ഹൃദ്രോഗം ഇന്ന് ചെറുപ്പക്കാർക്കിടയിൽ പോലും കൂടി വരുന്ന സാഹചര്യത്തിൽ, ഭക്ഷണത്തിൽ ചെറിയ മാറ്റങ്ങൾ വരുത്തിയാൽ തന്നെ വലിയ സംരക്ഷണം നൽകാൻ കഴിയുമെന്ന് ആരോഗ്യ വിദഗ്ധർ പറയുന്നു. ഹൃദയത്തിന്റെ ആരോഗ്യം മെച്ചപ്പെടുത്താൻ സഹായിക്കുന്ന 8 ഭക്ഷണങ്ങൾ ഇതാ:
- ഡാർക്ക് ചോക്ലേറ്റ്: ഫ്ലേവനോയിഡുകൾ ധാരാളമുള്ള ഡാർക്ക് ചോക്ലേറ്റ് രക്തസമ്മർദ്ദം കുറയ്ക്കാനും രക്തയോട്ടം മെച്ചപ്പെടുത്താനും സഹായിക്കും. പഞ്ചസാര കുറഞ്ഞ 70% മുകളിൽ കൊക്കോ ഉള്ളതാണ് നല്ലത്.
- അവോക്കാഡോ: നല്ല കൊഴുപ്പായ മോണോസാച്ചുറേറ്റഡ് ഫാറ്റ് അടങ്ങിയ അവോക്കാഡോ ചീത്ത കൊളസ്ട്രോൾ കുറയ്ക്കാൻ സഹായിക്കുന്നു.
- ബദാം: ദിവസവും ഒരു പിടി ബദാം കഴിക്കുന്നത് ഹൃദയത്തിന് ഗുണകരമാണ്. ഇതിലെ വിറ്റാമിൻ E, ഫൈബർ എന്നിവ കൊളസ്ട്രോൾ നിയന്ത്രിക്കും.
- ആപ്പിൾ: ഫൈബറും ആന്റി ഓക്സിഡന്റുകളും നിറഞ്ഞ ആപ്പിൾ രക്തത്തിലെ കൊളസ്ട്രോൾ കുറയ്ക്കാൻ മികച്ചതാണ്.
- ബീറ്റ്റൂട്ട്: നൈട്രേറ്റ് ധാരാളമുള്ള ബീറ്റ്റൂട്ട് രക്തസമ്മർദ്ദം സ്വാഭാവികമായി കുറയ്ക്കും.
- തക്കാളി: ലൈക്കോപീൻ എന്ന ആന്റി ഓക്സിഡന്റ് ഹൃദ്രോഗ സാധ്യത കുറയ്ക്കാൻ സഹായിക്കുന്നു.
- ഓറഞ്ച്: വിറ്റാമിൻ C, ഫൈബർ, പൊട്ടാസ്യം എന്നിവ ഹൃദയാരോഗ്യത്തിന് അത്യാവശ്യമാണ്.
- കാരറ്റ്: ബീറ്റാ കരോട്ടിനും ഫൈബറും അടങ്ങിയ കാരറ്റ് കൊളസ്ട്രോൾ നിയന്ത്രിക്കാൻ സഹായിക്കും.
