ഉയര്‍ന്ന ബിപി നല്ല പണി തരും

ഉയര്‍ന്ന രക്തസമ്മര്‍ദ്ദം ഹൃദ്രോഗത്തിനും പക്ഷാഘാതത്തിനും ഒരു പ്രധാന അപകട ഘടകമാണ്.
സാധാരണ 35 വയസ്സിന് മുകളിലുള്ളവരിലാണ് ഉയര്‍ന്ന രക്തസമ്മര്‍ദ്ദം കണ്ട് വരുന്നത്. കൃത്യസമയത്ത് ചികിത്സ തേടിയില്ലെങ്കില്‍ ഇത് മറ്റ് ഗുരുതരമായ ആരോഗ്യപ്രശ്‌നങ്ങളിലേക്ക് നയിക്കും.

ഉയര്‍ന്ന രക്തസമ്മര്‍ദ്ദം ഹൃദയാഘാതം, ധമനികളിലെ ക്ഷതം, മറ്റ് വിട്ടുമാറാത്ത അവസ്ഥകള്‍ എന്നിവയ്ക്കുള്ള സാധ്യത വര്‍ദ്ധിപ്പിക്കുന്നു

ഉയര്‍ന്ന രക്തസമ്മര്‍ദ്ദമുള്ളവര്‍ ദിവസവും 30 മിനുട്ട് വ്യായാമം ചെയ്യാന്‍ സമയം മാറ്റിവയ്ക്കുക. ഹൈപ്പര്‍ടെന്‍ഷന്‍ ഉണ്ടാകുന്നത് ഒഴിവാക്കാന്‍ വ്യായാമം സഹായിക്കും.

ഭാരം കുറയ്ക്കുക എന്നുള്ളതാണ് മറ്റൊന്ന്. രക്തസമ്മര്‍ദ്ദം നിയന്ത്രിക്കുന്നതിനുള്ള ഏറ്റവും ഫലപ്രദമായ ജീവിതശൈലി മാറ്റങ്ങളില്‍ ഒന്നാണ് ശരീരഭാരം കുറയ്ക്കല്‍. അമിതവണ്ണമോ പൊണ്ണത്തടിയുള്ളവരോ ആണെങ്കില്‍ പോലും ചെറിയ തോതില്‍ ശരീരഭാരം കുറയ്ക്കുന്നത് രക്തസമ്മര്‍ദ്ദം കുറയ്ക്കാന്‍ സഹായിക്കും.

ഭക്ഷണത്തിലെ സോഡിയത്തിന്റെ ചെറിയ കുറവ് ഹൃദയാരോഗ്യം മെച്ചപ്പെടുത്തുകയും ഉയര്‍ന്ന രക്തസമ്മര്‍ദ്ദമുണ്ടെങ്കില്‍ രക്തസമ്മര്‍ദ്ദം 5 മുതല്‍ 6 mm Hg വരെ കുറയ്ക്കുകയും ചെയ്യും

ധാന്യങ്ങള്‍, പഴങ്ങള്‍, പച്ചക്കറികള്‍, കൊഴുപ്പ് കുറഞ്ഞ പാലുല്‍പ്പന്നങ്ങള്‍, പൂരിത കൊഴുപ്പ്, കൊളസ്ട്രോള്‍ എന്നിവ അടങ്ങിയ ഭക്ഷണം കഴിക്കുന്നത് ഉയര്‍ന്ന രക്തസമ്മര്‍ദ്ദമുണ്ടെങ്കില്‍ രക്തസമ്മര്‍ദ്ദം 11 mm Hg വരെ കുറയ്ക്കും.

സിഗരറ്റ് വലിക്കുമ്പോള്‍ അത് പൂര്‍ത്തിയാക്കിയതിന് ശേഷം കുറച്ച് മിനിറ്റിനുള്ളില്‍ രക്തസമ്മര്‍ദ്ദം വര്‍ദ്ധിപ്പിക്കുന്നു. പുകവലി നിര്‍ത്തുന്നത് രക്തസമ്മര്‍ദ്ദം സാധാരണ നിലയിലാക്കാന്‍ സഹായിക്കുന്നു. പുകവലി ഉപേക്ഷിക്കുന്നത് ഹൃദ്രോഗ സാധ്യത കുറയ്ക്കുകയും മൊത്തത്തിലുള്ള ആരോഗ്യം മെച്ചപ്പെടുത്തുകയും ചെയ്യും.

വിട്ടുമാറാത്ത സമ്മര്‍ദ്ദം ഉയര്‍ന്ന രക്തസമ്മര്‍ദ്ദത്തിന് കാരണമായേക്കാം. അനാരോഗ്യകരമായ ഭക്ഷണശീലവും മദ്യപാനവും ഉയര്‍ന്ന രക്തസമ്മര്‍ദ്ദത്തിന് കാരണമാകും.