മഴക്കാലത്ത് കേരളത്തിൽ കൂടുതലായി റിപ്പോർട്ട് ചെയ്യപ്പെടുന്ന കൊതുകുജന്യ രോഗങ്ങളിലൊന്നാണ് Dengue Fever അഥവാ ഡെങ്കിപ്പനി. എഡിസ് (Aedes) വിഭാഗത്തിൽപ്പെട്ട കൊതുകുകളുടെ കടിയിലൂടെയാണ് രോഗം പകരുന്നത്. വീടുകളിലും പരിസരങ്ങളിലും കെട്ടിക്കിടക്കുന്ന ശുദ്ധജലത്തിലാണ് ഈ കൊതുകുകൾ കൂടുതലായി പെരുകുന്നത്.
ഡെങ്കിപ്പനിക്ക് കാരണമാകുന്നത് ഡെങ്കി വൈറസാണ്. രോഗബാധിതനായ ഒരാളെ കടിച്ച കൊതുക് മറ്റൊരാളെ കടിക്കുമ്പോഴാണ് വൈറസ് പകരുന്നത്. രോഗം പകരുന്ന ആദ്യ ദിവസങ്ങളിൽ തന്നെ ചികിത്സ തേടുന്നത് ഗുരുതരാവസ്ഥ ഒഴിവാക്കാൻ സഹായിക്കും.
ഡെങ്കിപ്പനിയുടെ പ്രധാന ലക്ഷണങ്ങൾ:
- പെട്ടെന്ന് ഉയരുന്ന കടുത്ത പനി
- ശക്തമായ തലവേദന
- കണ്ണിന് പിന്നിലെ വേദന
- പേശി-സന്ധി വേദന
- ക്ഷീണം, ശരീരവേദന
- ഛർദ്ദി അല്ലെങ്കിൽ ഛർദ്ദിവികാരം
- ചർമത്തിൽ ചുവന്ന പാടുകൾ / ചൊറിച്ചിൽ
- വിശപ്പില്ലായ്മ
ചിലരിൽ രോഗം ഗുരുതരമായാൽ ഡെങ്കി ഹെമറാജിക് ഫീവർ പോലുള്ള അവസ്ഥയിലേക്ക് മാറാം. അത്തരത്തിൽ മൂക്കിൽ നിന്നോ ചുണ്ടിൽ നിന്നോ രക്തസ്രാവം, വയറുവേദന, ശ്വാസതടസം, അമിത ക്ഷീണം തുടങ്ങിയ ഗുരുതര ലക്ഷണങ്ങൾ കാണാം.
പ്രതിരോധ മാർഗങ്ങൾ:
- വീട്ടിലും പരിസരങ്ങളിലും വെള്ളം കെട്ടിക്കിടക്കാൻ അനുവദിക്കരുത്
- കൊതുക് വല, റിപെല്ലന്റ് എന്നിവ ഉപയോഗിക്കുക
- പൂർണ്ണമായി ശരീരം മൂടുന്ന വസ്ത്രങ്ങൾ ധരിക്കുക
- പനി വന്നാൽ സ്വയം മരുന്ന് കഴിക്കാതെ ഡോക്ടറെ കാണുക
ഡെങ്കിപ്പനിയെ ചെറുക്കാൻ ശുചിത്വവും മുൻകരുതലും തന്നെയാണ് ഏറ്റവും ഫലപ്രദമായ ആയുധമെന്ന് ആരോഗ്യ വിദഗ്ധർ ചൂണ്ടിക്കാട്ടുന്നു.
