Dry eye syndrome സ്ക്രീൻ ഉപയോഗം വർധിച്ചതോടെ കുട്ടികളിൽ ഉൾപ്പെടെ ഡ്രൈ ഐ പ്രശ്നം സാധാരണമാകുന്നതായി ആരോഗ്യവിദഗ്ധർ മുന്നറിയിപ്പ് നൽകുന്നു. കണ്ണ് വരണ്ടുപോകുക, ഇടയ്ക്കിടെ തലവേദന, കണ്ണെരിച്ചിൽ, കാഴ്ച മങ്ങൽ തുടങ്ങിയവയാണ് പ്രധാന ലക്ഷണങ്ങൾ. ദീർഘനേരം മൊബൈൽ, ടാബ്, കമ്പ്യൂട്ടർ തുടങ്ങിയ സ്ക്രീനുകൾ നോക്കുന്നത് പ്രശ്നം കൂടുതൽ രൂക്ഷമാക്കുന്നുവെന്നാണ് വിദഗ്ധരുടെ വിലയിരുത്തൽ.
സ്ക്രീൻ ടൈമിന് പുറമേ കോൺടാക്റ്റ് ലെൻസ് ദീർഘനേരം ഉപയോഗിക്കുന്നത്, അമിത എസി ഉപയോഗം, കാലാവസ്ഥാ മാറ്റങ്ങൾ, ചില മരുന്നുകൾ എന്നിവയും ഡ്രൈ ഐയ്ക്ക് കാരണമാകാം. പ്രത്യേകിച്ച് Antihistamine ആന്റിഹിസ്റ്റമിൻ മരുന്നുകളും Antidepressant ആന്റിഡിപ്രസന്റ് മരുന്നുകളും ഉപയോഗിക്കുന്നവരിൽ പ്രശ്നം കൂടുതലായി കാണപ്പെടുന്നു.
ഡ്രൈ ഐ മൂലം ബുദ്ധിമുട്ടുന്നവർ പലപ്പോഴും ഐ ഡ്രോപ്സ് ഉപയോഗിക്കുന്നുണ്ടെങ്കിലും ഡോക്ടറുടെ നിർദേശമില്ലാതെ മരുന്ന് ഉപയോഗിക്കരുതെന്നാണ് മുന്നറിയിപ്പ്. മരുന്ന് ഒഴിക്കുന്നതിന് മുൻപ് കൈകൾ വൃത്തിയായി കഴുകണം. കുപ്പിയുടെ അറ്റം കണ്ണിൽ തൊടാതിരിക്കാൻ പ്രത്യേകം ശ്രദ്ധിക്കണം. ഒരേസമയം പലതരം മരുന്നുകൾ ഉപയോഗിക്കേണ്ടി വരുമെങ്കിൽ അഞ്ചു മിനിറ്റ് ഇടവേള പാലിക്കണമെന്നും നിർദേശമുണ്ട്.
Contact lens കോൺടാക്റ്റ് ലെൻസ് ഉപയോഗിക്കുന്നവർ ലെൻസ് ഊരിമാറ്റിയ ശേഷം മാത്രമേ ഐ ഡ്രോപ്സ് ഉപയോഗിക്കാവൂ. ഓയിന്റ്മെന്റ് രൂപത്തിലുള്ള മരുന്നുകൾ രാത്രി ഉറങ്ങാൻ മുമ്പ് ഉപയോഗിക്കുന്നത് നല്ലതാണെന്നും വിദഗ്ധർ പറയുന്നു.
സ്ക്രീൻ ടൈം കുറയ്ക്കാൻ ആരോഗ്യവിദഗ്ധർ നിർദേശിക്കുന്നത് 20-20-20 rule 20-20-20 നിയമമാണ്. ഓരോ 20 മിനിറ്റിലും 20 അടി അകലെയുള്ള വസ്തുവിലേക്ക് 20 സെക്കൻഡ് നോക്കുക. ഇതിലൂടെ കണ്ണിന് വിശ്രമം ലഭിക്കും. ഉറങ്ങുന്നതിന് മുമ്പ് സ്ക്രീൻ ഉപയോഗം ഒഴിവാക്കുകയും നീല വെളിച്ചം തടയുന്ന കണ്ണടകൾ ഉപയോഗിക്കുകയും ചെയ്യുന്നത് ഗുണകരമാണ്.
