വസ്ത്രങ്ങൾ എപ്പോഴും പുത്തനായിരിക്കാൻ ആഗ്രഹിക്കുന്നവരാണ് നമ്മൾ. ഓരോ വസ്ത്രവും വ്യത്യസ്തമായ മെറ്റീരിയലുകൾ ഉപയോഗിച്ചാണ് നിർമ്മിച്ചിരിക്കുന്നത്. എന്നാൽ വസ്ത്രങ്ങൾ കേടുപാടുകൾ സംഭവിക്കാത്ത വിധത്തിൽ പരിപാലിക്കേണ്ടതും പ്രധാനമാണ്. ഓരോ വസ്ത്രത്തിന്റെ പിൻഭാഗത്തും എങ്ങനെയാണ് വൃത്തിയാക്കേണ്ടത് എന്നതിനെക്കുറിച്ച് പറഞ്ഞിട്ടുണ്ടാകും. ഈ വസ്ത്രങ്ങൾ നിങ്ങൾ ഡ്രൈ ക്ലീൻ ചെയ്യുന്നുണ്ടോ എങ്കിൽ ഇക്കാര്യങ്ങൾ ശ്രദ്ധിക്കാതെ പോകരുത്.
- മോടികൂടിയ വസ്ത്രങ്ങള്‍
നിരവധി വര്‍ക്കുകളും, സ്റ്റോണും, ബീഡ്സുമൊക്കെ ഉപയോഗിച്ച് നിര്‍മ്മിച്ചിരിക്കുന്ന വസ്ത്രങ്ങള്‍ ഡ്രൈ ക്ലീന്‍ ചെയ്യാന്‍ പാടില്ല. ഡ്രൈ ക്ലീന്‍ ചെയ്യുമ്പോള്‍ ഈ വസ്ത്രങ്ങളുടെ നിറം മങ്ങുകയും വസ്ത്രത്തിന്റെ മോഡി കുറയുകയും ചെയ്യുന്നു.
ഈ 5 ഉപകരണങ്ങള്‍ എക്സ്റ്റന്‍ഷന്‍ ബോര്‍ഡില്‍ പ്രവര്‍ത്തിപ്പിക്കരുത്
ഈ 4 ഉപകരണങ്ങള്‍ ഉപയോഗം കഴിഞ്ഞാലുടന്‍ അണ്‍പ്ലഗ് ചെയ്തോളൂ
- സില്‍ക്ക് വസ്ത്രങ്ങള്‍
സില്‍ക്ക് പോലുള്ള വസ്ത്രങ്ങളും ഡ്രൈ ക്ലീന്‍ ചെയ്യാന്‍ പാടുള്ളതല്ല. ഇത് ചെറിയ തോതില്‍ സോപ്പ് പൊടി ഉപയോഗിച്ച് കൈ കൊണ്ട് തന്നെ എളുപ്പത്തില്‍ വൃത്തിയാക്കാന്‍ സാധിക്കും. സില്‍ക്ക് വസ്ത്രങ്ങള്‍ ഡ്രൈ ക്ലീന്‍ ചെയ്താല്‍ വസ്ത്രത്തിന്റെ പകിട്ട് നഷ്ടപ്പെടുന്നു.
- കോട്ടണ്‍ ഷര്‍ട്ട്
കോട്ടണ്‍ ഷര്‍ട്ടുകള്‍ ഡ്രൈ ക്ലീന്‍ ചെയ്താല്‍ അവയുടെ ഭംഗി നഷ്ടപ്പെടുന്നു. ഇത്തരം വസ്ത്രങ്ങള്‍ ഡ്രൈ ക്ലീന്‍ ചെയ്യുമ്പോള്‍ വൃത്തിയാകുന്നതിന് പകരം കേടുപാടുകള്‍ സംഭവിക്കുകയാണ് ചെയ്യുന്നത്. അലക്കിയതിന് ശേഷം ചൂട് വെള്ളത്തില്‍ കഴുകിയാല്‍ ദുര്‍ഗന്ധവും ചുരുക്കും മാറുന്നു.
- ഡെനിം
ജീന്‍സ് എപ്പോഴും നമ്മള്‍ കഴുകാറില്ല. കുറഞ്ഞത് 5 തവണയെങ്കിലും ഉപയോഗിച്ചിട്ടെ നമ്മള്‍ ഇത് കഴുകാറുള്ളു. എന്നാല്‍ കഴുകുമ്പോള്‍ ഒരിക്കലും ഡ്രൈ ക്ലീന്‍ ചെയ്യരുത്. ഇത് ജീന്‍സിന് കേടുപാടുകള്‍ വരുത്തുന്നു. പകരം സോപ്പ് പൊടി ഉപയോഗിച്ച് തണുത്ത വെള്ളത്തില്‍ ജീന്‍സ് കഴുകിയെടുക്കണം.
