ഇന്ത്യയിലെ മദ്യപാനത്തെക്കുറിച്ച് പറയുമ്പോൾ, അത് പുരുഷന്മാർ ആസ്വദിക്കുന്ന ഒന്നായിട്ടാണ് പൊതുവെ കാണപ്പെട്ടിരുന്നത്. എന്നാൽ ഇന്ന് അത് അങ്ങനെയല്ല. 2019 നും 2021 നും ഇടയിൽ നടത്തിയ ദേശീയ കുടുംബാരോഗ്യ സർവേ (NFHS-5) അനുസരിച്ച്, നിരവധി സംസ്ഥാനങ്ങളിൽ പുരുഷന്മാരേക്കാൾ കൂടുതൽ സ്ത്രീകൾ ആണ് മദ്യപിക്കുന്നത്.
ഈ മാറ്റത്തിന് പിന്നിൽ ഗോത്ര-സാംസ്കാരിക പാരമ്പര്യങ്ങൾ, നഗര ശീലങ്ങൾ, സ്ത്രീകളുടെ വർദ്ധിച്ചുവരുന്ന സ്വാതന്ത്ര്യം എന്നിവ ഉൾപ്പെടെ നിരവധി കാരണങ്ങളുണ്ട്. പല ഗോത്ര ഭൂരിപക്ഷ സംസ്ഥാനങ്ങളിലും, മദ്യം ഒരു സാമൂഹിക മാനദണ്ഡമാണ്, മാത്രമല്ല ഒത്തുചേരലുകളിലും ഇവ സാധാരണയായി വിളമ്പാറുണ്ട്. നഗരപ്രദേശങ്ങളിൽ, മാറിക്കൊണ്ടിരിക്കുന്ന ലിംഗപരമായ റോളുകളും ആഗോള സ്വാധീനങ്ങളും കൂടുതൽ സ്ത്രീകളും മദ്യപാനം അവരുടെ ജീവിതശൈലിയുടെ ഭാഗമായി സ്വീകരിക്കുന്നതിന് കാരണമായിട്ടുണ്ട്.
അരുണാചൽ പ്രദേശ്
മദ്യപിക്കുന്നവരുടെ സ്ത്രീകളുടെ എണ്ണത്തിൽ ഏറ്റവും മുന്നിൽ അരുണാചൽ പ്രദേശ് ആണ്, 24.2% ആണ് ഇവിടുത്തെ സ്ത്രീകൾ മദ്യപിക്കുന്നത്. സാമൂഹികവും സാംസ്കാരികവുമായ ആചാരങ്ങളിൽ അതിഥികൾക്ക് മദ്യം വിളമ്പുന്നത് ഇവിടെ സാധാരണമാണ്.
സിക്കിം
സിക്കിമിൽ 16.2% സ്ത്രീകളും മദ്യം ഉപയോഗിക്കുന്നവരാണ്. മില്ലറ്റ് ബിയറായ ചാങ് പോലുള്ള ഭവനങ്ങളിൽ നിർമ്മിച്ച പാനീയങ്ങൾക്ക് സിക്കിം പ്രശസ്തമാണ്.
അസം
അസമിലെ 7.3% സ്ത്രീകളാണ് മദ്യം സേവിക്കുന്നത്. ഗോത്ര വിഭാഗങ്ങൾക്ക് മദ്യം ഉണ്ടാക്കുന്നതിലും കുടിക്കുന്നതിലും പുരാതനമായ സംസ്കാരങ്ങളുണ്ട്, വിസ്കി ആണ് ഇവിടുത്തെ ജനപ്രിയ ഐറ്റം.
തെലങ്കാന
തെലങ്കാനയിലെ സ്ത്രീകളിൽ 6.7% പേർ മദ്യം ഉപയോഗിക്കുന്നുണ്ട്. രസകരമെന്നു പറയട്ടെ, മദ്യ ഉപഭോഗത്തിൽ നഗരപ്രദേശങ്ങളിലെ സ്ത്രീകളെക്കാൾ ഗ്രാമീണ സ്ത്രീകൾ മുന്നിലാണ്. വിസ്‌കിയും ബിയറും ആണ് ഇഷ്ടപ്പെട്ട അവർക്ക് ഏറ്റവും പ്രിയം.
ജാർഖണ്ഡ്
ഇവിടെ, പ്രധാനമായും ഗോത്ര മേഖലകളിൽ 6.1% സ്ത്രീകൾ മദ്യം ഉപയോഗിക്കുന്നവരാണ്. ചില സമയങ്ങളിൽ സ്ത്രീകൾ ഉപജീവനമാർഗ്ഗമായി പോലും മദ്യം വിൽക്കുന്നുണ്ടെന്ന് ഒരു പഠനം സൂചിപ്പിക്കുന്നു.
