത്തിലായിരിക്കും എന്നാല്‍, ഇവര്‍ക്ക് സ്വയം തങ്ങള്‍ കണ്ണ് തുറന്നിരിക്കുന്നതായും എന്നാല്‍ അനങ്ങുവാന്‍ പറ്റാത്ത അവസ്ഥയും അനുഭവപ്പെടാറുണ്. ഉറങ്ങുവാന്‍ കിടന്നു പക്ഷേ, ഉറക്കത്തില്‍ ആരോ അടുത്തേയ്ക്ക് വരുന്നതായി തോന്നുകയും എന്നാല്‍ നിങ്ങള്‍ക്ക് ഒട്ടും അനങ്ങുവാനോ എണീക്കുവാനോ പറ്റാത്ത അവസ്ഥ ഉണ്ടാകുവാറുണ്ട്. കണ്ണ് തുറന്ന് കിടക്കുന്നതായി തോന്നും തോന്നും പക്ഷേ, ഒന്നിനും സാധിക്കാത്ത അവസ്ഥ. ഇത്തരത്തില്‍ ഉറക്കത്തില്‍ അനുഭവപ്പെടുന്ന അവസ്ഥയാണ് സ്ലീപ് പരാലിസീസ്.
എന്തുകൊണ്ടാണ് സ്ലീപ് പാരാലിസീസ് ഉണ്ടാകുന്നത്?
സ്ലീപ് റിസര്‍ച്ചേഴ്സിന്റെ അഭിപ്രായത്തില്‍ സ്ലീപ് പാരാലിസീസ് എന്ന് പറയുന്നത് ഉറക്കത്തില്‍ ആവശ്യത്തിന് അനക്കം ലഭിക്കാതിരിക്കുമ്പോഴാണ് ഇത്തരത്തില്‍ ഉണ്ടാകുന്നത് എന്നാണ്. ചില അവസരങ്ങളില്‍ ഇത്തരം പ്രതിഭാസം മാനസികമായിട്ടുള്ള പ്രശ്ങ്ങളാലും ഉണ്ടാകാം. അതുപോലെ ചില സമയത്ത് പേടിച്ച് കിടന്നാലും ഇത്തരം അവസ്ഥ കണ്ടുവരുന്നുണ്ട്.
കൃത്യമായി പറയുകയാണെങ്കില്‍ നമ്മള്‍ കോണ്‍ഷ്യസ് ആയിരിക്കുകയും എന്നാല്‍ അതേസമയം അനങ്ങുവാന്‍ സാധിക്കാത്ത അവസ്ഥയിലായിരിക്കുന്നതുമാണ് സ്ലീപ് പാരാലിസീസ് എന്ന് പറയുന്നത്. ഈ അവസ്ഥയില്‍ ആയിരിക്കുന്ന ഒരു വ്യക്തിയ്ക്ക് അനങ്ങുവാനോ ചലിക്കുവാനോ സാധിക്കുകയില്ല. മാത്രവുമല്ല, ചില ആളുകളില്‍ വളരെയധികം പ്രഷറും അസ്വസ്ഥതയും ഇതുവഴി അനുഭവപ്പെടാറുണ്ട്. കൃത്യമായി ഉറക്കം ലഭിക്കാതിരിക്കുന്ന അവസരങ്ങളില്‍ അല്ലെങ്കില്‍ ഉണരാറാകുമ്പോഴെല്ലാമാണ് ഇത്തരം പ്രതിഭാസം സംഭവിക്കുന്നത്.
ആരിലെല്ലാമാണ് ഈ അവസ്ഥ പ്രധാനമായും കണ്ടുവരുന്നത്?
പത്ത് ആളുകളെ എടുത്താല്‍ അതില്‍ നാല് ആളുകള്‍ക്കെങ്കിലും സ്ലീപ് പരാലിസീസ് ഉണ്ടാകാറുണ്ട്. അത് സാധാരണയായി കണ്ടുവരുന്നത് ചെറുപ്പക്കാരിലാണ്. ചിലപ്പോള്‍ കുടുംബത്തില്‍ ആര്‍ക്കെങ്കിലും ഇത്തരം പ്രശ്നം ഉണ്ടായിരുന്നിട്ടുണ്ടെങ്കില്‍ അതും നിങ്ങളെ ബാധിക്കാം.
നന്നായി ഉറക്കം ലഭിക്കാത്തവരില്‍ ഇത്തരം അവസ്ഥ സാധാരണയായി കണ്ടുവരുന്നുണ്ട്. ചിലര്‍ക്ക് രാത്രിയില്‍ അധികസമയം ഉറങ്ങുവാന്‍ സാധിക്കാറില്ല. ഇത്തരക്കാര്‍ക്ക് സ്ലീപ് പരാലിസീസ് വരുവാനുള്ള സാധ്യതയും കൂടുതലാണ്. അതുപോലെ സാധാരണ കിടന്നുറങ്ങുന്ന സമയം മാറി പല സമയങ്ങളിലായി കിടന്നുറങ്ങുന്നതും സ്ലീപ് പരാലിസീസ് ഉണ്ടാകുന്നതിന് കാരണമാകുന്നു.
ചിലരില്‍ മാനസികസമ്മര്‍ദ്ദം കൂടുന്നതായി പലപ്പോഴും കണ്ടുവരാറുണ്ട്. ഇത്തരക്കാരിലും ഇത്തരം പ്രശ്നങ്ങള്‍ സ്വാഭാവികമായി ഉണ്ടാകാം. അതുപോലെ ബൈപോളാര്‍ കണ്ടീഷന്‍ ഉള്ളവരിലും സ്ലീപ് പരാലിസീസ് കണ്ടുവരുന്നു.
ചിലര്‍ നേരെ വടി പോലെ കിടന്നുറങ്ങുന്നവരുണ്ട്. ചിലര്‍ പേടിക്കുമ്പോള്‍ ഇത്തരത്തില്‍ അനങ്ങാതെ കിടക്കുന്നവരാകാം. ഇത്തരത്തില്‍ മലര്‍ന്ന് കിടന്നുറങ്ങുന്നവരാണ് പ്രധാനമായും സ്ലീപ് പരാലിസീസ് ഉള്ളവരായി കണ്ടുവരുന്നതെന്നാണ് പറയപ്പെടുന്നത്. അതുപോലെ ചിലര്‍ അമിതമായി ഉറങ്ങുന്നത് കാണാം അതുപോലെ ഒന്ന് കണ്ണടയ്ക്കുമ്പോഴേയ്ക്കും സ്വപ്നം കാണുന്നവരും ഉണ്ട്. ഇത്തരക്കാരില്‍ ഈ അവസ്ഥ ഉണ്ടാകുവാന്‍ സാധ്യതകളേറെയാണ്.
ചില രോഗങ്ങള്‍ക്ക് നല്ല ഡോസ് കൂട്ടി മരുന്ന് കഴിക്കുന്നവരില്‍ ഇത്തരം സ്ലീപ് പരാലിസീസ് കണ്ടുവരാറുണ്ട്. ഈ അസുഖം ഉള്ളവര്‍ ഭയപ്പെടേണ്ട ആവശ്യമില്ല. കാരണം ഇത് മിക്കവരിലും കണ്ടുവരുന്ന ഒരു പ്രതിഭാസമാണ്. അതുപോലെ ഇത്തരം അവസ്ഥയ്ക്കുശേഷം നല്ല ക്ഷീണം അനുഭവപ്പെടുന്നുണ്ടെങ്കിലും ഒരു ഡോക്ടറെ കാണാവുന്നതാണ്.
സ്ലീപ് പരാലിസീസ് വരാതിരിക്കുവാന്‍ എന്തെല്ലാം ചെയ്യാം?
നന്നായി ഉറങ്ങുവാന്‍ ശ്രമിക്കുക. അതായത്, കൃത്യമയത്ത് എന്നും കിടന്നുറങ്ങുന്നത് ഈ പ്രതിഭാസം അനുഭവപ്പെടാതിരിക്കുവാന്‍ സഹായിക്കും. അതുപോലെ എന്തെങ്കിലും മെന്റല്‍ ഹെല്‍ത്ത് പ്രശ്നങ്ങള്‍ ഉണ്ടെങ്കില്‍ അത് ഒരു ഡോക്ടറെ കണ്ട് കൃത്യമായ ചികിത്സ തേടുന്നത് നല്ലതായിരിക്കും.
