യാത്ര കഴിഞ്ഞെത്തിയാലും മടി കാരണം കാറിൽ സൂക്ഷിക്കുന്ന സാധനങ്ങൾ പലപ്പോഴും വലിയ അപകടങ്ങൾക്ക് വഴിവെച്ചേക്കാം. അത്യാവശ്യത്തിന് ഉപയോഗിക്കാൻ വാഹനത്തിൽ കരുതുന്ന പല വസ്തുക്കളും ചൂടുകൂടുമ്പോൾ വലിയ സ്ഫോടനങ്ങൾക്കോ ആരോഗ്യപ്രശ്നങ്ങൾക്കോ ഇടയാക്കുമെന്ന് വിദഗ്ധർ മുന്നറിയിപ്പ് നൽകുന്നു.
എയർ ഫ്രഷ്നറുകൾ, ഡിയോഡറന്റുകൾ, സ്പ്രേ പെയിന്റുകൾ തുടങ്ങിയ എയറോസോൾ ക്യാനുകളാണ് ഇതിൽ ഏറ്റവും അപകടകാരി. ഇവ കാറിനുള്ളിലിരുന്ന് ചൂടാകുമ്പോൾ പൊട്ടിത്തെറിച്ച് വാഹനം പൂർണമായും നശിപ്പിക്കാൻ സാധ്യതയുണ്ട്. കൂടാതെ സാനിറ്റൈസറുകളിൽ അടങ്ങിയിരിക്കുന്ന ആൽക്കഹോളിലേക്ക് നേരിട്ട് സൂര്യപ്രകാശം പതിക്കുന്നത് തീപിടുത്തത്തിന് കാരണമായേക്കാം.
മരുന്നുകളും സൗന്ദര്യവർധക വസ്തുക്കളും കാറിൽ സൂക്ഷിക്കുന്നതും ഒഴിവാക്കണം. കാറിനുള്ളിലെ താപനിലയിലുണ്ടാകുന്ന വ്യതിയാനങ്ങൾ മരുന്നുകളുടെ ഫലപ്രാപ്തി കുറയ്ക്കുകയും, കോസ്മെറ്റിക്സിന്റെ രാസഘടന മാറ്റി ചർമ്മത്തിന് കേടുപാടുകൾ വരുത്തുകയും ചെയ്യും.
