ആന്റി ബാക്ടീരിയല്‍ ഗുണങ്ങള്‍ മുഖക്കുരു കുറയ്ക്കാന്‍ സഹായിക്കും. വിരുദ്ധ ബാഹ്യാവിഷ്‌ക്കാര ഗുണങ്ങള്‍ ചര്‍മ്മത്തിന്റെ ചുവപ്പ് കുറയ്ക്കും. റോസ് വാട്ടറിന് ചര്‍മ്മത്തിലെ ജലാംശം നിലനിര്‍ത്താനും പുനരുജ്ജീവിപ്പിക്കാനും കഴിയുന്നു. മുഖം മങ്ങിയതോ അല്ലെങ്കില്‍ ക്ഷീണിച്ചതോ ആയി കാണപ്പെടുമ്പോള്‍ അതിന് പരിഹാരം നല്‍കാന്‍ റോസ് വാട്ടറിന് കഴിയും
സുഷിരങ്ങള്‍ വൃത്തിയാക്കാനും ചര്‍മ്മത്തെ ടോണ്‍ ചെയ്യാനും സഹായിക്കുന്നതാണ് റോസ് വാട്ടര്‍. ശുദ്ധീകരിച്ച ചര്‍മ്മത്തില്‍ റോസ് വാട്ടര്‍ പുരട്ടുന്നത് ചുവപ്പും പാടുകളും കുറയ്ക്കാന്‍ സഹായിക്കും. റോസ് വാട്ടറിന് ശക്തമായ ആന്റിസെപ്റ്റിക് ഗുണങ്ങളുണ്ട്. റോസ് ഇതളുകളിലും റോസ് ഓയിലിലും ധാരാളം ശക്തമായ ആന്റിഓക്സിഡന്റുകള്‍ അടങ്ങിയിട്ടുണ്ട്. ഇത് കോശങ്ങളെ കേടുപാടുകളില്‍ നിന്ന് സംരക്ഷിക്കാന്‍ സഹായിക്കും
റോസ് വാട്ടറിന് ആന്റിസെപ്റ്റിക്, ആന്റി ബാക്ടീരിയല്‍ ഗുണങ്ങളുണ്ട്. ഇത് മുറിവുകള്‍ വേഗത്തില്‍ സുഖപ്പെടുത്താന്‍ സഹായിക്കും. മുറിവുകളുടെയും പൊള്ളലുകളുടെയും അണുബാധയെ വൃത്തിയാക്കാനും ചെറുക്കാനും ഈ ഗുണങ്ങള്‍ സഹായിക്കും. മുറിവുകള്‍, പൊള്ളല്‍, പാടുകള്‍ എന്നിവ പോലും വേഗത്തില്‍ സുഖപ്പെടുത്താന്‍ അവ സഹായിക്കും
റോസ് വാട്ടര്‍ എങ്ങനെ തയാറാക്കാം
ആദ്യം കുറച്ച് റോസാപ്പൂവിന്റെ ഇതളുകള്‍ എടുക്കുക. കഴുകി വ്യത്തിയാക്കിയ ഇതളുകള്‍ ഒരു പാത്രത്തില്‍ ഇടുക. ഇതിലേക്ക് ഇതളുകള്‍ മുങ്ങി കിടക്കുന്ന വിധം വെള്ളം ഒഴിക്കാം. വെള്ളം അധികമാകാതെ ശ്രദ്ധിക്കണം. അതിന് ശേഷം ഈ മാത്രം മൂടിവച്ച് 30 മിനിറ്റ് തിളപ്പിക്കാം. അല്ലെങ്കില്‍ വെള്ളത്തിന്റെ നിറം ഇളം പിങ്ക് ആകുന്നത് വരെ ചൂടാക്കുക. ഇതളുകള്‍ അതിന്റെ നിറം നഷ്ടമാകും. ഈ മിശ്രിതം തണുത്തിന് ശേഷം അരിച്ച് എടുത്ത് ഒരു സ്പ്രേ ബോട്ടിലില്‍ എടുത്ത് വയ്ക്കാം. ഇത് ഫ്രിഡ്ജില്‍ സൂക്ഷിച്ച് ആവശ്യാനുസരണം ഉപയോഗിക്കുക. ഏഴ് ദിവസം വരെ റോസ് വാട്ടര്‍ ഉപയോഗിക്കാം.
