നിരവധി ആരോഗ്യഗുണങ്ങളുള്ള ആയുര്‍വേദത്തിലെ ഔഷധസസ്യമാണ് ബ്രഹ്‌മി. കുട്ടികളുടെ ബുദ്ധിയ്ക്കും ഓര്‍മ്മയ്ക്കുമാണ് ബ്രഹ്‌മി ഉപയോഗിച്ചു വരുന്നതെങ്കിലും മുതിര്‍ന്നവര്‍ക്കും ഏറെ ഫലപ്രദമാണ് ബ്രഹ്‌മി. ചര്‍മ്മത്തിന്റെയും മുടിയുടെയും ആരോഗ്യം മെച്ചപ്പെടുത്തും. ഉണക്കിപ്പൊടിച്ച ബ്രഹ്‌മി പാലിലോ തേനിലോ ചേര്‍ത്ത് ദിവസേന കഴിക്കുന്നത് ഓര്‍മ്മശക്തി ശക്തിപ്പെടുത്തും.
രോഗപ്രതിരോധ ശേഷി വര്‍ദ്ധിപ്പിക്കുന്നതിനായി കൂടുതല്‍ ആളുകള്‍ ആയുര്‍വേദ മരുന്നുകള്‍, കഷായങ്ങള്‍, മറ്റ് പ്രകൃതിദത്ത മാര്‍ഗ്ഗങ്ങള്‍ എന്നിവ ഉപയോഗിക്കുന്നു. ആയുര്‍വേദ ഔഷധസസ്യങ്ങള്‍ക്ക് വിവിധ ആരോഗ്യ ഗുണങ്ങള്‍ ഉണ്ട്. അത്തരത്തിലുള്ള ഒരു സസ്യമാണ് ബ്രഹ്‌മി. ബുദ്ധിവികാസത്തിന് കുട്ടികള്‍ക്ക് ബ്രഹ്‌മി നല്‍കിയാല്‍ മതി.
ഓര്‍മ്മശക്തി വര്‍ദ്ധിപ്പിക്കാന്‍
ബ്രഹ്‌മിയുടെ ഏറ്റവും ശ്രദ്ധേയമായ ആരോഗ്യ ഗുണം അത് നിങ്ങളുടെ വൈജ്ഞാനിക കഴിവുകള്‍, ഏകാഗ്രത എന്നിവ മെച്ചപ്പെടുത്തുകയും, മനസ്സിനെ ഉത്തേജിപ്പിക്കുകയും ചെയ്യുന്നു എന്നതാണ്. ആറ് ആഴ്ച്ച ബ്രഹ്‌മി ദിവസത്തില്‍ രണ്ടുതവണ (300 മില്ലിഗ്രാം/ഡോസ്) കഴിക്കുന്നതിലൂടെ ശ്രദ്ധേയമായ ഫലങ്ങള്‍ കാണിക്കുന്നുവെന്ന് പഠനങ്ങള്‍ കണ്ടെത്തിയിട്ടുണ്ട്. ഓര്‍മ്മശക്തി, പഠന ശേഷി എന്നിവയെ സഹായിക്കുന്ന തലച്ചോറിലെ നാഡീകോശങ്ങളായ ഡെന്‍ഡ്രിറ്റിക്കിന്റെ പ്രവര്‍ത്തനം മെച്ചപ്പെടുത്തുന്നതിനും ബ്രഹ്‌മി സഹായിക്കുന്നു.
ഉത്കണ്ഠയും സമ്മര്‍ദ്ദവും കുറയ്ക്കാന്‍
സമ്മര്‍ദ്ദ പ്രതികരണത്തില്‍ ഉള്‍പ്പെടുന്ന ചില എന്‍സൈമുകളുടെ പ്രവര്‍ത്തനം മാറ്റാന്‍ ബ്രഹ്‌മി സഹായിക്കുന്നു. അതുകൊണ്ടാണ് ഇത് സമ്മര്‍ദ്ദവും ഉത്കണ്ഠയും കുറയ്ക്കാന്‍ സഹായിക്കുന്നത്. ഇത് നിങ്ങളുടെ മാനസികാവസ്ഥയെ ഉയര്‍ത്തുകയും കോര്‍ട്ടിസോളിന്റെ അളവ് കുറയ്ക്കുകയും ചെയ്യുന്നു ശരീരത്തിലെ സെറോടോണിന്റെ അളവ് വര്‍ദ്ധിപ്പിച്ച് ഇത് ഒരു സമ്മര്‍ദ്ദം അകറ്റുന്ന സഹായിയായും പ്രവര്‍ത്തിക്കുന്നു.
അല്ഷിമേഴ്സ് രോഗത്തിനെതിരെ പോരാടാന്‍
അല്ഷിമേഴ്സ് രോഗം ഭേദമാക്കാനാവില്ല. എന്നാല്‍ തലച്ചോറിലെ രോഗത്തിന്റെ പ്രഭാവം തടയാന്‍ ബ്രഹ്‌മി സഹായകമാണ്. പ്രായമാകുമ്പോള്‍ അല്ഷിമേഴ്സ് രോഗം പോലുള്ള അവസ്ഥകള്‍ വരാനുള്ള സാധ്യത തടയാന്‍ കഴിയുന്ന ഓര്‍മ്മശക്തി വര്‍ദ്ധിപ്പിക്കുന്ന സസ്യമാണിത്.
പ്രതിരോധശേഷി വര്‍ദ്ധിപ്പിക്കാന്‍
നമ്മുടെ ദൈനംദിന ഭക്ഷണക്രമത്തില്‍ ആന്റിഓക്സിഡന്റുകള്‍ ഉള്‍പ്പെടുത്തുന്നത് നമ്മുടെ പ്രതിരോധശേഷി വര്‍ദ്ധിപ്പിക്കുന്നതിനുള്ള മികച്ച മാര്‍ഗമാണ്. ഫ്രീ റാഡിക്കലുകള്‍ മൂലമുണ്ടാകുന്ന കോശങ്ങളുടെ നാശത്തില്‍ നിന്ന് ശരീരത്തെ സംരക്ഷിക്കാന്‍ ആന്റിഓക്സിഡന്റുകള്‍ സഹായിക്കുന്നു, ഇത് ഹൃദ്രോഗം, പ്രമേഹം, കാന്‍സര്‍ എന്നിവപോലുള്ള വിട്ടുമാറാത്ത അവസ്ഥകളെ ചെറുക്കുന്നു.
ബ്രഹ്‌മിയിലെ സജീവ ഘടകമായ ബാക്കോസൈഡുകള്‍ക്ക് ഫ്രീ റാഡിക്കലുകളെ നിര്‍വീര്യമാക്കാനും കൊഴുപ്പ് തന്മാത്രകള്‍ ഫ്രീ റാഡിക്കലുകളുമായി പ്രതികരിക്കുന്നതില്‍ നിന്ന് തടയാനും കഴിയും.
വീക്കം കുറയ്ക്കാന്‍
വേദനയും വീക്കവും ഉണ്ടാക്കുന്നതില്‍ പ്രധാന പങ്ക് വഹിക്കുന്ന സൈക്ലോജെനിസിസ്, കാസ്‌പേസ്, ലിപോക്‌സിസൈനസ് തുടങ്ങിയ എന്‍സൈമുകളെ തടയാന്‍ ബ്രഹ്‌മി സഹായിക്കുന്നു. അതിനാല്‍, സന്ധിവാതം പോലുള്ള രോഗങ്ങളാല്‍ ബുദ്ധിമുട്ടുന്ന ആര്‍ക്കും ബ്രഹ്‌മി ഒരു മികച്ച പരിഹാരമാണ്.
മുടിയുടെ വളര്‍ച്ചയെ പ്രോത്സാഹിപ്പിക്കുന്നു
നമ്മളില്‍ പലരും നീളമുള്ളതും മനോഹരവുമായ മുടിയുടെ വലിയ ആരാധകരാണ്. നിങ്ങള്‍ അത്തരത്തില്‍ ഒരാളാണെങ്കില്‍, മുടി വളര്‍ത്താനും മുടിയുടെ വളര്‍ച്ചയെ പ്രോത്സാഹിപ്പിക്കാനും ബ്രഹ്‌മി ശിരോചര്‍മ്മത്തില്‍ പുരട്ടാന്‍ ശ്രമിക്കുക. ഇത് രോമകൂപങ്ങള്‍ക്ക് ഇന്ധനം നല്‍കാനും മുടി കൊഴിച്ചില്‍ മാറ്റാനും സഹായിക്കുന്നു.