ദിവസം മുഴുവൻ ക്ഷീണവും തളർച്ചയും അനുഭവപ്പെടുന്നുണ്ടോ? ഉറക്കക്കുറവ്, സമ്മർദം, ആവശ്യത്തിന് ഭക്ഷണം കഴിക്കാത്തത് തുടങ്ങിയ സാധാരണ കാരണങ്ങൾക്കൊപ്പം ഇരുമ്പ്, വിറ്റാമിൻ ബി12, ഫോളേറ്റ് തുടങ്ങിയ പോഷകങ്ങളുടെ കുറവും ക്ഷീണത്തിന് കാരണമാകാം. ശരീരത്തിന് ആവശ്യമായ പോഷകങ്ങൾ ലഭിക്കുന്ന തരത്തിലുള്ള സമീകൃത ഭക്ഷണക്രമം ഊർജം നിലനിർത്താൻ സഹായിക്കും.
മുട്ട
പ്രോട്ടീൻ, വിറ്റാമിൻ ബി12 തുടങ്ങിയ പോഷകങ്ങൾ മുട്ടയിൽ ലഭ്യമാണ്. പ്രഭാതഭക്ഷണത്തിൽ മുട്ട ഉൾപ്പെടുത്തുന്നത് ദിവസം ആവശ്യമായ പോഷകങ്ങൾ ലഭിക്കാൻ സഹായിക്കും.
ഇലക്കറികൾ
ചീര പോലുള്ള പച്ച ഇലക്കറികളിൽ ഇരുമ്പും ഫോളേറ്റും ഉൾപ്പെടെയുള്ള പോഷകങ്ങൾ അടങ്ങിയിട്ടുണ്ട്. ഭക്ഷണത്തിൽ പതിവായി ഇലക്കറികൾ ഉൾപ്പെടുത്തുന്നത് നല്ലതാണ്.
പയർവർഗങ്ങൾ
പരിപ്പ്, കടല, ചെറുപയർ, രാജ്മ തുടങ്ങിയ പയർവർഗങ്ങളിൽ പ്രോട്ടീനും ഇരുമ്പും അടങ്ങിയിട്ടുണ്ട്. സസ്യാഹാരം കഴിക്കുന്നവർക്ക് ഇവ മികച്ച പോഷകസ്രോതസ്സുകളാണ്.
നട്സ്, വിത്തുകൾ
ബദാം, കശുവണ്ടി, മത്തങ്ങക്കുരു, എള്ള് തുടങ്ങിയവയിൽ ആരോഗ്യകരമായ കൊഴുപ്പ്, പ്രോട്ടീൻ, മഗ്നീഷ്യം, ഇരുമ്പ് എന്നിവ ലഭിക്കും. എന്നാൽ ഉയർന്ന കലോറി ഉള്ളതിനാൽ അളവിൽ കഴിക്കുന്നതാണ് ഉചിതം.
പഴങ്ങൾ
വാഴപ്പഴം, ഓറഞ്ച്, പേരയ്ക്ക തുടങ്ങിയ പഴങ്ങൾ ഭക്ഷണത്തിൽ ഉൾപ്പെടുത്താം. പ്രത്യേകിച്ച് വിറ്റാമിൻ സി അടങ്ങിയ പഴങ്ങൾ സസ്യാഹാരത്തിൽ നിന്നുള്ള ഇരുമ്പിന്റെ ആഗിരണം മെച്ചപ്പെടുത്താൻ സഹായിക്കും.
തൈരും മറ്റ് പാലുത്പന്നങ്ങളും
തൈര്, പാല് തുടങ്ങിയവ പ്രോട്ടീനും മറ്റ് പ്രധാന പോഷകങ്ങളും നൽകുന്നു. സമീകൃത ഭക്ഷണത്തിന്റെ ഭാഗമായി ഇവ ഉൾപ്പെടുത്താം.
ശ്രദ്ധിക്കുക: തുടർച്ചയായി ക്ഷീണം അനുഭവപ്പെടുകയോ വിശ്രമിച്ചിട്ടും ക്ഷീണം മാറാതിരിക്കുകയോ ചെയ്താൽ ഭക്ഷണത്തിലൂടെ മാത്രം പരിഹരിക്കാൻ ശ്രമിക്കരുത്. അനീമിയ, തൈറോയ്ഡ് പ്രശ്നങ്ങൾ, വിറ്റാമിൻ കുറവ് തുടങ്ങിയ ആരോഗ്യപ്രശ്നങ്ങളും ക്ഷീണത്തിന് കാരണമാകാം. ഇത്തരം സാഹചര്യങ്ങളിൽ ഡോക്ടറുടെ നിർദേശപ്രകാരം പരിശോധന നടത്തുന്നത് ഉചിതമാണ്.
