തിരക്കേറിയ ജീവിതം പലര്‍ക്കും സമ്മാനിച്ച ആരോഗ്യപ്രശ്‌നമാണ് അസിഡിറ്റി. ഇത് വളരെ ചെറിയൊരു പ്രശ്‌നമാണെന്ന് പറഞ്ഞ് തള്ളാന്‍ വരട്ടെ , രോഗം അനുഭവിച്ചവര്‍ക്കറിയാം അതിന്റെ ബുദ്ധിമുട്ട് . ആമാശയ ഗ്രന്ഥികളില്‍ ദഹന രസങ്ങള്‍ കൂടുതലായി ഉത്പാദിപ്പിക്കുന്നതാണ് അസിഡിറ്റിക്ക് ഇടയാകുന്നത് . ഇതുമൂലം വയറെരിച്ചില്‍ , അള്‍സര്‍ തുടങ്ങിയ പ്രശ്‌നങ്ങളെയും അഭിമുഖീകരിക്കേണ്ടി വരും.
നെഞ്ച് , വയര്‍,തൊണ്ട എന്നിവിടങ്ങളില്‍ എരിച്ചില്‍, വായക്ക് കയ്പ് , വയറിന് അസ്വസ്ഥത, ഭക്ഷണശേഷം വയറിന് കനംവെക്കുക, തികട്ടല്‍, ഓക്കാനം, ദഹനക്കേട് എന്നിവയാണ് അസഡിറ്റിയുടെ ലക്ഷണങ്ങള്‍.
അസഡിറ്റിക്ക് കാരണം
- സമ്മര്‍ദം
- പുകവലി, മദ്യപാനം
- ക്രമരഹിത ഭക്ഷണം- ഒരുനേരം കഴിക്കാതെ അടുത്ത സമയം അമിതമായി കഴിക്കുക
- ദഹന പ്രശ് നങ്ങള്‍
- ചില മരുന്നുകള്‍
അസിഡിറ്റിയെ എങ്ങനെ പ്രതിരോധിക്കാം
- പഴം, നാളികേര വെള്ളം എന്നിവ കഴിക്കുക
- തുളസിയിലയോ, രണ്ട് മൂന്ന് ഗ്രാമ്പൂവോ ചവക്കുക
- പുതിയിന ചവക്കുകയോ പുതിനയിട്ട വെള്ളം കുടിക്കുകയോ ചെയ്യാം
- ജീരകം ചവക്കാം അല്ലെങ്കില്‍ ജീരക വെള്ളം കുടിക്കാം
- രണ്ട് ഏലക്കാത്തോടിട്ട് വെള്ളം തിളപ്പിക്കുക. ഈ വെള്ളം തണുപ്പിച്ച ശേഷം കുടിക്കാം.
- ഭക്ഷണശേഷം അല്‍പ്പം ശര്‍ക്കര കഴിക്കുക
ജീവിത രീതിയില്‍ വരുത്തേണ്ട മാറ്റങ്ങള്‍
- നന്നായി ചവച്ചരച്ച് സാവധാനം ഭക്ഷണം കഴിക്കുക
- ഒരു നേരം ഒരുമിച്ച് കഴിക്കാതെ ഭക്ഷണം പലതവണയായി അല്‍പ്പാല്‍പ്പം കഴിക്കുക
- കിടക്കുന്നതിന് രണ്ടു മണിക്കൂര്‍ മുമ്പ് ഭക്ഷണം കഴിക്കുക
- വളരെ എരിവേറിയ ഭക്ഷണം കഴിക്കാതിരിക്കുക
- മദ്യപാനം,പുകവലി ഒഴിവാക്കുകയും ചെയ്യുക
- മാനസിക സമ്മര്‍ദം നിയന്ത്രിക്കുക
