ചെള്ള് ശല്യം ഉണ്ടാകുന്നത് മൃഗങ്ങൾക്ക് വളരെയധികം ബുദ്ധിമുട്ടുണ്ടാക്കുന്ന കാര്യമാണ്. ഇത് ഗുരുതര ആരോഗ്യ പ്രശ്‍നങ്ങൾക്ക് വഴിയൊരുക്കുന്നു. മൃഗങ്ങളുടെ നല്ല ആരോഗ്യത്തിനും, സുഖ സൗകര്യങ്ങൾക്കും ചെള്ളിനെ പ്രതിരോധിക്കേണ്ടത് പ്രധാനമാണ്. ചെള്ളിനെ പ്രതിരോധിക്കാൻ ഇത്രയും കാര്യങ്ങൾ ചെയ്താൽ മതി. ചൂടുള്ള കാലാവസ്ഥകളിൽ ചെള്ളുകൾ അമിതമായി ഉണ്ടാകുന്നു. സാധാരണമായി പുല്ലുകളിലും തടികളിലുമാണ് ചെള്ള് വരാറുള്ളത്. എന്നാൽ ഇത് മൃഗങ്ങളുടെ ശരീരത്തിലും വളരുന്നു. ഇവ മൃഗങ്ങളുടെ ചോര കുടിക്കുകയും, മൃഗങ്ങളിൽ രോഗങ്ങൾ പരത്തുകയും ചെയ്യുന്നു.
വൃത്തിയാക്കാം
എപ്പോഴും വൃത്തിയായിരുന്നാൽ ചെള്ളിന്റെ ശല്യം ഒഴിവാക്കാൻ സാധിക്കും. രോമങ്ങൾ എപ്പോഴും ചീകി വൃത്തിയാക്കി സൂക്ഷിക്കാം. ചെവി, കഴുത്ത്, വാൽ, വയർ എന്നീ ഭാഗങ്ങളിലാണ് ചെള്ളുകൾ ഒളിച്ചിരിക്കുന്നത്. ഇത് മനസിലാക്കി എല്ലാ ഭാഗങ്ങളും വൃത്തിയാക്കിയാൽ ചെള്ളിനെ ഇല്ലാതാക്കാൻ സാധിക്കും.
വീട്ടിലും വൃത്തി വേണം
വീട് വൃത്തിയായിരുന്നാൽ മാത്രമേ ചെള്ളിന്റെ ശല്യം കുറയ്ക്കാൻ സാധിക്കുകയുള്ളു. കാർപെറ്റ്, വീട്ടുസാധനങ്ങൾ, പെറ്റ് ബെഡ് എന്നിവ വാക്വം ചെയ്താൽ ചെള്ളുകളെയും പ്രാണികളെയും ഇല്ലാതാക്കാൻ സാധിക്കും.
മരുന്നുകൾ
പ്രതിരോധ മരുന്നുകൾ ഉപയോഗിച്ചും ചെള്ളിനെ തുരത്താൻ സാധിക്കും. എന്നാൽ ഇത് വാങ്ങി ഉപയോഗിക്കുമ്പോൾ മൃഗ ഡോക്ടറുടെ നിർദ്ദേശങ്ങൾ പാലിക്കേണ്ടതുണ്ട്.
ഡോക്ടറെ സമീപിക്കാം
വളർത്ത് മൃഗങ്ങളുടെ നല്ല ആരോഗ്യത്തിനായി കൃത്യമായ ഇടവേളകളിൽ ഡോക്ടറെ സമീപിക്കേണ്ടത് പ്രധാനമാണ്. വളർത്ത് മൃഗങ്ങൾക്ക് എന്തെങ്കിലും രോഗങ്ങൾ ഉണ്ടെങ്കിൽ പെട്ടെന്ന് അറിയാനും ചികിൽസിക്കാനും ഇതിലൂടെ സാധിക്കുന്നു.
മൃഗങ്ങളുടെ സ്വഭാവം
മൃഗങ്ങളുടെ സ്വഭാവത്തിൽ ഉണ്ടാകുന്ന മാറ്റങ്ങളും പ്രത്യേകം നിരീക്ഷിക്കേണ്ടതുണ്ട്. അമിതമായി നക്കുക, മാന്തൽ, മുടി കൊഴിച്ചിൽ, ചർമ്മത്തിലുണ്ടാകുന്ന ബുദ്ധിമുട്ടുകൾ തുടങ്ങിയ ലക്ഷണങ്ങൾ മൃഗങ്ങൾ കാണിക്കുന്നുണ്ടെങ്കിൽ ചെള്ള് ഉണ്ടെന്നാണ് മനസിലാക്കേണ്ടത്.
കണ്ണാടി മണികൾ പോൽ താഴെ പതിക്കും ; അധികമാർക്കും അറിയാത്ത തിരുവനന്തപുരത്തെ അരുവി വെള്ളച്ചാട്ടം
