കുറ്റമറ്റ മുഖ ചര്‍മ്മം ഉണ്ടെങ്കിലും കഴുത്തിന് ചുറ്റും കറുപ്പ് നിറമുണ്ടാകുന്നത് പലരുടെയും പ്രധാന ചര്‍മ്മ പ്രശ്‌നമാണ്. ഇരുണ്ട കഴുത്തിന് കാരണമാകുന്നത് പലതരം പ്രശ്‌നങ്ങളാണ്. ഇരുണ്ട കഴുത്തിന്റെ പ്രധാന കാരണം ശുചിത്വമില്ലായ്മയാണ്. സൗന്ദര്യവര്‍ദ്ധകവസ്തുക്കളിലെ രാസവസ്തുക്കള്‍, മലിനീകരണം, പ്രമേഹം എന്നിവയാണ് ഇതിന് മറ്റുകാരണങ്ങള്‍. എന്നാല്‍, കഴുത്തിന് ചുറ്റുമുള്ള കറുപ്പ് നീക്കം ചെയ്യാന്‍ ലളിതമായ വീട്ടുവൈദ്യം ഉണ്ട്.
കറ്റാര്‍വാഴയാണ് കഴുത്തിന്റെ ഇരുണ്ട നിറം മാറ്റാന്‍ ഏറ്റവും ഉത്തമം. കറ്റാര്‍വാഴയിലെ ധാതുക്കളും വിറ്റാമിനുകളും ചര്‍മ്മത്തിലെ മെലാനിന്‍ ഉത്പാദനം പരിമിതപ്പെടുത്തി പിഗ്മെന്റേഷന്‍ കുറയ്ക്കുന്നു. കറ്റാര്‍വാഴയില്‍ നിന്നും ജെല്‍ വേര്‍തിരിച്ചെടുത്ത ശേഷമാണ് കഴുത്തില്‍ പുരട്ടേണ്ടത്. ജെല്‍ അരമണിക്കൂറോളം കഴുത്തില്‍ സൂക്ഷിച്ച ശേഷം തണുത്ത വെള്ളത്തില്‍ കഴുകി കളയാം.
ആപ്പിള്‍ സിഡെര്‍ വിനെഗര്‍ ചര്‍മ്മത്തില്‍ അടിഞ്ഞുകൂടുന്ന ചര്‍മ്മകോശങ്ങളെയും നീക്കംചെയ്യുന്നു. 2 ടേബിള്‍സ്പൂണ്‍ ആപ്പിള്‍ സിഡെര്‍ വിനെഗര്‍ കുറച്ച് വെള്ളത്തില്‍ കലക്കുക. ഒരു കോട്ടണ്‍ ബോള്‍ ലായനിയില്‍ പരിഹാരം കുറച്ച് മിനിറ്റ് വിടുക, എന്നിട്ട് സാധാരണ വെള്ളത്തില്‍ കഴുകുക. കുറച്ച് നിമിഷങ്ങള്‍ക്കുശേഷം കഴുകി കളയാം.
ബദാം ഓയില്‍ വിറ്റാമിന്‍ ഇ, ബ്ലീച്ചിംഗ് ഏജന്റ് എന്നിവ അടങ്ങിയതാണ്. ഈ രണ്ട് ഘടകങ്ങളും നിറം മെച്ചപ്പെടുത്താന്‍ സഹായിക്കുന്നു. കുറച്ച് തുള്ളി ബദാം ഓയില്‍ എടുത്ത് കഴുത്തില്‍ കുറച്ച് മിനിറ്റ് മസാജ് ചെയ്യുക. നല്ല മാറ്റം കാണാന്‍ സാധിക്കും.
