ചെവിയിൽ രൂപപ്പെടുന്ന മെഴുക് (Earwax) ശരീരത്തിന്റെ സ്വാഭാവിക പ്രതിരോധ സംവിധാനത്തിന്റെ ഭാഗമാണ്. എന്നാൽ മെഴുകിന്റെ നിറത്തിലും ഘടനയിലും വരുന്ന മാറ്റങ്ങൾ ചിലപ്പോൾ ആരോഗ്യപ്രശ്നങ്ങളുടെ സൂചനയായേക്കാമെന്ന് ആരോഗ്യവിദഗ്ധർ പറയുന്നു. സാധാരണയായി ചെവിയിലെ മെഴുക് ഇളം മഞ്ഞയോ ഇളം തവിട്ടുനിറമോ ആയിരിക്കും. എന്നാൽ മറ്റ് നിറങ്ങളും ലക്ഷണങ്ങളും ഉണ്ടെങ്കിൽ അത് ശ്രദ്ധിക്കേണ്ടതാണ്.
ഇരുണ്ട തവിട്ടോ കറുപ്പോ നിറമുള്ള മെഴുക് പഴകിയ മെഴുക് അടിഞ്ഞുകൂടിയതാകാം. ഓറഞ്ച് നിറത്തിലുള്ള മെഴുക് സാധാരണയായി പ്രശ്നമല്ലെങ്കിലും മറ്റ് അസ്വസ്ഥതകളോടൊപ്പം ഉണ്ടെങ്കിൽ പരിശോധന ആവശ്യമായി വരാം.
പച്ചനിറത്തിലുള്ള മെഴുക് അണുബാധയുടെ ലക്ഷണമാകാം. വേദന, ദുർഗന്ധം, പനി എന്നിവയും ഉണ്ടെങ്കിൽ ഉടൻ ഡോക്ടറെ സമീപിക്കണം. ചുവപ്പോ രക്തം കലർന്ന മെഴുകോ കാണുന്നത് ചെവിക്കുള്ളിലെ മുറിവ്, അണുബാധ, അല്ലെങ്കിൽ ചെവിത്തിരയ്ക്ക് കേടുപാടുകൾ സംഭവിച്ചതിന്റെ സൂചനയായിരിക്കാം.
വെളുത്തതും പൊടിപോലെ അടരുന്നതുമായ മെഴുക് ചില ചർമ്മരോഗങ്ങളുമായോ ഫംഗസ് അണുബാധയുമായോ ബന്ധപ്പെട്ടിരിക്കാം. അതിനാൽ ഇത്തരം മാറ്റങ്ങൾ തുടർച്ചയായി കണ്ടാൽ നേത്ര-കർണ-നാസിക (ENT) വിദഗ്ധന്റെ പരിശോധന തേടുന്നതാണ് ഉചിതം.
ആരോഗ്യവിദഗ്ധരുടെ നിർദേശം അനുസരിച്ച്, ചെവി വൃത്തിയാക്കാൻ കോട്ടൺ ബഡ് പോലുള്ള വസ്തുക്കൾ ഉപയോഗിക്കുന്നത് ഒഴിവാക്കണം. ഇത് മെഴുക് കൂടുതൽ അകത്തേക്ക് തള്ളുകയും ചെവിക്ക് പരിക്കേൽക്കാനും ഇടയാക്കും.
 ശരീരത്തിന്റെ സ്വാഭാവിക പ്രതിരോധ സംവിധാനത്തിന്റെ ഭാഗമാണ്. എന്നാൽ മെഴുകിന്റെ നിറത്തിലും ഘടനയിലും){kind=link}