പ്രായഭേദമന്യേ മലയാളികള്‍ക്ക് ഏറെ പ്രിയപ്പെട്ട പാനീയമാണ് ചായയും കാപ്പിയും. രാവിലെ ഉറക്കമുണര്‍ന്നയുടനെ ഒരു കപ്പ് ചായയോ കാപ്പിയോ കുടിക്കാതെ ദിവസം തുടങ്ങാന്‍ പലര്‍ക്കും കഴിയാറില്ല. ഒരു ദിവസം ചായ കുടിച്ചില്ലെങ്കില്‍ തന്നെ ക്ഷീണവും അസ്വസ്തതയും തലവേദനയും വരുന്നവരുണ്ട്. എന്നാല്‍ ദിവസേന ചായയോ കാപ്പിയോ കുടിക്കുന്നവരുടെ ശരീരത്തില്‍ അപകടകരമായ രോഗങ്ങള്‍ വരുമെന്നാണ് പഠനം തെളിയിച്ചിരിക്കുന്നത്.
ദിവസവും മധുരം ചേര്‍ത്ത് ചായയോ കാപ്പിയോ കുടിക്കുന്നവരില്‍ ലിവര്‍ ക്യാന്‍സര്‍ വരാനുള്ള സാദ്ധ്യത 78 ശതമാനം കൂടുതലാണെന്നും പ്രമേഹമോ മറ്റ് രോഗങ്ങളോ ഉള്ളവരില്‍ അതിന്റെ അപകടസാദ്ധ്യത വര്‍ദ്ധിക്കാന്‍ ഇടയാക്കുമെന്നുമാണ് പുതിയ പഠനത്തില്‍ തെളിഞ്ഞിരിക്കുന്നത്. സൗത്ത് കരോലിന സര്‍വകലാശാലയിലെ വിദഗ്ദ്ധര്‍ 90,000 പേരില്‍ നടത്തിയ പഠനത്തിലാണ് ഇക്കാര്യം വ്യക്തമായത്. രോഗനിര്‍ണയം വൈകിക്കഴിഞ്ഞാല്‍ രോഗമുക്തി നേടാനുള്ള സാദ്ധ്യത വളരെയധികം കുറഞ്ഞ രോഗമാണ് ലിവര്‍ ക്യാന്‍സര്‍.
വിശപ്പില്ലായ്മ, ക്ഷീണം, തൊലിപ്പുറത്തുളള ചൊറിച്ചില്‍ ഇതെല്ലാമാണ് ആദ്യ ലക്ഷണങ്ങള്‍. മധുരമുളള ചായ ശീലമാക്കിയവരില്‍ പ്രമേഹത്തിനും സാധ്യത വളരെ കൂടുതലാണെന്ന് പഠനങ്ങള്‍ തെളിഞ്ഞിരിക്കുന്നു.
