ഹൃദയത്തിന്റെ ആരോഗ്യം ക്ഷയിക്കുമ്പോള്‍ ശരീരത്തില്‍ പലതരത്തിലുള്ള ലക്ഷണങ്ങളും പ്രകടമാകാറുണ്ട്. എന്നാല്‍ പലരും ഇത് തിരിച്ചറിയുന്നില്ല. കൃത്യമായ ചികിത്സ ലഭിച്ചാല്‍ മാത്രമാണ് ഹൃദയത്തെ നമുക്ക് സംരക്ഷിക്കുവാന്‍ സാധിക്കുകയുള്ളൂ.
ഇന്ന് നിരവധി ആളുകള്‍ കോറോണറി ആര്‍ട്ടറി ഡിസീസിനാല്‍ ( Coronary Artery Disease) ബുദ്ധിമുട്ടുന്നവരാണ്. സ്റ്റാര്‍ട്ടിങ്ങില്‍തന്നെ കണ്ടെത്തി നല്ല ചികിത്സ നല്‍കിയാല്‍ മാത്രമാണ് ഈ അസുഖം ഒരുപരിധിവരെ കുറയ്ക്കുവാന്‍ സാധിക്കൂ. എന്നാല്‍, പലരും ഈ അസുഖം തിരിച്ചറിയുന്നില്ല എന്നതാണ് സത്യം. ഇത്തരത്തില്‍ തിരിച്ചറിയാതെ പോകുന്നത് അറ്റാക്കിലായിരിക്കും ചെന്നവസാനിക്കുന്നത്. ഹാര്‍ട്ടിന് പ്രശ്നം തുടങ്ങുമ്പോള്‍ തന്നെ ശരീരം പല ലക്ഷണങ്ങള്‍ കാണിക്കാറുണ്ട്.അത് തിരിച്ചറിഞ്ഞ് ചികിത്സ നല്‍കേണ്ടത് അനിവാര്യമാണ്
എന്താണ് സി എഡി
നമ്മളുടെ രക്തധമനികളില്‍ പ്ലാക്ക് വന്നടിഞ്ഞ് അതിന്റെ അളവ് കൂടുന്നതിനനുസരിച്ച് രക്ത പ്രവാഹം കുറയുന്നു. ഇത്തരത്തില്‍ രക്തപ്രവാഹം കുറയുന്നതിന് ഹൃദയത്തിലേയ്ക്ക് രക്തം എത്തുന്നതിനും തടസ്സമാകുന്നു. ഇത്തരത്തില്‍ രക്തപ്രവാഹം ഹൃദയത്തിലേയ്ക്ക് കുറയുന്നത് അറ്റാക്കിനും ഹൃദയസംബന്ധമായ അസുഖങ്ങള്‍ ഉണ്ടാകുന്നതിനും കാരണമാകുന്നു.
ഒരു വ്യക്തിയില്‍ വളരെ ചെറുപ്പത്തില്‍ തന്നെ രക്തധമനികളില്‍ പ്ലാക്ക് രൂപപ്പെടുന്നുണ്ട്. അയാള്‍കഴിക്കുന്ന ഭക്ഷണത്തിനനുസരിച്ച് ഫാറ്റ്, കൊളസ്ട്രോള്‍, എന്നിവയാണ് ഇത്തരത്തില്‍ പ്ലാക്ക് രൂപപ്പെടുന്നതിന് കാരണമാകുന്നത്. ഇത് ഓരോ വര്‍ഷം കഴിയും തോറും രക്ധമനികളില്‍ കൂടുകയും കട്ടി വയ്ക്കുകയും രക്തധമനികളെ വളരെ നേര്‍ത്തതാക്കി മാറ്റുകയും ചെയ്യുന്നു. ഇത്തരത്തില്‍ നടക്കുന്ന പ്രക്രിയയെയാണ് എദറോസ്‌ക്ലെറോസിസ എന്ന് പറയുന്നത്.
ഇത്തരത്തില്‍ പ്ലാക്ക് അടിയുന്നത് രക്തത്തിന്റെ സ്വതന്ത്രമായ സഞ്ചാരത്തിന് തടസ്സമാവുകയും ഇത് ഹൃദയത്തിലേയ്ക്ക് ആവശ്യത്തിന് ഓക്സിജന്‍ എത്തിക്കുന്നതിന് തടസ്സമാവുകയും ചെയ്യുന്നു. ഇത്തരത്തില്‍ ആവശ്യത്തിന് വേണ്ടത്ര ഓക്സിജന്‍ ലഭിക്കാതാകുന്നതോടെ ദൃദയം ക്ഷയിക്കുകയും അതുമൂലം ഹൃദയമിടിപ്പില്‍ വ്യത്യാസമുണ്ടാവുകയും ചെയ്യുന്നു. ഇത്തരത്തില്‍ ഹൃദയമിടിപ്പിലുണ്ടാകുന്ന വ്യതിയാനത്തെയാണ് അറിത്ത്മിയ എന്നു പറയുന്നത്. ഇത്തരത്തില്‍ ഹൃദയമിടിപ്പ് കൂടുന്നതും കുറയുന്നതും ഹൃദ്രോഗങ്ങള്‍ക്ക് കാരണമാകുന്നുണ്ട്.
മുന്‍കൂട്ടി കാണിക്കുന്ന ലക്ഷണങ്ങള്‍
പ്ലാക്ക് രക്തധമനികളില്‍ അടിഞ്ഞുകൂടി തുടങ്ങുന്ന തുടക്കത്തില്‍ ശരീരം പ്രത്യേകിച്ച് ലക്ഷണങ്ങള്‍ പ്രകടിപ്പിച്ചെന്നു വരില്ല. എന്നാല്‍, ഇതിന്റെ അളവ് കൂടുംതോറും പലതരത്തിലുള്ള ലക്ഷണങ്ങള്‍ കാണിക്കുവാന്‍ തുടങ്ങും. ഈ ലക്ഷണങ്ങള്‍ ശ്രദ്ധിച്ചാല്‍ നിങ്ങള്‍ക്ക് ഹൃദയം ആരോഗ്യമുള്ളതാണോ എന്ന് മനസ്സിലാക്കുവാന്‍ സാധിക്കുന്നതായിരിക്കും.
അന്‍ജൈന
ഹൃദയത്തില്‍ വേദന അനുഭവപ്പെടുന്നതാണ് അന്‍ജൈന എന്നറിയപ്പെടുന്നത്. എന്നാല്‍ പലരും ഇത് അസിഡിറ്റി മൂലം ഉണ്ടാകുന്ന പ്രശ്നമായി കണ്ട് തള്ളികളയുകയാണ് പതിവ്. ഇത്തരത്തില്‍ തുടക്കത്തില്‍ തന്നെ ബുദ്ധിമുട്ടനുഭവപ്പെടുമ്പോള്‍ ഒരു ഡോക്ടറെ കണ്ട് അത് അസിഡിറ്റി മൂലമുള്ളതാണോ അതോ ഹാര്‍ട്ട് ഡിസീസ് ആണോ എന്ന് ഉറപ്പുവരുത്തേണ്ടത് അനിവാര്യമാണ്. അന്‍ജൈനയുടെ ലക്ഷണങ്ങള്‍
ഹൃദയം ഭയങ്കര ടൈറ്റായിരിക്കുന്ന പോലെ തോന്നുക
അസ്വസ്ഥത അനുഭവപ്പെടുക
ഭാരമുള്ള പോലെ അനുഭവപ്പെടുക
നെഞ്ചില്‍ ഒരു കുത്തല്‍പോലെ തോന്നുക
നെഞ്ചെരിച്ചില്‍
വേദന
.തരിപ്പ്
ശ്വസിക്കുവാനുള്ള ബുദ്ധിമുട്ട്
ശരീരത്തിലേയ്ക്ക് വേണ്ടത്ര ഓക്സിജന്‍ ലഭിക്കാതാകുന്നതോടെ ശ്വസനത്തില്‍ പല ബുദ്ധിമുട്ടുകളും അനുഭവപ്പെടും. ചിലര്‍ക്ക് കുറച്ച് നടക്കുമ്പോഴേയ്ക്കും ശ്വാസം കിട്ടാത്ത അവസ്ഥ അനുഭവപ്പെടാം. ഇതും ഒരു ലക്ഷണമാണ്.
ക്ഷീണവും തലചുറ്റലും
രക്തപ്രവാഹത്തില്‍ അഭാവം ഉണ്ടാകുന്നതോടെ അമിതമായി ക്ഷീണം അനുഭവപ്പെടുകയും ഓക്സിജന്റെ അഭാവം മൂലം തലചുറ്റലും ഛര്‍ദ്ദിക്കുവാന്‍ തോന്നലും ഉണ്ടാകുവാനൂുള്ള സാധ്യതയുണ്ട്. ഇത്തരത്തില്‍ ലക്ഷണങ്ങള്‍ കണ്ടാല്‍ നിങ്ങള്‍ ഒരു ഡോക്ടറെ കാണിക്കേണ്ടത് അനിവാര്യമാണ്. അതേപോലെ പെട്ടെന്ന് വയറ്റിളക്കവും ദഹനക്കേടും ഹൃദ്രോഗംമൂലം ഉണ്ടാകാറുണ്ട്.
ഉറക്കം
പെട്ടെന്ന് അമിതമായി ക്ഷീണവും ഉറക്കവും വരുന്നത് ഹൃദയസംബന്ധമായ അസുഖങ്ങള്‍ കാണുന്നതുകൊണ്ടാണ്. ഇത്തരം പ്രശ്നമുള്ളവരില്‍ പെട്ടെന്ന് ക്ഷീണം അനുഭവപ്പെടുകയും ശരീരത്തില്‍ തണുപ്പനുഭവപ്പെടുകയും മനംപുരട്ടല്‍, വെറുതേ വിയര്‍ക്കുക എന്നിവയെല്ലാം ഇതിന്റെ ലക്ഷണങ്ങളാണ്.
ശ്രദ്ധിക്കേണ്ടവ
മദ്യാപാനവും പുകവലിയും കുറച്ചാല്‍ ഇത്തരം പ്രശ്നങ്ങള്‍ ഒരു പരിധിവരെ കുറയ്ക്കുവാന്‍ സാധിക്കും. കൂടാതെ, ഫാറ്റ് കുറഞ്ഞതുമായ ഭക്ഷണങ്ങളും പഴം പച്ചക്കറികളും ഉള്‍പ്പെടുത്തി നല്ലൊരു ഡയറ്റ് പിന്തുടരാവുന്നതാണ്. അതേപോലെ കാര്‍ഡിയോ വര്‍ക്കൗട്ടുകള്‍ ശീലിക്കുന്നത് ഹൃദയത്തിന്റെ ആരോഗ്യത്തിന് നല്ലതാണ്. ഇത്തരം വര്‍ക്കൗട്ടുകളിലൂടെ ശരീരത്തിലേയ്ക്ക് കൂടുതല്‍ ഓക്സിജന്‍ എത്തുകയും ചെയ്യും.
അതേപോലെ മാനസിക സമ്മര്‍ദ്ദം കുറച്ചും നല്ല ആരോഗ്യരീതി പിന്തുടര്‍ന്നാല്‍ ഒരു പരിധിവരെ പല അസുഖങ്ങളും മാറ്റാവുന്നതാണ്.
