ഈന്തപ്പഴത്തിന് നിരവധി ആരോഗ്യ ഗുണങ്ങളുണ്ട്. ഇവയില്‍ പോഷകങ്ങള്‍ ധാരാളമായി അടങ്ങിയിരിക്കുന്നു. മാക്രോ ന്യൂട്രിയന്റുകളുടെയും സമ്പന്നമായ ഉറവിടമാണ് ഈന്തപ്പഴം. ഈന്തപ്പഴത്തില്‍ ഫ്രക്ടോസ്, ഗ്ലൂക്കോസ് എന്നിവ അടങ്ങിയിരിക്കുന്നു. ഇവ ശരീരത്തിന് ഊര്‍ജ്ജം നല്‍കാന്‍ സഹായിക്കുന്നു.
ഈന്തപ്പഴത്തില്‍ നിന്ന് ലഭിക്കുന്ന ഊര്‍ജ്ജത്തിന്റെ ഭൂരിഭാ?ഗവും പഞ്ചസാര രൂപത്തിലാണെങ്കിലും ഇതിന് ഗ്ലൈസെമിക് സൂചിക കുറവാണ്. കൂടാതെ ഇതില്‍ നാരുകളും ധാരാളമായി അടങ്ങിയിരിക്കുന്നു. അതിനാല്‍ മിതമായ അളവില്‍ ഈന്തപ്പഴം കഴിക്കുന്നത് പ്രമേഹരോഗികള്‍ക്കും സുരക്ഷിതമാണ്. ഇത് രക്തത്തിലെ പഞ്ചസാരയുടെ അളവ് കുറയ്ക്കാനും ശരീരഭാരം കുറയ്ക്കാനും സഹായിക്കും.
ഈന്തപ്പഴത്തില്‍ ധാരാളമായി നാരുകള്‍ അടങ്ങിയിരിക്കുന്നു. ഇത് ദഹനപ്രശ്‌നങ്ങള്‍ പരിഹരിക്കുന്നതിന് നല്ലതാണ്. ആന്റി ഓക്‌സിഡന്റുകളാല്‍ സമ്പന്നമായതിനാല്‍ ഇവ ഫ്രീ റാഡിക്കലുകളില്‍ നിന്ന് ശരീരത്തെ സംരക്ഷിക്കുന്നു. കണ്ണുകളുടെ ആരോഗ്യം മികച്ചതാക്കുന്നതിന് ഈന്തപ്പഴം വളരെയധികം ഗുണം ചെയ്യുന്നു.
ഹൃദയാരോഗ്യം മികച്ചതാക്കുന്നതിനും ഈന്തപ്പഴം നല്ലതാണ്. ഗര്‍ഭിണികള്‍ ഈന്തപ്പഴം ഭക്ഷണത്തില്‍ ഉള്‍പ്പെടുത്തുന്നത് സമ്മര്‍ദ്ദം കുറയ്ക്കാന്‍ സഹായിക്കും. വിവിധ അമിനോ ആസിഡുകളുടെയും ഈസ്‌ട്രോണ്‍, സ്റ്റിറോളുകള്‍ എന്നിവയുടെയും സാന്നിധ്യമുള്ളതിനാല്‍ ഈന്തപ്പഴം പുരുഷന്മാരുടെ പ്രതുത്പാദന ക്ഷമത വലിയ തോതില്‍ മെച്ചപ്പെടുത്താന്‍ സഹായിക്കുന്നതാണ്.
എല്ലുകളുടെ ആരോഗ്യം മികച്ചതാക്കുന്നതിനും നാഡീവ്യൂഹത്തിന് ശക്തി വര്‍ധിപ്പിക്കുന്നതിനും വിളര്‍ച്ചയും മുടികൊഴിച്ചിലും തടയുന്നതിനും ഈന്തപ്പഴം കഴിക്കുന്നത് നല്ലതാണ്. എന്നാല്‍, ഈന്തപ്പഴത്തില്‍ പ്രകൃതിദത്ത പഞ്ചസാര ഉയര്‍ന്ന അളവില്‍ അടങ്ങിയിട്ടുണ്ട്. പ്രമേഹരോ?ഗികള്‍ ഇവ കൂടുതലായി കഴിച്ചാല്‍ രക്തത്തിലെ പഞ്ചസാരയുടെ അളവ് വര്‍ധിക്കും. അതിനാല്‍ ഇത് മിതമായ അളവില്‍ കഴിക്കാന്‍ ശ്രദ്ധിക്കണം.
