പോളിസിസ്റ്റിക് ഓവറി സിൻഡ്രോം (PCOS) ഇന്ന് സ്ത്രീകളിൽ വ്യാപകമായി കണ്ടുവരുന്ന ഹോർമോൺ സംബന്ധമായ ആരോഗ്യപ്രശ്നമാണ്. ക്രമരഹിതമായ ആർത്തവം, ശരീരഭാരം വർധിക്കൽ, മുഖക്കുരു, അമിത രോമവളർച്ച, ഗർഭധാരണത്തിലെ ബുദ്ധിമുട്ടുകൾ എന്നിവയ്ക്ക് പിസിഒഎസ് കാരണമാകാം. മരുന്നുകൾക്കൊപ്പം ആരോഗ്യകരമായ ഭക്ഷണക്രമവും ജീവിതശൈലിയിലെ മാറ്റങ്ങളും രോഗലക്ഷണങ്ങൾ നിയന്ത്രിക്കാൻ സഹായിക്കുമെന്ന് വിദഗ്ധർ പറയുന്നു.
പഞ്ചസാര കൂടുതലുള്ള മധുരപലഹാരങ്ങൾ, ശീതളപാനീയങ്ങൾ, വൈറ്റ് ബ്രെഡ്, കേക്ക്, പേസ്ട്രി, ഫ്രഞ്ച് ഫ്രൈസ്, അമിതമായി പ്രോസസ്സ് ചെയ്ത ഭക്ഷണങ്ങൾ, ട്രാൻസ് ഫാറ്റ് കൂടുതലുള്ള ഫാസ്റ്റ് ഫുഡുകൾ എന്നിവ പരമാവധി ഒഴിവാക്കുന്നതാണ് നല്ലത്. ഇവ രക്തത്തിലെ പഞ്ചസാരയുടെ അളവ് വേഗത്തിൽ ഉയർത്തുകയും ഇൻസുലിൻ പ്രതിരോധം വർധിപ്പിക്കാനും ഇടയാക്കും.
അതേസമയം, ഇലക്കറികൾ, വിവിധ പച്ചക്കറികൾ, ബെറികൾ, മുട്ട, മത്സ്യം, പരിപ്പ് വർഗങ്ങൾ, നട്സ്, ഒലിവ് ഓയിൽ, വിത്തുകൾ, മുഴുധാന്യങ്ങൾ എന്നിവ ഉൾപ്പെടുന്ന സമീകൃതാഹാരം പിസിഒഎസ് നിയന്ത്രിക്കാൻ സഹായകമായേക്കാം. ഫൈബർ, പ്രോട്ടീൻ, ആരോഗ്യകരമായ കൊഴുപ്പ് എന്നിവ അടങ്ങിയ ഭക്ഷണങ്ങൾ ദീർഘനേരം വിശപ്പ് നിയന്ത്രിക്കാനും രക്തത്തിലെ ഗ്ലൂക്കോസിന്റെ അളവ് സ്ഥിരമായി നിലനിർത്താനും സഹായിക്കും.
എന്നാൽ, ഒരൊറ്റ ഭക്ഷണം കൊണ്ടോ ഒരു പ്രത്യേക ഡയറ്റ് കൊണ്ടോ പിസിഒഎസ് മാറില്ല. വ്യക്തിയുടെ ആരോഗ്യനില, ഭാരം, ഇൻസുലിൻ പ്രതിരോധം, മറ്റ് രോഗങ്ങൾ എന്നിവ പരിഗണിച്ച് ഡോക്ടറുടെയോ ഡയറ്റീഷ്യന്റെയോ നിർദേശപ്രകാരമുള്ള ഭക്ഷണക്രമമാണ് ഏറ്റവും ഉചിതം.
 ഇന്ന് സ്ത്രീകളിൽ വ്യാപകമായി കണ്ടുവരുന്ന ഹോർമോൺ സംബന്ധമായ ആരോഗ്യപ്രശ്നമാണ്. ക്രമരഹിതമായ ആർത്തവം){kind=link}